جاڭا جىل قارساڭىندا باتىس قازاقستان وبلىسىنداعى اقجايىق اۋدانىنىڭ ورتالىعىندا «100 مەكتەپ, 100 اۋرۋحانا» باعدارلاماسىنا سايكەس اۋىسىمىنا 250 ادام قابىلداي الاتىن جاڭا ەمحانا اشىلدى. بۇل – ايماقتاعى دەنساۋلىق ساقتاۋ سالاسىنداعى بەسىنشى جوبا.
«حالىقتىڭ دەنساۋلىعى – ول قازاقستاننىڭ ءوزىنىڭ ستراتەگيالىق ماقساتتارىنا جەتۋدەگى تابىسىنىڭ اجىراماس قۇرامداس ءبولىگى» دەپ جازىلعان ەلىمىز پرەزيدەنتىنىڭ قازاقستان حالقىنا جولداۋىندا. رەسپۋبليكالىق بيۋدجەتتەن 1 ملرد. 319 ملن. تەڭگەگە سالىنعان وسى دەنساۋلىق مەكەمەسىنىڭ جالپى اۋماعى 7225,7 شارشى مەتردى قۇراسا, وندا 321 ءارتۇرلى بولمەلەر, جەرتولەسىندە قويمالار, توڭازىتقىشتار, قاۋىپسىزدىك ءبولمەلەرى, گاراج, ت.ب. ينفراقۇرىمدار ورنالاسقان. 5 ليفت جۇمىس جاسايدى.
وسى عيماراتتىڭ ماڭىندا جىلۋ بەرۋ ورتالىعى, جەدەل ءجاردەم اۆتوماشيناسىنا گاراجدار, اۆتوتۇراق, اپاتتىق جاعدايلار نىساندارى, كورىكتەندىرۋ الاڭدارى ورنالاسقان. بۇل قۇرىلىستا 80 ادام جۇمىس جاسادى. ايلىق جالاقىلارى (ەڭ تومەنگى شەگى) 60-70 مىڭ تەڭگەنى قۇراعان. وسى دەنساۋلىق مەكەمەسىنىڭ اشىلۋ سالتاناتىنا ارنايى كەلگەن وبلىس اكىمى باقتىقوجا ىزمۇحامبەتوۆتى, جەر-جەردەن كەلگەن سوعىس جانە ەڭبەك ارداگەرلەرىن جاڭا ەمحانانىڭ الدىندا جۇرتشىلىق ۇلكەن مەرەكەلىك شىرايمەن قارسى الدى.
– ەلباسى ن.نازارباەۆتىڭ قامقورلىعىنىڭ ناتيجەسىندە, – دەدى ب.ىزمۇحامبەتوۆ, – ءبىزدىڭ ايماق قارجى داعدارىسىنىڭ سالقىنىن كوپ سەزىنە قويعان جوق. ونداعان مەكتەپتەر مەن ساۋىقتىرۋ ورىندارى جاڭادان سالىندى, كۇردەلى جوندەۋدەن ءوتتى. «100 مەكتەپ, 100 اۋرۋحانا» باعدارلاماسىمەن جۇزەگە اسقان مىنا ەمحانانىڭ پايدالانۋعا بەرىلۋى اۋدان حالقى ءۇشىن زور قۋانىش. ەلباسى ەلىمىزدىڭ ەرتەڭى ءۇشىن اركەز سەرگەك تە سەنىمدى. ەمحانا قۇرىلىسىن جۇرگىزگەن «سۆ پليۋس» جشس ديرەكتورى ءسابيت ۋتەباليەۆكە, سونداي-اق اۋدان اكىمى اباي يمانعاليەۆقا ءۇلكەن العىسىمدى بىلدىرەمىن. ولار قۇرىلىستىڭ ساپالى ءارى مەزگىلىندە بىتۋىنە قامقور بولدى. ءبىز اۋدان حالقى ءۇشىن بار جاقسىلىقتى جاساۋعا ءتيىستىمىز.
كەلەر جىلى جايىق وزەنىنىڭ سول جاعالاۋىنا گاز وتكىزۋ جۇمىستارى باستالماق. اقسۋات پەن اقيىق اقىن جۇبان مولداعاليەۆتىڭ كىشى وتانى – سايقۇدىقتا ورتا مەكتەپتەر سالۋ ءىسى كەزەك كۇتتىرمەيدى. حالىق قامقورلىق قۇشاعىنان تابىلا بەرمەك.
وبلىس اكىمى جاڭا ەمحاناعا «جەدەل جاردەم» اۆتوماشيناسىن سىيعا تاپسىردى. سالتاناتتا ءسوز العان «شاپاعات» وردەنىنىڭ يەگەرى, ەمحانا دارىگەرى ۆ.پلوتنيكوۆ, اۋداندىق ارداگەرلەر كەڭەسىنىڭ ءتوراعاسى ع.لۇقپانوۆ حالىققا قامقور ەل باسشىلارىنا ۇلكەن راحمەت ايتا وتىرىپ, پرەزيدەنت ن.نازارباەۆتىڭ وكىلەتتىك مەرزىمىن 2020 جىلعا دەيىن ۇزارتۋ جونىندەگى باستاماعا قىزۋ قولداۋ كورسەتۋ وزدەرىنىڭ ازاماتتىق بورىشى ەكەنىن اتاپ ءوتتى. وسى ەمحانانى پايدالانۋعا بەرگەن «سۆ پليۋس» جشس ديرەكتورى ءسابيت ۋتەباليەۆ اۋدان تۇرعىندارىن, ەل ازاماتتارىن ءۇلكەن يگىلىكتى ءىستىڭ اياقتالۋىمەن قۇتتىقتاي وتىرىپ, سيمۆوليكالىق كىلتتى اۋرۋحانانىڭ باس دارىگەرى دارحان حايرۋشەۆكە تاپسىردى.
سالتاناتقا قاتىسۋشىلار جىلى, جارىق, كەڭ ەمحانا بولمەلەرىن ارالاپ كوردى. ءار بولمەدە ورنالاستىرىلعان جابدىقتاردىڭ كەيبىرى اقش, جاپونيا, وڭتۇستىك كورەيا, رەسەي ەلدەرىمەن تاتۋ قارىم-قاتىناس نەگىزىندە الىنىپ, حالىق يگىلىگىنە اينالىپ وتىر. كۇندىزگى ەمدەۋ ءبولىمى, وپەراتسيالىق ۇلكەن زال, فليۋروگرافيا, رەنتگەن, ۋزي, كلينيكالىق جانە بيولوگيالىق زەرتحانالار, فيزيوتەراپيا, ماسساج, وتولارينگولوگ (ەكگ, ۆەلوەرگومەتر) كابينەتتەرى كوزدىڭ جاۋىن الادى.
تەمىر قۇسايىن. سۋرەتتەردى تۇسىرگەن مەدەت سۇندەت ۇلى.
باتىس قازاقستان وبلىسى.
«حالىقتىڭ دەنساۋلىعى – ول قازاقستاننىڭ ءوزىنىڭ ستراتەگيالىق ماقساتتارىنا جەتۋدەگى تابىسىنىڭ اجىراماس قۇرامداس ءبولىگى» دەپ جازىلعان ەلىمىز پرەزيدەنتىنىڭ قازاقستان حالقىنا جولداۋىندا. رەسپۋبليكالىق بيۋدجەتتەن 1 ملرد. 319 ملن. تەڭگەگە سالىنعان وسى دەنساۋلىق مەكەمەسىنىڭ جالپى اۋماعى 7225,7 شارشى مەتردى قۇراسا, وندا 321 ءارتۇرلى بولمەلەر, جەرتولەسىندە قويمالار, توڭازىتقىشتار, قاۋىپسىزدىك ءبولمەلەرى, گاراج, ت.ب. ينفراقۇرىمدار ورنالاسقان. 5 ليفت جۇمىس جاسايدى.
وسى عيماراتتىڭ ماڭىندا جىلۋ بەرۋ ورتالىعى, جەدەل ءجاردەم اۆتوماشيناسىنا گاراجدار, اۆتوتۇراق, اپاتتىق جاعدايلار نىساندارى, كورىكتەندىرۋ الاڭدارى ورنالاسقان. بۇل قۇرىلىستا 80 ادام جۇمىس جاسادى. ايلىق جالاقىلارى (ەڭ تومەنگى شەگى) 60-70 مىڭ تەڭگەنى قۇراعان. وسى دەنساۋلىق مەكەمەسىنىڭ اشىلۋ سالتاناتىنا ارنايى كەلگەن وبلىس اكىمى باقتىقوجا ىزمۇحامبەتوۆتى, جەر-جەردەن كەلگەن سوعىس جانە ەڭبەك ارداگەرلەرىن جاڭا ەمحانانىڭ الدىندا جۇرتشىلىق ۇلكەن مەرەكەلىك شىرايمەن قارسى الدى.
– ەلباسى ن.نازارباەۆتىڭ قامقورلىعىنىڭ ناتيجەسىندە, – دەدى ب.ىزمۇحامبەتوۆ, – ءبىزدىڭ ايماق قارجى داعدارىسىنىڭ سالقىنىن كوپ سەزىنە قويعان جوق. ونداعان مەكتەپتەر مەن ساۋىقتىرۋ ورىندارى جاڭادان سالىندى, كۇردەلى جوندەۋدەن ءوتتى. «100 مەكتەپ, 100 اۋرۋحانا» باعدارلاماسىمەن جۇزەگە اسقان مىنا ەمحانانىڭ پايدالانۋعا بەرىلۋى اۋدان حالقى ءۇشىن زور قۋانىش. ەلباسى ەلىمىزدىڭ ەرتەڭى ءۇشىن اركەز سەرگەك تە سەنىمدى. ەمحانا قۇرىلىسىن جۇرگىزگەن «سۆ پليۋس» جشس ديرەكتورى ءسابيت ۋتەباليەۆكە, سونداي-اق اۋدان اكىمى اباي يمانعاليەۆقا ءۇلكەن العىسىمدى بىلدىرەمىن. ولار قۇرىلىستىڭ ساپالى ءارى مەزگىلىندە بىتۋىنە قامقور بولدى. ءبىز اۋدان حالقى ءۇشىن بار جاقسىلىقتى جاساۋعا ءتيىستىمىز.
كەلەر جىلى جايىق وزەنىنىڭ سول جاعالاۋىنا گاز وتكىزۋ جۇمىستارى باستالماق. اقسۋات پەن اقيىق اقىن جۇبان مولداعاليەۆتىڭ كىشى وتانى – سايقۇدىقتا ورتا مەكتەپتەر سالۋ ءىسى كەزەك كۇتتىرمەيدى. حالىق قامقورلىق قۇشاعىنان تابىلا بەرمەك.
وبلىس اكىمى جاڭا ەمحاناعا «جەدەل جاردەم» اۆتوماشيناسىن سىيعا تاپسىردى. سالتاناتتا ءسوز العان «شاپاعات» وردەنىنىڭ يەگەرى, ەمحانا دارىگەرى ۆ.پلوتنيكوۆ, اۋداندىق ارداگەرلەر كەڭەسىنىڭ ءتوراعاسى ع.لۇقپانوۆ حالىققا قامقور ەل باسشىلارىنا ۇلكەن راحمەت ايتا وتىرىپ, پرەزيدەنت ن.نازارباەۆتىڭ وكىلەتتىك مەرزىمىن 2020 جىلعا دەيىن ۇزارتۋ جونىندەگى باستاماعا قىزۋ قولداۋ كورسەتۋ وزدەرىنىڭ ازاماتتىق بورىشى ەكەنىن اتاپ ءوتتى. وسى ەمحانانى پايدالانۋعا بەرگەن «سۆ پليۋس» جشس ديرەكتورى ءسابيت ۋتەباليەۆ اۋدان تۇرعىندارىن, ەل ازاماتتارىن ءۇلكەن يگىلىكتى ءىستىڭ اياقتالۋىمەن قۇتتىقتاي وتىرىپ, سيمۆوليكالىق كىلتتى اۋرۋحانانىڭ باس دارىگەرى دارحان حايرۋشەۆكە تاپسىردى.
سالتاناتقا قاتىسۋشىلار جىلى, جارىق, كەڭ ەمحانا بولمەلەرىن ارالاپ كوردى. ءار بولمەدە ورنالاستىرىلعان جابدىقتاردىڭ كەيبىرى اقش, جاپونيا, وڭتۇستىك كورەيا, رەسەي ەلدەرىمەن تاتۋ قارىم-قاتىناس نەگىزىندە الىنىپ, حالىق يگىلىگىنە اينالىپ وتىر. كۇندىزگى ەمدەۋ ءبولىمى, وپەراتسيالىق ۇلكەن زال, فليۋروگرافيا, رەنتگەن, ۋزي, كلينيكالىق جانە بيولوگيالىق زەرتحانالار, فيزيوتەراپيا, ماسساج, وتولارينگولوگ (ەكگ, ۆەلوەرگومەتر) كابينەتتەرى كوزدىڭ جاۋىن الادى.
تەمىر قۇسايىن. سۋرەتتەردى تۇسىرگەن مەدەت سۇندەت ۇلى.
باتىس قازاقستان وبلىسى.
