مويىلدى «تولاعايمەن» تولىقتى

وبلىس ورتالىعىنا قاراستى اۋىلدا بالاباقشا اشۋ وبلىس اكىمدىگى مەن Eurasian Resources Group S.a.r.l. اراسىندا بەكىتىلگەن ءوزارا ىنتىماقتاستىق تۋرالى مەموراندۋمنىڭ شەڭبەرىندە جۇزەگە استى. بۇعان دەيىن اۋىل تۇرعىندارى كىشكەنتايلاردى قالاداعى بالاباقشالارعا اپارىپ-اكەلەتىن ەدى. اۋىل قازىر قۋانىشتى. تالاي جىلدار كۇتكەن بالاباقشالا­رى اشىلدى. بۇل اۋىلدىڭ الەۋمەت­تىك-تۇرمىستىق جاعدايلارى­نا اسەر ەتتى. بىردەن 60 تۇرعىن جۇ­مىسقا تۇردى. كوڭىلدەرى كو­تەرىڭكى. بالاباقشالارى قا­زىر­گى زامانعا ساي جارقىراپ تۇر. ءبول­مەلەردە سابيلەر اسىر سالىپ ويناپ ءجۇر. بارلىق جاعداي جاسالعان. بيزنەستىڭ الەۋمەتتىك جاۋاپكەرشىلىگى وسىلايشا ەلباسى تاپسىرماسىنا وراي اۋىلعا «تو­لاعاي» دەگەن بالاباقشا سىيلا­دى. مويىلدى ءجاي اۋىل ەمەس. اتاقتى مويىلدى كۋرور­تى ورنالاس­قان جەر. وبلىس ورتالىعىنىڭ ءىر­گە­سىندە عانا تۇر, 2 مىڭداي حال­قى بار. وزگە ۇلت وكىلدەرىمەن ءبىر­گە, ەلگە ورالعان كوپبالالى اعايىنداردىڭ دا وتباسىلارى تۇرادى. قۋانتساڭ بالانى قۋانت. كىش­­­­كەنتايلاردى زارىقتىرىپ كۇتتىرمەي تەگىن سىيلاي ما دەپ كۇتتى اۋىل. ءسويتىپ, سىيلىقتى ەل­باسى تاپسىرماسى بويىنشا حالىققا جەتكىزدى. «قازاقستان ءاليۋمينيى» اق پرەزيدەنتى ارمان ەسەنجولوۆتىڭ ايتۋىنشا, بۇل, بيزنەستىڭ الەۋمەتتىك جاۋاپكەرشىلىگىنىڭ كورىنىسى. ەن­دى مۇنداي يگىلىكتى ىستەر اقسۋ, ەكى­باستۇز, پاۆلودار قالالارىندا قولعا الىنباقشى. ال «تول­ا­عايدى» جەكەمەنشىك يەسىنەن 43 ميل­ليون تەڭگەگە ساتىپ الىپتى. قازىر «تولاعايعا» 120   ءبۇلدىرشىن بارىپ ءجۇر. وبلىستىق ءبىلىم بەرۋ باسقارماسىنىڭ مالىمەتىنشە, وڭىردە 38 312 بالا بالاباقشا­عا بارادى. وبلىس ورتالىعىندا «Smart Kid», «لينگۆا», «وزيريس» جانە «سامال» سىندى جەكەمەن­شىك بالاباقشالار بار. ءسويتىپ, «با­لاپان» باعدارلاماسىنىڭ شا­پاعاتىمەن وڭىردە سوڭعى جىلدارى 44 بالاباقشا جانە 138 شاعىن ورتالىق اشىلسا, وبلىس ورتالىعىندا 5 020 كىشكەنتايلار ولارعا بارۋعا جولداما الدى. فاريدا بىقاي, «ەگەمەن قازاقستان». پاۆلودار وبلىسى. سۋرەتتى تۇسىرگەن ۆالەري بۋگاەۆ.