ءار قازاقستاندىقتىڭ بولاشاق زەينەتاقىسى 15 پايىزعا ءوستى

استانا. 23 اقپان. ءار قازاقستاندىقتىڭ بولاشاق زەينەتاقىسى 15 پايىزعا ءوستى. بۇل تۋرالى almaty.tv سايتىنا سىلتەمە جاساعان egemen.kz ءتىلشىسى حابارلادى. قازاقستاندىقتار 5 تريلليوننان اسا تەڭگە زەينەتاقى جيناقتادى. ال بىرىڭعاي جيناقتاۋشى زەينەتاقى قورىنىڭ ينۆەستيتسيالىق كىرىسى 760 ميلليارد تەڭگە بولدى. ينۆەستيتسيالاۋعا ارنالعان جۇزدەگەن ميلليارد تەڭگە سالىمشىلارعا ءبولىنىپ بەرىلدى, وسىنداي جولمەن ءار قازاقستاندىقتىڭ بولاشاق زەينەتاقىسى 15 پايىزعا ءوستى. زەينەتاقى اكتيۆتەرىن بىرىكتىرۋ, سونىمەن قاتار تەڭگە باعامىنا ەنگىزىلگەن تۇزەتۋلەر مەن قوردىڭ تەڭگەنىڭ ءبىر بولىگىن شەتەلدىك ۆاليۋتامەن ۇستاپ وتىرۋىنىڭ ارقاسىندا پايدا ءتۇسىردى. «زەينەتاقى اكتيۆتەرىنىڭ جۇمىسىنان كۇندەلىكتى تابىلاتىن ينۆەستيتسيالىق كىرىس, قازىر بار جيناقتالعان سومامەن تەڭدەي دارەجەدە كۇن سايىن ءار سالىمشىلاردىڭ ەسەپشوتىنا بولىنەدى. سىزدەر زەينەتاقى جارناسىن نەعۇرلىم كوبىرەك تولەگەن سايىن, جيناقتالعان سومالارىڭىز جوعارى بولسا, سوعۇرلىم ينۆەستيتسيالىق كىرىس سونىمەن تەڭ دارەجەدە ەسەپشوتتارىڭىزعا اۋدارىلىپ وتىرادى», – دەدى بىرىڭعاي جيناقتاۋشى زەينەتاقى قورىنىڭ باسشىسى رۋسلان ەردەناەۆ. قازىر قازاقستان ىنتىماقتاستىق زەينەتاقى جۇيەسىنەن جيناقتاۋىشتىق جۇيەگە ءوتىپ جاتىر. ياعني 2020 جىلدان باستاپ, جاسى جەتكەندەردىڭ زەينەتاقىسى ءوزىنىڭ قانشالىقتى اۋدارعانىنا بايلانىستى بولادى. ەگەر وسى ارالىقتا جيناقتايتىنى جەتكىلىكسىز بولسا, ءوز ەركىمەن قوسىمشا ەسەپشوت اشىپ, سوندا قاراجات اۋدارىپ وتىرۋىنا مۇمكىندىك بار. بىرىڭعاي جيناقتاۋشى زەينەتاقى قورى ارنايى ەسەپ جۇرگىزدى: 30-40 جىل بويى تۇراقتى تۇردە اقشا سالىپ وتىرسا, وندا ەلىمىز بويىنشا زەينەتاقى شامامەن ورتاشا ايلىقتىڭ 40 پايىزىن قۇراماق. قاڭتار ايىندا ول 127 مىڭعا جەتۋى مۇمكىن. ايان ءابدۋالي. دەرەك: almaty.tv. سۋرەت: azattyq.org.