دوستىق ۇيىنە قوش كەلدىڭىزدەر!

قازاقستان حالقى اسسامبلەياسىنىڭ قۇرىلعانىنا 20 جىل تولۋىنا وراي قالا اكىمدىگى ەتنومادەني بىرلەستىكتەرگە جاڭادان بوي كوتەرگەن دوستىق ءۇيىن سىيلادى. ال جالپى قالاداعى دوستىق ءۇيى وبلىستا العاش اشىلعان ەتنومادەني بىرلەستىكتەردىڭ بىرىنەن سانالادى. بۇل كۇندەرى قالاداعى 12 ەتنومادەني بىرلەستىك تاتۋلىق پەن بىرلىكتىڭ ورتاسىنا اينالعان. جارقىرعان جاڭا عيماراتقا كوشكەن بىرلەستىكتەر, ارينە, قالا اكىمدىگىنىڭ سىيلىعىنا وتە قۋانىشتى. ريزا بولعان بىرلەستىك مۇشەلەرى الداعى ۋاقىتتا ءتۇرلى مادەني-رۋحاني جوبالاردى قولعا الىپ, كوپتەگەن ءىس-شارالاردى اتقارۋدى جوسپارلاپ وتىر. جارقىراعان جاڭا عيماراتتان سلاۆيان, ۋكراين, پولياك, نەمىس, ازەربايجان, ەۆرەي, وزبەك, كورەي, چەشەن-ينگۋش, تاتار-باشقۇرت جانە بەلورۋس بىرلەستىكتەرىنە جانە مۇسىلمان ايەلدەرى ليگاسىنا ارنايى بولمەلەر بەرىلدى. قازاق ءتىلىن, وزگە ۇلت وكىلدەرىنىڭ تىلدەرىن ۇيرەنۋگە ارنالعان ۇيىرمەلەر جۇمىس جاسايدى. ءتۇرلى ءىس-شارالاردى ۇيىمداستىرۋعا ارنالعان كەڭ زال ارقاشان قوناقتارىن كۇتەدى. قالاداعى دوستىق ءۇيىنىڭ ەتنومادەني بىرلەستىكتەرىن جىگەرلى, شىعارماشىل, ىنتالى ادامدار باسقارادى. ءبارى وسى ەلدە ءومىر ءسۇرىپ جاتقان سوڭ, ەلباسى ساياساتىنىڭ بىرلىك, تاتۋلىق جولىنداعى باستامالارىن قاشاندا قولدايدى. مەملەكەت باسشىسىنىڭ تىكەلەي قولداۋىمەن جارقىراعان جاڭا مۋزىكا مەكتەبى دە سالىندى. قازىر وندا 600-گە جۋىق ونەرلى بالالار ءبىلىم الۋدا. ساۋلەتى قالا كوركىن اشىپ, كوز تارتادى. ونەرلى بالالار جىل سايىن وتەتىن «دوستىق. بىرلىك. تاۋەلسىزدىك» دەپ اتالاتىن وبلىستىق ەتنومادەني بىرلەستىكتەر فەستيۆالىنە قاتىسادى. – جاڭا قونىسقا ورنا­لاس­قانىمىزعا وتە قۋانىشتىمىز. ەندى جاڭا عيماراتتا جۇمىس جاسايتىن بولامىز. ەرتەڭگىلىك ءبارىمىز دە كوتەرىڭكى كوڭىل-كۇيمەن وسىندا جينالامىز. شاشۋ شاشىلعان العاشقى كۇندەگىدەي ءالى دە كەرەمەت جاقسى اسەردە ءجۇرمىز. ويتكەنى, دوستىق ءۇيى ەتنومادەني بىرلەستىك مۇشەلەرىنىڭ ەكىنشى ءۇيى. ۇلتتىق بىرلىك – ءبارىمىزدىڭ دە تاڭداۋىمىز, تىنىشتىق بارىمىزگە كەرەك. سوندىقتان دا بولار, ەتنومادەني بىرلەستىكتەر قالادا وتەتىن بارلىق مادەني-مەرەكەلىك شارالاردان قالىسپايدى. ءان-شاشۋىمىز ەل بىرلىگىنە, وتاندى سۇيۋگە, پاتريوتتىق رۋحتى كوتەرۋگە, شىنايى بەلسەندىلىكتى ارتتىرۋعا, قازاق حالقىمەن بىرگە كەلە جاتقان دوستىقتى دارىپتەۋگە ارنالادى, – دەيدى دوستىق ءۇيىنىڭ ديرەكتورى ليۋدميلا ماكارچۋك. سونىمەن قاتار, دوستىق ۇيىنە وسكەلەڭ ۇرپاق: بالالار مەن جاستار شاقىرىلىپ, جاستار قاناتىن نىعايتۋ ءىسى قولعا الىنۋدا. بۇگىنگى كۇنى جاستار قاناتى ءار ەتنومادەني بىرلەستىكتىڭ جانىندا بار. مىسالى, «پولونيا» اتتى پولياكتار بىرلەستىگى بالالار ءانسامبلىن قۇرسا, «ۆوزروجدەنيە» نەمىستەر مادەني بىرلەستىگى نەمiس تiلiن وقىپ-ۇيرەنۋگە كوڭىل بولەدi. «براتستۆو» اتتى سلاۆيان بىرلەستىگى جىل سايىن «سلاۆيان جازباسى مەن مادەنيەتىنىڭ كۇندەرىن» وتكىزەدى. باسقا بىرلەستىكتەردىڭ دە ءوز شارالارى بار. – قالا تۇرعىندارى دا جاڭادان اشىلعان دوستىق ۇيىنە كەلىپ, قۇتتى بولسىن ايتۋدا. وتكەن اپتادا وبلىس اكىمى قانات بوزىمباەۆ كەلىپ, جاڭا قونىسقا قۇتتى بولسىن ايتتى. راۋشان گۇلدەرىن سىيلادى. وسىنداي وڭ نيەت پەن پەيىل بارشامىزدى قازاقستاندىق پاتريوتيزم تۋى استىنا بىرىكتىرەدى, –دەيدى ل.ماكارچۋك. فاريدا بىقاي, «ەگەمەن قازاقستان». پاۆلودار وبلىسى, ەكىباستۇز قالاسى.