ونىمدىلىك ارتا تۇسۋدە

كەشە ورتالىق كوممۋنيكاتسيالار قىزمەتىندە ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ءوندىرىس قاۋىپسىزدىگى كوميتەتىنىڭ توراعاسى امانياز ەرجانوۆ ءباسپاسوز ءماسليحاتىن وتكىزدى. ول ەڭبەك ونىمدىلىگىن ارتتىرۋ ءۇشىن جاسالعان «ونىمدىلىك-2020» باعدارلاماسى جونىندە اڭگىمەلەدى. ينۆەستيتسيالار جانە دامۋ مي­نيسترلىگى اتالعان باعدارلامانى «قازاقستاندىق يندۋستريانى دامىتۋ ينستيتۋتى» اكتسيونەرلىك قوعامىمەن بىرلەسە جۇزەگە اسىرىپ جاتقانىن ايتقان كوميتەت توراعاسى, قازىرگى تاڭدا ەڭبەك ونىمدىلىگىن ارتتىرۋمەن قاتار, كاسىپورىنداردىڭ ءتيىمدى جۇمىس ىستەۋىنە دە باسا نازار اۋدارىلىپ وتىرعانىنا توقتالدى. «وسى كۇندە الەمدەگى جوعارى ستان­دارتقا قول جەتكىزۋ بويىنشا ناقتى ەڭبەك ونىمدىلىگىنە قاتىستى ساياسات جۇرگىزىلىپ وتىر. وسىناۋ سايا­ساتتى جۇزەگە اسىرۋعا بايلانىس­تى مينيسترلىك پەن ينستيتۋت ءبىر­لەسە وتىرىپ, «ونىمدىلىك-2020» باع­دار­لاماسىن تاعى دا جەتىلدىرە ءتۇستى. بۇل باعدارلاما وزىق ەلدەردىڭ تاجىريبەلەرىن زەردەلەگەن سوڭ عانا دايىندالعانىن ايتقىم كەلەدى. قولعا الىنعان باعدارلاما وتاندىق ءونىم شىعارۋشىلار مەن قاراپايىم جۇ­مىسشىلاردىڭ قىزمەتىن ۇيلەس­تىرىپ, جاقسى ناتيجەلەر كورسەتۋدە», دەدى ول. باعدارلاما 2011 جىلى جاسالىپ, سودان بەرى جۇزەگە اسىرى­لىپ كەلە جاتقانى ءمالىم. بۇگىندە ول جە­تىلدىرىلىپ, جاڭا تالاپتار ەنگى­زىلە باستاعان. وسىنى نەگىز­گە العان ۆەدومستۆو باسشىسى ءوندى­رىس ورىندارىن جاڭعىرتۋمەن قا­تار, ماڭىزدى جۇمىستاردى اتقا­را­تىن قىزمەتكەرلەردىڭ بىلىك­تىلىك­تەرىن ۇنەمى ارتتىرىپ وتىرۋ اسا قاجەت ەكەنىن ايتتى. «بۇگىندە ءبىرىنشى كەزەكتە يندۋستريالاندىرۋ كارتاسىنىڭ جوبالارىنا ارنالعان تەحنيكالىق-ەكونوميكالىق نەگىز­دە­مەلەردى ازىرلەۋ مەن ونى ۇنەمى ساراپتاپ وتىراتىن جۇيە ەنگىزۋ كەرەك­تىگىن اتاپ ءوتتى. سونداي-اق, كادر­لاردى, ونىڭ ىشىندە, توپ-مەنەد­جەرلەردى دايارلاۋ مەن قايتا دايار­لاۋ ىسىنە باسا نازار اۋدارۋ قاجەت ەكەنىن جەتكىزدى. بۇلارمەن بىرگە, الەمدەگى ەڭ مىقتى ساراپشى­لار­دى تارتا وتىرىپ, وندىرىستىك ءتاجىري­بەلەردى تولىققاندى پايدالانۋ ءلازىم, دەدى. كوميتەت توراعا­سى كونسالتينگتىك, جوبالاۋ جانە ينجي­نيرينگتىك ۇيىمداردىڭ قىزمە­تىن سالاعا تارتا وتىرىپ, باسقارۋ­شىلىق جانە وندىرىستىك تەحنولوگيالاردى مۇمكىندىگىنشە ەرتەرەك ەنگىزگەن ءجون بولاتىنىن ايتتى. «جوعارىدا ايتىلعان شارتتار جۇيەلەنىپ ەنگىزىلگەندە عانا ەڭبەك ءونىم­دىلىگى ەكى ەسەدەن دە ارتىپ, مەم­لەكەت باسشىسى جۇكتەگەن تاپسىرما تولىق ورىندالعان بولادى», دەدى ول. وسى كۇنگە دەيىن «ءونىم­دى­لىك-2020» باعدارلاماسى اياسىندا 140 كاسىپورىنعا 27 ملرد. تەڭگەگە مەم­لە­كەتتىك قولداۋ كورسەتىلىپتى. «ءونىم­دىلىك-2020» باعدارلاماسى اياسىن­دا قولداۋ كورسەتىلگەن كاسىپ­ورىن­دارعا تۇراقتى تۇردە مونيتورينگ جۇرگىزىپ وتىرامىز. ونى ىسكە اسى­رۋ­دىڭ ءبىرىنشى كەزەڭىندە 140-تان استام كاسىپكەرلىك سۋبەكتىسىنە سوما­سى 27 ملرد. تەڭگەگە مەملە­كەت­تىك قولداۋ كورسەتىلدى. سو­نىڭ ىشىندە 25 ملرد. تەڭگەگە 13 ينۆەس­تي­تسيالىق جوبا بويىنشا ۇزاق مەرزىم­دى جەرگىلىكتى ليزينگ بەرىلدى. وسى شا­را­لاردىڭ ناتيجەسىندە ليزينگ­تىك قارجىلاندىرۋ العان كاسىپ­ورىنداردا ەڭبەك ونىمدىلىگى 1,5-2 ەسەگە دەيىن ءوستى», دەدى ا.ەرجانوۆ. ۆەدومستۆو باسشىسىنىڭ تاعى ءبىر ماڭىز بەرىپ ايتقانى, باع­دار­لامانىڭ جاڭا فورماتى بو­يىنشا كەلىپ تۇسكەن ءوتىنىش ورتاشا ەسەپپەن 8 جۇمىس كۇنى ىشىندە قاراستىرىلادى. سونىمەن قاتار, قۇجاتتاردى نوتاريالدى كۋالاندىرۋ تالابى الىنىپ تاستالعان. وندا كاسىپورىن باسشىسى كەپىلدىك بەرسە, سونىڭ ءوزى جەتكىلىكتى بولادى ەكەن. نۇرباي ەلمۇراتوۆ, «ەگەمەن قازاقستان».