قازاقستان – يران: ىنتىماقتاستىقتىڭ جاڭا كوكجيەگى

جاقىندا «قازاقستان تەمىر جولى» ۇك» اق-تىڭ دەلەگاتسياسى كومپانيا پرەزيدەنتى اسقار ءماميننىڭ باسشىلىعىمەن جۇمىس ساپارىمەن يراندا بولىپ قايتتى. تەگەراندا قتج باسشىلىعى يران كولىك سالاسىنىڭ بىرقاتار ۆەدومستۆولارى مەن كومپانيالارى باسشىلارىمەن ەكىجاقتى كەزدەسۋلەر وتكىزىپ, كەلىسسوزدەر جۇرگىزدى. «100 ناقتى قادام» باعدار­لاماسىن جۇزەگە اسىرۋ شەڭبەرىندە قازاقستاندى حالىقارالىق كولىك-كوممۋنيكاتسيالىق اعىنعا ينتەگراتسيالاۋ مەن «ەۋرازيالىق ترانسقۇرلىقتىق ءدالىز» مۋلتي­مودالدىق كولىك ءدالىزىن قۇرۋ بويىن­شا كەلىسسوزدەر ناتيجەلى اياق­تالدى. «Social Security Investment Company» (SHASTA) كومپانياسىنىڭ باس ديرەكتورى سەيەد مۇحامماد رەزا اياتول­لاحيمەن ىسكەرلىك كەلىسسوز بارى­سىندا باندەر-ابباس تەڭىز پورتىندا بىرلەسىپ تەرمينال جانە تۇرىكمەنستان مەن يران شەكاراسىندا ورنالاسقان ينچەبۋرۋن ستانساسىنا جاقىن جەردە قۇر­عاق پورت قاعيداتى بويىنشا ينفرا­قۇرىلىمدار نىساندارىن سالۋ ماسەلەلەرى تالقىلاندى. اتالعان تەرمينالدىق جوبالار لوگيستيكالىق ينفراقۇرىلىمدار قالىپتاستىرۋعا جانە پارسى شىعاناعى پورتتارىنان ترانزيتتىك جانە ەكسپورتتىق جۇكتەر ءۇشىن جىبەرۋ نۇكتەلەرىن قۇرۋعا باعىت­تالاتىن بولادى. جۇمىس ساپارى شەڭبەرىندە «Raja Rail Transportation Co» كوم­پانياسىنىڭ باس ديرەكتورى حاسان مۇساۆينەجادپەن كەلىسسوز وتكىزىلدى. وعان «Patentes Talgo S.ا» كومپانياسىنىڭ پرەزيدەنتى كارلوس پالاسيو وريول قاتىستى. كەلىسسوز بارىسىندا يرانداعى جولاۋشىلار تاسىمالىن دامىتۋ باعدارلاماسى شەڭبەرىندە «تۇلپار-تالگو» جشس شىعاراتىن جاڭا ۇلگىدەگى 200 جولاۋشىلار ۆاگونىن ساتۋ تۋرالى ۋاعدالاستىققا قول جەتكىزىلدى. يران يسلام رەسپۋبليكاسى تەمىر جولىنىڭ باس ديرەكتورى موحسەن پۋر سەيەد اگايمەن كەزدەسۋ كەزىندە 2016 جىلى قازاقستان مەن يران اراسىنداعى تاسىمال كولەمىن 2,5 ميلليون تونناعا دەيىن جەتكىزۋ بويىنشا بەلگىلەنگەن جوس­پارلار ماسەلەسى قاراستىرىلدى. تاراپتار قازاقستان – تۇرىكمەنستان – يران جاڭا حالىق­ارا­لىق تەمىرجول جەلىسى بويىن­شا تاسىمال كولەمىن ورىستەتۋ ءۇشىن وڭتايلى تاريفتىك جاعداي قالىپتاستىرۋ تۋرالى وڭ نيەتتەر بار ەكەنىن قۋاتتادى. قىتايدان يرانعا تۇراقتى نەگىزدە كونتەينەرلىك پويىزداردى ۇيىمداستىرۋ جانە وتكىزۋ ماسەلەلەرى تالقىلاندى. تاراپتار قازاقستان مەن يران تەمىرجول تاريحىنداعى العاشقى كونتەينەرلىك پويىز وتكىزىلگەنىن زور قاناعات سەزىمىمەن اتاپ ءوتتى. اتالعان پويىز قىتايدىڭ يۆۋ قالاسىنان شىعىپ, يران استاناسى – تەگەرانعا اتباسىن تىرەگەن بولاتىن. مارشرۋتتىڭ ۇزاقتىعى 9 مىڭ شاقىرىمنان اسادى, ال جۇكتى جەتكىزۋ مەرزىمى – 14 تاۋلىك. بۇل جۇكتى تەڭىزبەن جەتكىزگەننەن الدەقايدا از (30 كۇنگە دەيىن). كەزدەسۋ بارىسىندا رەسەي ەكسپورتىن وزەن – بەرەكەت – گورگان تەمىرجول تارماعى ارقىلى يرانعا جەتكىزۋ باعىتىنداعى جۇمىستاردى بەلسەندىلەندىرۋ ماسەلەسى دە تالقىلاندى. ساۋدا اعىندارىن, اتاپ ايت­قاندا, يراننىڭ ازىق-ت ۇلىك تاۋارلارى ەكسپورتىن قازاقستان مەن رەسەي نارىقتارىنا جەتكىزۋدى قامتاماسىز ەتۋ بويىنشا ۋاعدالاستىقتارعا دا قول جەتكىزىلدى. بۇل ءۇشىن «قازاقستان تەمىر جولى» ۇك» اق-تىڭ رەفريجەراتورلى كونتەينەرلەر پاركىن پايدالانۋ جونىندە كەلىسىم جاسالدى. بۇدان بولەك, تەمىرجول ماشي­نالارىن جاساۋ سالاسىنداعى ىنتى­ماقتاستىقتى دامىتۋدىڭ پەرس­پەكتيۆالارى, يران تەمىر جولىمەن «Evolution» سەرياسىنداعى 150 لوكو­موتيۆتى, 70 جولاۋشىلار ەلەك­ترو­ۆوزىن, 5 مىڭ جۇك ۆاگوندارىن, رەلستەر مەن رەلستەردىڭ جو­لىن اۋىستىرۋ قۇرىلعىلارىن ەكسپورتتىق جەتكىزۋ بويىنشا ىنتى­ماق­تاستىقتى ارتتىرۋ جايى تالقىلاندى. كەلىسسوزدەر قورىتىندىلارى بويىنشا ءتيىستى حاتتاماعا قول قويىلدى. ساۋلەبەك ءبىرجان.