اۋداندا الەۋمەتتىك نان باعاسى – 40 تەڭگە

تاياۋدا اقمولا وبلىسىنىڭ اكىمى سەرگەي كۋلاگين ءوزىنىڭ سان­دىقتاۋ اۋدانىنا بارعان جۇمىس ساپارى بارىسىندا بالقاشينا اۋىلىنداعى ناۋبايحانانىڭ جۇ­مىسىمەن تانىستى. اتالمىش كاسىپورىن باسشىسى تايتا دوكاەۆانىڭ ايتۋىنشا, ناۋبايحاناداعى الەۋمەتتىك نان باعاسى 40 تەڭگەنى, ال 620 گرامدىق ءبىرىنشى سۇرىپتى بولكە ناننىڭ قۇنى 52 تەڭگەنى قۇرايدى. اتاپ ءوتۋ كەرەك, 2015 جىلى ءوندىرىس وشاعى جەكە قاراجاتقا كۇردەلى جوندەۋدەن وتكىزىلىپ, 40,0 ملن. تەڭگەگە شەتەلدىك نان ءپىسىرۋ قوندىرعىسىن ساتىپ العان. ءسوي­تىپ بۇگىندە جوبا ءوزىنىڭ تولىق قۋاتتىلىعىنا ەنىپ, تاۋلىگىنە 3500 دانا نان جانە نان ونىمدەرىن وندىرەدى. بۇل جەردە ناننىڭ 20-عا جۋىق ءتۇرى مەن ءتاتتى تورتتار, بالىشتەر دە ءپىسىرۋ قولعا الىنعان. وتكەن جىلى سەرىكتەستىك 30 ملن. تەڭگەنىڭ 936 مىڭ بولكە نانى مەن 340 مىڭ كونديتەرلىك ءونىم وندىرگەن. كاسىپورىن باسشىسىنىڭ ايتۋىنشا, بۇگىندە ناندى قولمەن ءپىسىرۋ تاجىريبەسى جوقتىڭ قاسى, بارلى­عىن تەحنيكا جاسايدى, ياعني ناندى يلەيدى, بولەدى, نان پەشىنە سالادى. دايىن ءونىم ساندىقتاۋ جانە زەرەندى اۋداندارىندا ساتىلادى. «الەۋمەتتىك نان باعاسىنىڭ قۇنىن قىمباتتاتۋ جوسپارىمىزدا جوق. سوندىقتان جىل اياعىنا دەيىن الەۋمەتتىك نان قۇنى 40 تەڭگە بولىپ قالادى», دەدى وبلىس اكى­مىنە ناۋ­بايحانا باسشىسى تايتا دوكاەۆا. باقبەرگەن امالبەك, «ەگەمەن قازاقستان». اقمولا وبلىسى.