شاراينا

گۋبەرناتور وققاعارىنان اجال قۇشتى پاكستاننىڭ پەندجاب پروۆينتسياسىنىڭ گۋبەرناتورى سالمان تا­سير­دى سەيسەنبى كۇنى ءوزىنىڭ وققاعارى اتىپ ءولتىردى. بۇل جونىندە جۋر­ناليستەرگە پاكستان ىشكى ىستەر ءمينيسترى رەحمان ماليك حابارلادى. گۋبەرناتور وققاعارىنىڭ اتى-ءجونى – حاسان كادري. ونى سول جەردە گۋبەرناتوردىڭ وزگە كۇزەتشىلەرى قارۋسىزداندىرىپ, پولي­تسياعا تاپسىرعان. وققاعاردىڭ مويىنداۋىنشا, ول گۋبەرناتوردى ەل پرەزيدەنتىن مۇحاممەد پايعامباردىڭ اتىن بالاعاتتاعانىنا بايلانىستى پاكستان سوتىنىڭ ۇكىمىمەن ءولىم جازاسىنا كەسىلگەن اسيا بيبيگە كەشىرىم جاساۋعا جاريالى تۇردە شاقىرعانى ءۇشىن اتقان. مەدۆەدەۆتىڭ ساپارى كەيىنگە شەگەرىلدى يزرايل پرەمەر-ءمينيسترى بەنيامين نەتانياحۋدىڭ پىكىرىنشە, رەسەي پرەزيدەنتى دميتري مەدۆەدەۆتىڭ يزرايلگە سا­پارى­نىڭ كەيىنگە شەگەرىلۋى ەكى مەملەكەت ارا­سىنداعى قاتىناستارعا سالقىنىن تيگىزۋى مۇمكىن. ۇكىمەت باسشىسىنىڭ كەڭەسشىسى الەكس سەلسكيدىڭ حاباردار ەتۋىنشە, يزرايل پرەمەر-ءمينيسترى شەتەل ىستەرى جونىندەگى پارلامەنتتىك كوميسسيادا ءسوز سويلەپ, دميتري مەدۆەدەۆتىڭ ساپارىنىڭ اۋىستىرىلۋى يزرايل سىرتقى ىستەر مينيسترلىگى قىزمەتكەرلەرىنىڭ ەرەۋىلىنە بايلانىستى ەكەندىگىن مالىمدەگەن. ۇكىمەت باسشىسى كەڭەسشىسىنىڭ سوزىنە قاراعاندا, د.مەدۆەدەۆتىڭ يزرايلگە ساپارىنا بايلا­نىس­تى جۇمىستار جالعاساتىن بولادى. تەررورشىل ۇيىم مۇشەلەرى جويىلدى تاجىكستان ىشكى ىستەر مينيسترلىگىنىڭ شتاب باستىعى توحير نورماتوۆتىڭ مالىمدەۋىنشە, حالىقارالىق تەررورشى, «ءال-كايدانىڭ» مۇشەسى الوۆيددين داۆلاتوۆ پەن ونىڭ جەتى سەرىگىنىڭ كۇش قۇرىلىمدارىنىڭ ارنايى وپەراتسياسى بارى­سىندا كوزى جويىلعان. ولاردان بولەك داۆلاتوۆ بانداسىنىڭ ءبىر مۇشەسى تۇتقىنعا الىنعان, سونداي-اق ۇلكەن كولەمدەگى قارۋ-جاراق قولعا تۇسكەن. ال ارنايى وپەراتسيا دۋشانبە قالاسىنان 180 شاقىرىم جەردەگى راش اۋدانىندا جۇزەگە اسىرىلعان. رەسمي دەرەكتەرگە قاراعاندا, 40 جاستاعى داۆلاتوۆ بۇعان دەيىن ەل اۋماعىندا بىرقاتار قارۋلى قاقتىعىستارعا باسشىلىق جاساپتى. حريستياندار قارسىلىق اكتسياسىن وتكىزدى اسسوشەيتەد پرەسس اگەنتتىگىنىڭ تارات­قان اقپاراتتارى بويىنشا, سەيسەنبىدە ەگي­پەتتىڭ اسيۋت قالاسىندا 500-گە جۋىق حريستيان ءدىنىن ۇستاناتىندار قارسىلىق اكتسيا­سىن وتكىزگەن. اكتسيا بارىسىندا ولار ەل ۇكىمەتىنىڭ حريستيانداردى قورعاۋ شارالارىنىڭ ءوز دەڭ­گەيىندە جۇرگىزىلمەيتىندىگىن ايىپتاپ, پوليتسەيلەرگە تاس لاق­تىرعان. بۇدان بۇرىن مۇنداي قارسىلىق اكتسياسى كاير مەن الەكساندريادا وتكەن بولاتىن. ەگيپەت پرەزيدەنتى حوسني مۋباراكتىڭ پىكىرىنشە, جاڭا جىل تۇنىندە 21 ادامدى وپات ەتكەن تەررورلىق ارەكەتتى شەتەلدىك ۇيىمدار ۇيىمداستىرعان كورىنەدى. يران شاحىنىڭ ۇلى وزىنە-ءوزى قول سالدى بۇرىنعى يران شاحى موحاممەد رەزا پەحلەۆيدىڭ كىشى ۇلى اليرەزا پەحلەۆي بوستون قالاسىنداعى ۇيىندە ءوزىن-ءوزى ولتىرگەن. بۇل جونىندە رەزا پەحلەۆيدىڭ ۇلكەن ۇلى ءوز سايتىندا حابارلاعان. اليرەزا پەحلەۆي گارۆارد ۋنيۆەرسيتەتىندە وقىعان, باكالاۆر دارەجەسىن الۋعا ءتيىس بولاتىن. اسسوشەيتەد پرەسس اگەنتتىگىنىڭ اقپاراتتارىنا قاراعاندا, بۇرىنعى يران شاحى رەزا پەحلەۆي 1979 جىلى يسلام توڭكەرىسىنىڭ بارىسىندا تاقتان تايدىرىلعان. ونىڭ وتباسى مۇشەلەرى شەت ەلدەرگە جەر اۋدارىلعان. ال ۇلكەن ۇلى قازىرگى كەزدە اقش-تا تۇرادى. جاڭا جىل مەرەكەسىندە بانك تونالدى ۆۆس News اگەنتتىگىنىڭ حابارلاۋىنشا, جاڭا جىل تۇنىندە ارگەنتينانىڭ بۋەنوس-ايرەس قالاسىنداعى مەملەكەتتىك بانك فيليالىنىڭ بىرىندە ۇرىلار ونداعى ءجۇز­دەن استام جاشىكتى الىپ كەتكەن. ونى بانك قىزمەتكەرلەرى جاڭا جىل مەرەكەسىنەن كەيىن ءبىر-اق بىلگەن. پوليتسيانىڭ مالىمەتتەرى بويىنشا, ۇرىلار بانك قويماسىنا جەتۋ ءۇشىن جەر استىن كەمىندە التى اي بويى قازعان. وسى ماقساتتارىن جۇزەگە اسىرۋ ءۇشىن ۇرىلار 2010 جىلدىڭ شىلدەسىندە بانك عيماراتىنا جاقىن ورنالاسقان ورىن-جايدى جالعا العان كورىنەدى. جەر استىمەن قازىلعان توننەلدىڭ ۇزىندىعى 30 مەتر, وندا ەلەكتر جارىعى مەن جەلدەتكىش تە ورناتىلعان. قولدى بولعان قۇندى­لىقتاردىڭ ناقتى كولەمى ازىرگە بەلگىسىز. زاڭسىز ميگرانتتار سۋعا باتىپ كەتتى يەمەن ىشكى ىستەر مينيسترلىگىنىڭ تاراتقان اقپاراتتارىنا قاراعاندا, افريكادان اراب تۇبەگىنە جەتپەك بولعان زاڭسىز قونىس اۋدارۋشىلار مىنگەن قايىقتار سۋعا باتىپ كەتكەن. ۆۆس News اگەنتتىگىنىڭ حابارلاۋىنشا, ولار مىنگەن قايىقتار اشىق تەڭىزدە جۇزۋگە سايكەس جابدىقتالماعان. ءىز-ءتۇزسىز كەتكەندەردىڭ كوپشىلىگى ەفيوپيا ازاماتتارى, ولاردىڭ ىشىندە, سونداي-اق سومالي ازاماتتارى دا بار. كورگەندەردىڭ ايتۋىنشا, ءبىر قايىقتا 46 ادام, ەكىنشىسىندە 40-قا جۋىق ادام بولعان. ولاردى ىزدەستىرۋ شارالارى جالعاستىرىلۋدا. ەۋرووداق ەلدەرىنە بارا الماي ما؟ بەلارۋس پرەزيدەنتى الەكساندر لۋكاشەنكونىڭ جانە وسى ەلدەگى بىرقاتار شەنەۋنىكتەردىڭ ەۋروپالىق وداققا مۇشە مەملەكەتتەرگە بارۋلارىنا تىيىم سالىنۋى مۇمكىن. بۇل تۋرالى شۆەتسيا سىرتقى ساياسات ۆەدومستۆوسىنىڭ باسشىسى كارل بيلدت حابارلادى. شۆەتسيا ءمينيسترىنىڭ حاباردار ەتۋىنشە, بۇل بەلورۋسسيادا وتكەن پرەزيدەنتتىك سايلاۋدان كەيىنگى جاعدايلارعا بايلانىستى. ەلدە پرەزيدەنتتىك سايلاۋ وتكەن جىلدىڭ 19 جەلتوقسانىندا بولىپ, وندا الەكساندر لۋكاشەنكو ايقىن باسىمدىقپەن جەڭىسكە جەتكەن ەدى. بۇل وپپوزيتسيانى قاناعاتتاندىرمادى, سول كۇنى-اق مينسكىدە رۇقسات ەتىلمەگەن شەرۋ ۇيىمداستىرىلىپ, ونىڭ سوڭى ۇكىمەت ۇيىنە باسىپ كىرۋگە ارەكەت جاساۋ شارالارىنا ۇلاستى. ال اكتسياعا قاتىسقان جۇزدەگەن ادام ۇستالدى, ولاردىڭ ىشىندە وپپوزيتسيانىڭ جەتەكشىلەرى دە بار. ينتەرنەت ماتەريالدارى نەگىزىندە ازىرلەگەن ءاليسۇلتان قۇلانباي.