موتسارت پەن سالەري بىرلەسە جازعان تۋىندى تابىلدى

پراگا قالاسىندا بەلگىلى كومپوزيتورلار ۆولفگانگ امادەي موتسارت پەن انتونيو سالەريدىڭ بىرىگىپ جازعان تۋىندىسى تابىلدى. قۇندى دۇنيە چەحيانىڭ شاركا دوچكالوۆا اتىنداعى مۋزىكالىق مۇراجايىنان شىقتى. عالىمداردىڭ ايتۋىنشا, بۇل شىعارما وسىدان 200 جىل بۇرىن ۇشتى-كۇيلى جوعالىپ كەتكەن ەكەن. ايگىلى كومپوزيتور موتسارتتىڭ دۇنيەگە كەلگەنىنە بيىل 260 جىل تولادى. ول – ۆەنا كلاسسيكالىق مەكتەبىنىڭ ەلەۋلى وكىلى. ءومىرىنىڭ سوڭىنا دەيىن 600-دەن استام ەڭبەك جازىپ قالدىرعان. سالەري دە ءXVIIى عاسىردىڭ سوڭىنداعى مۋزىكا الەمىندە تانىمال بولعان تۇلعا. ەۋروپا مۋزىكاسىنا قاتىستى مارتەبەلى ورىنداردىڭ ءبىرى – ساراي ماڭىنداعى كاپەلمەيستەر لاۋازىمىنا دەيىن كوتەرىلگەن. ليۋدۆينگ ۆان بەتحوۆەن, فرانس شۋبەرت, فەرەنتس ليست سىندى بەلگىلى كومپوزيتورلارعا ۇستازدىق ەتكەن. الايدا, ونىڭ ارتىندا موتسارتتىڭ جەتىستىگىن قىزعانىپ, ولىمىنە تىكەلەي سەبەپشى بولدى دەگەن داقپىرت قالعان. بىراق 1997 جىلى سوت ونى تولىق اقتاپ, كىناسىزدىگىن مويىندادى. «موتسارت پەن سالەريدىڭ بىرىگىپ جازعان بۇل ەڭبەگى جۇرت اراسىنا كەڭىنەن تاراپ كەتكەن اۆستريالىق ۇلى كومپوزيتوردى يتاليالىق ءارىپ­تەسى ولتىرگەن دەيتىن بولجامدى جوققا شىعارادى. ولار ءبىر-بىرىنە جوعارى قۇرمەت كورسەتكەن جانە ناعىز ادال دوستار بولعان», – دەپ ەسەپتەيدى مۋزىكا مۇراجايىنىڭ قىزمەتكەرلەرى. ايان ءابدۋالي.