«STARTUP «BOLASHAK» بايقاۋى مارەگە جەتتى

جالپى كاسىپكەرلەردى قولداۋ, سونىڭ ىشىندە جاس­تار كاسىپكەرلىگىن دامىتۋ – ەلباسى ن. نازارباەۆ ۇدايى كوتەرىپ جۇرگەن كەلەلى ماسەلە. سوندىقتان دا بۇل جايعا ءجىتى كوڭىل ءبولىنىپ كەلەدى. بايقاۋدىڭ تۇپكى ماقساتى دا سول, جاس قازاقستاندىقتاردىڭ كاسىپكەرلىك باستاما­لارىن كەڭىنەن قولداۋ, ولارعا باعىت-باعدار بەرىپ, جول كورسەتۋ. اتالمىش جوبانى ۇيىمداس­تىرۋشىلار: «بولاشاق» قاۋىم­داستىعى, «بايتەرەك» جانە «BI Group» حولدينگتەرى, «دامۋ» قورى, «Atasu Group of Companies» جانە «Sheberbuild» كومپانيالارى. باس دە­مەۋشى – «سبەربانك». سونىمەن, بايقاۋ جەڭىمپازدارى وزدەرىنىڭ بيزنەس-جوبالارىن دامى­تۋعا 30 ميلليون تەڭگەدەن استام گرانتقا يە بولدى. اتاپ ايتساق, ءى ورىن­دى استانالىق ادىلەت ەلەۋ­سوۆ جەڭىپ الدى. بيزنەس-يدەيا – وقۋشىلارعا ارنالعان قىزىقتى زەرت­حانا قۇرۋ. گرانتتىڭ جالپى سو­ماسى 10 ميلليون تەڭگە. ءىى ورىن – تالدىقورعان قالا­سىنان كەلگەن ەلدوس بايالىشباەۆقا بۇيىردى. بيزنەس-يدەيا – الاكول كولىندە مۇمكىندىگى شەكتەۋلى ادام­دارعا ارنالعان پانسيونات اشۋ. گرانتتىڭ جالپى سوماسى 8 ميلليون تەڭگە. ال, ءىىى ورىن يەسى پاۆلودارلىق باحتىگۇل قاسىموۆا. (بيزنەس-يدەيا – شىنىدان جاسالعان بۇيىمداردى قايتا وڭدەۋ جانە ءوندىرۋ. گرانتتىڭ جالپى سوماسى 5 ميلليون تەڭگە. ايتىلعان جەڭىمپازداردان باسقا, «Startup «Bolashak» باي­قاۋ­ىنىڭ قالعان 7 قاتىسۋشىسىنا جوبانىڭ سەرىكتەستەرى («Bi-Group», «Atasu Group of Companies», «Sheberbuild») ۇسىنىلعان بيزنەس-يدەيالاردى دامىتۋ ءۇشىن 500 مىڭ تەڭگەدەن باستاپ 2,5 ميلليون تەڭگەگە دەيىن اقشالاي قاراجات بەردى. كەلەشەكتە بايقاۋدىڭ ەكىنشى ماۋسىمىن وتكىزۋ جوسپارلانىپ وتىر. راۋشان سۇلەيمەنوۆا, جۋرناليست.