ەرەكشە اسەر الدىق

«تۇران – استانا» ۋنيۆەرسيتەتىندە وسى وقۋ ورداسىنىڭ ستۋدەنتتەرىنە كەڭەس وداعىنىڭ با­تىرى, حالىق قاھارمانى, سىناۋشى-ۇش­قىش, زەرتتەۋشى-عارىشكەر, گەنەرال-مايور, تەحنيكا عىلىمدارىنىڭ دوك­­تورى, ۋنيۆەرسيتەتتىڭ قۇرمەتتى پرو­فەسسورى توقتار وڭعارباي ۇلى ءاۋبا­كى­روۆ­تىڭ اتاۋلى ستيپەندياسىنىڭ يەگە­ر­­لەرىنە كۋالىكتەر تاپسىرۋ سالتاناتى ءوتتى. وسىمەن بەسىنشى مارتە وتكىزىلىپ وتىر­عان بۇل شارا جالپى قاتىسۋشى ستۋ­دەنت­تەردىڭ كوڭىلىندە ەستەن كەتپەس كە­رەمەت اسەرلەر قالدىردى. بۇل شارا تۇڭ­عىش قازاق عارىشكەرىنىڭ عارىش­قا ۇشۋىنىڭ 25 جىلدىعىنا جانە ونىڭ 70 جىلدىق مەرەي تويىنا وراي­لاستىرىلعان بولاتىن. تۇڭعىش عارىشكەر توقتار ءاۋبا­كىروۆ بۇل شارانى ۇيىمداستىرۋعا اتسالىسقان ۋنيۆەرسيتەتتىڭ پروفەس­سورلىق-وقىتۋشىلىق ۇجىمىنا, سونداي-اق, ۋنيۆەرسيتەت رەكتورى گۇلجامال الكەن­قىزى جاپاروۆاعا العىسىن ءبىل­دىرە كەلە, اتاۋلى ستيپەنديا ستۋدەنت­تەردىڭ وقۋعا دەگەن ىنتاسىن كو­تەرسە, كەلەشەكتە ولار جوعارى مارتە­بەلەرگە قول جەتكىزسە, سوعان ءوزىنىڭ قۋاناتىنىن زور تەبىرەنىسپەن اتاپ ءوتتى. اتاۋلى ستيپەنديا 2011 جىلعى 30 تا­مىز كۇنى ۋنيۆەرسيتەتتىڭ عىلىمي كە­ڭەسى شەشىمىمەن تاعايىندالعان بولا­تىن. بيىلعى جىلعى اتاۋلى ستيپەنديا­نى ديزاين فاكۋلتەتىنىڭ ستۋدەنتى حا­ميتوۆ ساپار, قازاق ءتىلى جانە ادە­بيەتى فاكۋلتەتىنەن – بولاتوۆا ءمادي­نا, قۇقىقتانۋ فاكۋلتەتىنەن – ەگىن­جانوۆ دياس, پسيحولوگيا فاكۋل­تەتىنەن – يبراگيم ءمولدىر, «ەسەپ جانە اۋديت» فاكۋلتەتىنەن – ەسەنعۇلوۆا اسەل ەنشىلەدى. اتاۋلى ستيپەنديا يەگەرلەرى كەڭەس وداعىنىڭ باتىرى, حالىق قاھارمانى توقتار اۋباكىروۆتىڭ قولىنان كۋا­لىك­تەر, باتىردىڭ قولتاڭباسىمەن ءومىر­باياندىق كىتاپتارىن, ەستەلىك كادە­سىي­لارىن الدى. كۋالىكتەردى تاپسىرۋ سالتاناتى «تۇران – استانا» ۋنيۆەرسيتەتى كور­كەمونەر­پازدارىنىڭ كونتسەرتىمەن ورنەك­­تەلدى. شوۋ-باعدارلاما تۇتاستاي عا­­رىش تا­قى­رىبىنا ارنالدى. ساۋلە شىنتاەۆا.