قوستانايدا كوكتايعاقتىڭ سالدارىنان 35 ادام ءتۇرلى جاراقات الدى

قوستاناي. 23 اقپان. قوستانايدا جاۋعان جاڭبىردان كەيىن ايناداي كوكتايعاق بولىپ تۇر. بۇل تۋرالى egemen.kz ءتىلشىسى حابارلادى. كوكتايعاق تۇسكە قاراي جاۋعان جاڭبىردان كەيىن كۇشەيىپ كەتتى. اۋىلدا دا, قالادا دا كوشەلەر ا يناداي, كولىكتىڭ دە, جۇرگىنشىلەردىڭ دە  قوزعالىسى قيىنداپ كەتتى. قوستاناي قالالىق جانە اۋداندارداعى وقۋ ءبولىمى ەكىنشى اۋىسىمدا وقيتىن وقۋشىلاردى ساباقتان بوساتۋعا ءماجبۇر بولدى. كۇندىزگى ساعات 12:00-دەن كەيىن قوستاناي قالاسىندا اۆتوبۋستاردىڭ ءجۇرىسى تىم سيرەپ كەتتى, اۆتوپاركتەر جولاۋشى اۆتوبۋستارىنىڭ ينتەرۆالىن كوكتايعاققا بايلانىستى سوزىپ وتىر. «كوكتايعاق جىلى اۋا اعىسىنا بايلانىستى جاۋعان جاڭبىردان كەيىن وقىس قالىپتاستى. تۇندە تاعى دا جاڭبىر ارالاس قار جاۋادى, ەرتەڭ جاۋىن-شاشىن بولمايدى. بىراق ەرتەڭ اۋانىڭ تەمپەراتۋراسى سىناپ باعاناسىنان ءسال كوتەرىلسە دە كوكتايعاق ساقتالادى», – دەدى «قازگيدرومەت» قوستاناي بولىمشەسىنىڭ كەزەكشى سينوپتيگى تاتيانا كوسەنكو. قوستاناي قالالىق اۋرۋحاناسى جانىنداعى تراۆماتولوگيا بەكەتىنە تۇستەن كەيىن كومەك سۇراپ كەلگەندەردىڭ قاتارى جيىلەپ كەتكەن. «بۇگىن ساعات 15:00-گە دەيىن 35 ادام ءتۇرلى جاراقاتپەن كەلدى. بىراق ازىرگە ايتارلىقتاي ەشنارسە بولعان جوق. تۇستەن كەيىن كەلۋشىلەردىڭ قاتارى جيىلەي تۇسكەنىن ايتۋعا ءتيىسپىن», – دەدى كەزەكشى تراۆماتولوگ دارىگەر. ءنازيرا جارىمبەتوۆا. دەرەك: egemen.kz. سۋرەت: ng.kz.