ءمۇشايرا

ەلوردادا «ازاتتىق اياسىندا» اتتى رەسپۋبليكالىق جىر بايگەسى وتكىزىلەدى استانا قالاسى اكىمدىگىنىڭ قولداۋىمەن ساكەن سەيفۋللين مۇراجايى وسىمەن التىنشى رەت وتكىزىپ وتىرعان ءداستۇرلى ءمۇ­شايرا ەلىمىزدىڭ ارقالى اقىن­دارىن تاعى دا الامان جىر دوداسىندا ءوز باقتارىن سى­ناۋعا شاقىرادى. بۇل جولعى ءمۇشاي­رانىڭ التىن قازىعى, جىر ارقاۋى – تاۋەلسىزدىك! ەگەمەندىگىنە 25 جىل تولعالى وتىرعان قازاق حال­قىنىڭ بۇدان اسقاق, بۇدان كيەلى, بۇدان قاسيەتتى مەرەكەسى بار ما؟! ازاتتىق اياسىندا قازاق ەلى قاناتىن كەڭ­گە جايعان شيرەك عاسىر ىشىندە قانشاما جەتىس­تىكتەرگە جەتتىك. استانا سالىندى, ەل ىرگەسى بەكىدى. ناراقتىڭ قيىن كەزەڭدەرىنەن وتتىك. تاعى دا داعدارىسپەن بەتپە-بەت كەلىپ وتىرمىز. ەل بولىپ جۇ­مىلىپ, ەل ىرىسىن مولايتىپ بۇل قيىن-قىستاۋ اسۋدان دا اسارمىز. تۇيىندەپ ايتقاندا, ءمۇشايرانىڭ باستى ماقساتى – ەركىن ەلدىڭ بۇگىنگى اجارى مەن ەرتەڭگى جارقىن كەلەشەگىن, كە­شە­گى الاپات كۇرەسىن تەبىرەنە جىرعا قوسۋ, قا­زاق جىرىنىڭ قورجىنىنا قوماقتى ولجا سالۋ. اقىندارىمىز «ماڭگىلىك ەل» بولۋعا تالپىنعان ۇلى دالانىڭ تاريحي تۇلعالارىن ەل باسىنان وتكەن ۇلى وقيعالارمەن ۇش­تاستىرا وتىرىپ, ءىرى شىعار­مالار تۋدىرسا دەگەن تىلەگىمىز بار. تاقىرىپ اياسى بارىنشا كەڭ. كەلىستىرە جىرلاپ, كور­كەم شىعارما تۋدىرۋ ءار اقىن­نىڭ ءوز شابىتىنا, شاما-شار­قىنا بايلانىستى. ەندەشە, ماڭ­دايى جارقىراعان جۇلدىزدى ءجۇي­رىكتەردى جىر مارەسىندە كۇتەمىز! ءبىرىنشى ورىن – بىرەۋ. 1 ملن. 500 مىڭ تەڭگە. ەكىنشى ورىن – ەكەۋ. 1 ملن. تەڭگەدەن. ءۇشىنشى ورىن – ەكەۋ. 500 مىڭ تەڭگەدەن. ىنتا­لاندىرۋ سىيلىعى – ۇشەۋ. 150 مىڭ تەڭگەدەن. مۇشايراعا ەش جەردە جارىق كورمەگەن پوەمالار, تولعاۋلار, توپتاما ولەڭدەر 2016 جىلعى 10 ماۋسىمعا دەيىن قابىلدانادى. ءمۇشايرا قورىتىندىسى اس­تانا كۇنى قار­ساڭىندا جاريالانىپ, ماراپاتتاۋ ءراسىمى وتەدى. ۇمىتكەرلەر شىعارماسىن كوم­پيۋتەردە تەرىپ, 5 داناسىن تومەندەگى مەكەنجايعا جىبەرۋى كەرەك نەمەسە astanakalamger@mail.ru ەلەكتروندى پوشتاعا جولداۋعا بولادى. اۆتوردىڭ اتى-ءجونى, مەكەنجايى, بايلانىس تەلەفونى, ەلەكتروندىق پوش­تاسى (بار بولسا) مىندەتتى تۇردە كورسەتىلۋى ءتيىس. يندەكس: 010000, استانا قا­لاسى, م.اۋەزوۆ كوشەسى 20 «ا» ءۇي, ساكەن سەيفۋللين مۇرا­جايى. تەل.: 8(7172)32-84-67, 53-34-03. جۇلدەگەرلەردىڭ استاناعا كەلىپ-كەتۋدەگى بارلىق شىعىنىن ۇيىمداستىرۋشى تاراپ موينىنا المايدى. سەرىكحان سابىربەكوۆ, ءمۇشايرانى ۇيىمداستىرۋ القاسىنىڭ جاۋاپتى حاتشىسى.  استانا.