فيدجي ارالدارىندا تابيعات اپاتىنان 42 ادام قازا تاپتى

استانا. 24 اقپان. فيدجي ارالدارىندا سوققان تروپيكالىق «ۋينستون» داۋىل جەلىنىڭ سالدارىنان قازا تاپقاندار سانى 42 ادامعا جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. مەتەورولوگتار جويقىن داۋىلدىڭ جىلدامدىعى 325 شاقىرىمدى قۇراعانىن, ال مۇحيت تولقىندارىنىڭ بيىكتىگى 12 مەترگە دەيىن كوتەرىلگەندىگىن انىقتادى. تسيكلوننىڭ ەڭ جوعارعى كورسەتكىشى 5 دارەجەسى تىركەلدى. ماماندار فيدجي تاريحىندا بۇرىن-سوڭدى مۇنداي تابيعات اپاتىنىڭ بولماعانىن ايتتى. ءفيدجيدىڭ پرەمەر-ءمينيسترى ۆورەكە باينيماراما تسيكلوننىڭ سالدارىنان كوپتەگەن تۇرعىن ۇيلەردىڭ قيراپ قالعانىن مالىمدەدى. سوڭعى مالىمەتتەر بويىنشا, 13 مىڭنان استام ادام باسپاناسىز قالعان. ولار قازىرگى كەزدە ارنايى ورىنداردا كۇنەلتىپ جاتىر. مەملەكەتتىڭ 70 پايىزى ورنالاسقان ۆيتي-لەۆۋ ارالىندا مىنان اسا ءۇي قيراپ قالعان بولسا, 60 مەكتەپكە زاقىمدانعان. «ۋينستون» كوپتەگەن ەلدى-مەكەندەردى جەرمەن-جەكسەن ەتتى. اپات بولعان ايماقتاردا كوبىنە تومەنگى اۋدانداردىڭ حالقى زارداپ شەكتى. ادام شىعىنى ءالى دە ارتۋى مۇمكىن دەگەن بولجام بار. فيدجي رەسپۋبليكاسى تىنىق مۇحيتىنىڭ وڭتۇستىگىندە ورنالاسقان 300-گە جۋىق ارالداردان قۇرالعان مەملەكەت. الايدا ونىڭ جۇزگە جۋىعىندا ەشكىم تۇرمايدى. حالقىنىڭ سانى 890 مىڭ. اۋماعى 18333 شارشى شاقىرىم. ايان ءابدۋالي. دەرەك, سۋرەت: تاسس.