ترانسفورماتسيا – تيىمدىلىككە باستايدى

«لوكوموتيۆ قۇراستىرۋ زاۋىتى» اق-تىڭ قۇراستىرۋ تسەحىندا وتكەن كوشپەلى وتىرىستا «قتج» ۇك» اق بيزنەستى ترانسفورماتسيا­لاۋ جانە 2016 جىلعى جوسپارى مەن بۇعان دەيىنگى اتقارىلعان شارا­لار قورىتىندىسى تالقىلاندى. كومپانيا پرەزيدەنتى ا.مامين سوزىندە «قتج» ۇك» اق قوردىڭ قاراماعىنداعى كومپانيالاردىڭ العاشقىلارىنىڭ قاتارىندا, ونىڭ اۋقىمدى, رەسۋرستاردى مول قاجەت ەتەتىن جانە جۇيەلى جوبا ەكەندىگىنە قاراماستان, بيزنەستى ترانسفور­ماتسيا­لاۋ باعدارلاماسىن جۇزەگە اسىرۋعا كىرىسكەندىگىن اتاپ ءوتتى. قازىرگى تاڭدا باعدارلامانىڭ «دايىن­دىق» جانە «دياگنوستيكا مەن ديزاين» كەزەڭدەرى جۇزەگە اسىرىلدى. تۇڭعىش رەت بارلىق ۇدەرىستەردى تاپسىرىس بەرۋ­شىلەردىڭ سۇرانىستارى مەن تيىمدىلىگىن كوتەرۋگە لايىقتاپ, ءپىشىمى وزگەرتىلدى. «قتج» ۇك» اق ستراتەگيالىق دامۋ ما­ڭىزىنىڭ وزەكتىلىگى الدىڭعى قاتارعا قويىلدى. وسىنداي اۋقىمدى جۇمىستار 20 مىڭ ۇدەرىستى قامتيدى. ماڭىزدى جۇمىس كور­سەتكىشتەرىنىڭ قۇرىلىمدىق تارماعى جاسالدى. كومپانياداعى ءىى جۇيەسىنىڭ ماقساتتى ارحيتەكتۋراسى جاساقتالدى. 2016 جىلعا ارنالعان بيزنەستى ترانسفورماتسيالاۋ مەن «جول كارتاسىن» جۇزەگە اسىرۋ تۋرالى جول كارتاسى باعدارلاماسىنىڭ قتج قىزمەتىن ۇيىمداستىرۋدىڭ ماڭىزدى شارالارى تالداندى. «قازاقستان تەمىر جولى» بولاشاقتا ءتيىمدى, شاعىن, كولىكتىك-لوگيستيكالىق كومپانياعا اينالۋى ءتيىس. وسىعان وراي كومپانياعا بىرقاتار مىندەتتەر جۇك­تەلىپ وتىر. ونىڭ ىشىندە كومپانيا ينفرا­قۇرىلىمعا عانا قىزمەت ەتىپ قوي­ماي, لوگيستيكالىق قىزمەت كورسەتىپ تابىس تابۋى كەرەك, دەپ اتاپ ءوتتى ا. مامين. كومپانيا باسشىسىنىڭ ايتۋىنشا, «قتج» ۇك» اق بيزنەستى ترانسفورماتسيا­لاۋ باعدارلاماسى كومپانيانى دامىتۋ ستراتەگياسىنىڭ ماڭىزدى بولىگى بولىپ سانالادى. عالامدىق كولىكتىك-لوگيستيكالىق نارىقتاعى جاڭا مىندەتتەردى يگەرۋ كومپانيادا بيزنەستى ترانسفورماتسيالاۋ جۇ­مىسىن دايەكتى, تەرەڭ جۇرگىزۋدى قاجەت ەتە­­دى. «قتج» ۇك» اق جاڭعىرتىلعان ميسسياسىنا سايكەس, جوعارى ساپالى ءارى ءتيىمدى كولىكتىك-لوگيستيكالىق حولدينگ نەگىزگى بيزنەستى ءوسىرۋ كوزى رەتىندە ترانزيتتىك تاسىمالداۋ سەگمەنتىندەگى ءرولىن ايقىنداپ وتىر, دەپ اتاپ ءوتتى ا.مامين. كوشپەلى سەسسيا بارىسىندا كوم­پانيا­نىڭ ترانزيتتىك تاسىمالداۋدى ارتتىرۋ جونىندە قابىلداعان شارالارى ەكونوميكالىق وسىمگە جەتكىزگەندىگى ايتىلدى. 2016 جىلعا ارنالعان بيزنەستى ترانس­فور­ماتسيالاۋ مەن «جول كارتاسىن» جۇزەگە اسىرۋ تۋرالى جول كارتاسى باعدارلاماسىنىڭ دەمەۋشىسى – كوم­پانيانىڭ كورپوراتيۆتىك دامۋ جونىندەگى باسقارۋشى ديرەكتورى ەركىن جۋسانباەۆ تولىققاندى توقتالدى. بيىلعى جىلى تاراتىلىپ, قايتادان جاڭا كورپوراتيۆتىك قۇرىلىمعا كو­شۋ قاراستىرىلىپ وتىر. وسى قايتا قۇ­­­رىلىمداۋ بارىسىندا 2016 جىلى كوم­پانياداعى ەنشىلەس جانە قارا­ماعىن­داعى كومپانيالار سانى 97-دەن 41-گە دەيىن قىسقارادى. قتج قۇرامىندا تەك نەگىزىنەن, تاسىمالداۋمەن اينالىساتىن كومپانيالار قالادى. «قازاقستان تەمىر جولى» ۇلتتىق كومپانياسى بيزنەستىڭ تەحنولوگيالىق پلاتفورماسىن تۇبەگەيلى وزگەرتۋ ماقساتىندا جوسپارلاۋ جۇيەسىن اۆتوماتتاندىرۋ جانە تاسىمالداۋدى ۇيىمداستىرۋ, وندىرىستىك اكتيۆتەرگە جانە تاپسىرىس يەلەرىنە قىزمەت كورسەتۋ مەن مونيتورينگىلەۋدىڭ بىرقاتار جوبالارىن جۇزەگە اسىرۋدا. ونىڭ ىشىندە بيزنەس شەشىمدەردى ارحي­تەكتۋرالىق قادامدارعا قاتىستى جوبا ماقساتىمەن ىقپالداستىرۋ مەن باسقا دا شارالار اتقارىلدى. ترانسفورماتسيا باعدارلاماسى سينەرگيالىق رەسۋرستاردى شوعىرلاندىرۋ مەن تيىمدىلىگىن بارىنشا ۇلعايتۋدى كوز­دەيدى. كوشپەلى سەسسياعا قاتىسۋشىلارعا «ەنەر­­گوديسپەتچەرلىك تارتىم», «ماگيس­ترال», «كەلىسىم جانە كوممەرتسيالىق جۇمىس» سالالارىن اۆتوماتتاندىرىلعان باسقارۋ جۇيەسى تانىستىرىلدى. ەسەپ بەرۋ سوڭىندا «سامۇرىق-قازىنا» باسقارما توراعاسى ءو.شوكەەۆ «قازاقستان تەمىر جولى» ۇك» اق-تىڭ بولاشاقتا ينفرا­قۇرىلىمعا قىزمەت كورسەتۋ, مۋل­تيمودالدىق جانە لوگيستيكالىق شەشىم­دەردى جۇزەگە اسىراتىن, كىرىستىلىگىن بارىنشا كوتەرەتىن ءتيىمدى كومپانيا بولۋى قاجەتتىگىن اتاپ ءوتتى. «ەگەمەن-اقپارات».