جاقسارعان جاريا ەتۋ جۇمىسى

ەلىمىزدە 2015 جىلدىڭ جەلتوقسانى مەن 2016 جىلدىڭ قاڭتار ايى ارالىعىندا 160 ملرد. تەڭگەدەن استام اقشا زاڭداستىرىلعان. بۇل تۋرالى كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ءمالىم بولدى. ءباسپاسوز ءماسليحاتىندا ەلىمىزدە جۇرگىزىلىپ جاتقان زاڭداستىرۋ جايى تالقىلاندى. وعان قارجى مينيسترلىگى مەملەكەتتىك كىرىستەر كوميتەتىنىڭ دامۋ جانە جاڭعىرتۋ دەپارتامەنتى ديرەكتورى ەرجان ءبىرجانوۆ جانە تاۋەكەلدەر, تالداۋ جانە ستاتيستيكا باسقارماسى باسشىسىنىڭ ورىنباسارى ەرلان ساعىناەۆ قاتىستى. «زاڭناماعا ەنگىزىلگەن وزگەرىس­تەر ءوز تيىمدىلىگىن كورسەتتى. ەكى ايدا زاڭداستىرىلعان اقشا 160 ملرد. تەڭگەدەن استى. ياعني, ول 2015 جىلدىڭ 1 جەلتوقسانىنداعى كورسەتكىشتەن 2,5 ەسە ءوستى. بۇل وتە جاقسى كورسەتكىش دەپ ەسەپتەيمىن, ەنگىزىلگەن جاڭاشىلدىقتاردىڭ ناتيجەسىنىڭ ايقىن ايعاعى», دەيدى ە.ءبىرجانوۆ. ايتا كەتەيىك, كاپيتال مەن م ۇلىككە راقىمشىلىق جاساۋ اكتسياسى 2014 جىلدىڭ قىركۇيەگىندە باستالعان بولاتىن. تاياۋدا وسى ءراسىمدى جەڭىلدەتۋ ءۇشىن ءتيىستى زاڭناماعا بىرقاتار تۇزەتۋلەر ەنگىزىلدى. ناقتىراق ايتقاندا, 2015 جىلعى 13 قاراشادا ءتيىستى زاڭعا قول قويىلىپ, 2015 جىلدىڭ جەلتوقسانىنان باستاپ زاڭ قول­دانىسقا ەنگىزىلدى. اقشانى جاريا ەتۋ ءراسىمى تۇبەگەيلى وڭاي­لاتىلدى. ياعني, تالاپتار ءبىراز جەڭىلدەتىلدى. ناتيجەسى وتكىزىلىپ جاتقان اكتسيانىڭ قارقىنىن جاقسارتىپ وتىر. «ەندى اقشانى ەكى تاسىلمەن زاڭداستىرۋعا بولادى. ءبىرىنشىسى – ولاردى بانك شوتتارى ارقىلى كورسەتۋ جانە ءوزىنىڭ كەز كەلگەن مۇقتاجدىقتارىنا پايدالانۋ. مىسالى, بيزنەسكە سالۋ, جىلجىمايتىن م ۇلىك ساتىپ الۋ جانە ت.ب., جانە جاي عانا بانك شوتىنان الۋعا بولادى. وسىنىڭ بارلىعى 10 پايىز الىمدى تولەمەي جۇرگىزىلەتىن بولادى», دەدى دەپارتامەنت ديرەكتورى. ەكىنشى ءتاسىل – شەتەلدە ورنالاسقان نەمەسە قولما-قول اينالىمداعى اقشانى ءوتىنىش بەرۋ نىسانىندا, بانك شوتىندا كورسەتپەي-اق زاڭداستىرۋعا بولادى. بىراق بۇل رەتتە بيۋدجەتكە 10 پايىز الىم تولەنەدى. وسى جانە باسقا جاعدايدا دا جاريا ەتۋ سۋبەكتىسى مەملەكەتتىك كىرىستەر ورگانىنا ءتيىستى دەكلاراتسيانى تاپسىرادى. م ۇلىكتى جاريا ەتۋ راسىمدەرى ەلەۋلى وڭايلاتىلدى. ەندى قازاق­ستان اۋماعىندا ورنالاسقان جانە ءتيىستى تۇردە رەسىمدەلگەن م ۇلىكتى زاڭداستىرۋ ءۇشىن مەم­لەكەتتىك كىرىستەر ورگاندارىنا ءتيىستى دەكلاراتسيانى جانە ىلەسپە قۇجاتتاردى تاپسىرۋ جەتكىلىكتى. وسى جاعداي شەتەلدە ورنالاسقان م ۇلىكتى جاريا ەتۋگە دە قاتىستى. جاريا ەتۋ سۋبەكتىلەرىنە قوسىمشا كەپىلدىكتەر بەرىلدى. م ۇلىكتى جاريا ەتۋمەن بايلانىستى كەز كەلگەن مالىمەتتەر بانكتىك جانە سالىقتىق قۇپيا بولىپ تابىلادى. سونداي-اق, جاريا ەتىلگەن م ۇلىك تاركىلەنۋى مۇمكىن ەمەس. قارجى مينيسترلىگىنىڭ مەملە­كەتتىك كىرىستەر كوميتەتىنىڭ ءمالى­مەتىنە سۇيەنسەك, جاريا ەتۋ باستالعاننان بەرى بارلىعى 704 ملرد. تەڭگە جاريا ەتىلگەن. ونىڭ ىشىندە قازاقستان رەسپۋبليكاسىنىڭ اۋماعىنداعى م ۇلىك بويىنشا 498 ملرد. تەڭگە سوماعا, قازاقستان رەسپۋبليكاسىنىڭ اۋماعىنان تىس ورنالاسقان م ۇلىك بويىنشا 1 ملرد. تەڭگە سوماعا, اقشا 191 ملرد. تەڭگە سوماسىنا جاريا ەتىلگەن. دينارا بىتىكوۆا, «ەگەمەن قازاقستان».