داعدارىستان – دامۋعا

ەلباسىنىڭ قا­­تى­سۋى­مەن ءوت­كەن ۇكىمەتتىڭ كە­­ڭەي­تىلگەن وتى­رىسىن­دا ەلىمىزدىڭ وتكەن جىل­عى الەۋمەتتىك-ەكو­نو­مي­كالىق قو­­­رى­تىندىسى شى­عا­رىلدى. جيىن بارىسىندا مەملەكەت باسشىسى: «كوپتەگەن ەلدەر قيىن جاعدايدا قالدى جانە الەۋ­مەتتىك كىرىستەرىن قىسقارتۋعا, جوبالارىن توقتاتۋعا ءماجبۇر بولىپ وتىر, ناتيجەسىندە جۇمىسسىزدىق وسۋدە. ءبىز يندۋستريالىق نىساندار سالۋدى جالعاستىرىپ, جاڭا نارىقتارعا جول اشىپ وتىرمىز. داعدارىسقا قارسى ءبىزدىڭ ەكونوميكالىق ساياساتىمىز تەك ەكونوميكالىق ءوسىمنىڭ جاڭا جولدارىن ىزدەۋ مەن تابۋعا عانا باعىتتالىپ وتىرعان جوق. مەنىڭ تاپسىرمالارىمنىڭ ءبارىنىڭ تۇپكى ماقساتى – قاراپايىم ادامنىڭ مۇڭ-مۇقتاجى, ونىڭ ءال-اۋقاتى مەن تۇرمىسىنىڭ تۇراقتىلىعى», دەدى. ەلباسىنىڭ تىكەلەي باستاماسىمەن, ايماق باس­شىسىنىڭ قولداۋىمەن ىسكە اسىپ, ەلدىڭ يگىلىگىنە اينالعان باعدارلامالار قىزىلوردا قالاسىندا دا ءوز ناتيجەسىن بەرىپ جاتىر. مىسالى, شاھار سوڭعى جىلدارى ۇلكەن قۇرىلىس الاڭىنا اينالعانىن ماقتانىشپەن ايتا الامىز. قالا حالقى ءۇشىن ەڭ ماڭىزدى ماسەلەلەردىڭ ءبىرى تۇرعىن ءۇي قۇرىلىسىنا تارتىلعان ينۆەستيتسيا كولەمى 21 ميلليارد 600 ميلليون تەڭگەنى قۇرادى. وتكەن جىلى قىزىلوردا قالاسى بويىنشا بارلىعى 190 مىڭ شارشى مەتردى قۇرايتىن 2 مىڭ 684 پاتەرلىك 52 كوپقاباتتى تۇرعىن ءۇي سالىندى. سولايشا, ءبىز تۇرعىن ءۇي كەزەگىندە تۇرعان ادامداردىڭ 17 پايىزىن ءبىر جىلدا باسپانامەن قامتي الدىق. سوڭعى ءۇش جىلدا وبلىس ورتالىعىن دامىتۋعا 180 ميلليارد تەڭگە قارجى ءبولىندى. ونداعان ينۆەستيتسيالىق جوبالار جاساقتالىپ, جۇزەگە اسىرىلۋدا. وسى ارالىقتا قىزىلوردا قالاسى سول جاعالاۋىنىڭ باس جوسپارى جاساقتالىپ, شىنى زاۋىتى قۇرىلىسى جۇرگىزىلۋدە. كەيىنگى ءۇش جىلدا وبلىس ورتالىعىنىڭ اۋىز سۋ ينفراقۇرىلىمىن دامىتۋعا 10 ميلليارد تەڭگەگە جۋىق قارجى ءبولىنىپ, بۇگىندە شاھار حالقى تولىقتاي تازا اۋىز سۋمەن قامتىلىپ وتىر. تاعى ءبىر ايتا كەتەرلىگى, قالانى گازداندىرۋ كورسەتكىشى 95 پايىزعا جەتتى. سوڭعى ءۇش جىل ىشىندە قالامىزدا 13 ميلليارد تەڭگەدەن استام قارجىعا ۇزىندىعى 300 شاقىرىمعا جۋىق جولدار ورتاشا, كۇردەلى جانە قايتا جاڭعىرتۋدان ءوتتى. قىزىلوردا قالاسىنىڭ بيۋدجەتى جىلدان-جىلعا ارتىپ كەلەدى. نەگىزگى كاپيتالعا سالىنعان قارجى كولەمى 127 ميلليارد 341 ميلليون تەڭگەنى قۇراپ, وبلىسقا سالىنعان بارلىق ينۆەستيتسيانىڭ 54 پايىزىن قۇرادى. ەكونوميكالىق قيىندىقتارعا قاراماستان قى­زىلوردادا ينفراقۇرىلىمدى جاڭعىرتۋ, تازا اۋىز سۋعا كوشۋ, سول جاعالاۋمەن بايلانىس­تى­را­تىن كوپىردىڭ قۇرىلىسى سەكىلدى اۋقىمدى ينۆەستيتسيالىق جوبالار جۇزەگە اسۋدا. داعدارىس ەكى بۇيىردەن قىسىپ, الەمدەگى قار­جىلىق جاعداي ءتۇرلى قيىندىقتارمەن بەتپە-بەت كەلىپ جاتقان مىنانداي كەزەڭدە قازاقستان قاراپايىم حالىقتىڭ تارىقپاۋى ءۇشىن قولدان كەلگەن جۇمىستىڭ بارلىعىن اتقارىپ جاتىر. ەلباسى ۇسىنعان «ۇلت جوسپارى» ۇلتتى ۇلى مۇراتتارعا جەتەلەپ, بەس ينستيتۋتتىق رەفورما مەملەكەت دامۋىنا تىڭ سەرپىن بەرمەك. وسىنداي ىرگەلى جۇمىستاردىڭ ارقاسىندا تاۋەلسىز ەلىمىز داعدارىستىڭ وزىنەن دامۋدىڭ داڭعىلىنا تۇسپەك. نۇرلىبەك نالىباەۆ, قىزىلوردا قالاسىنىڭ اكىمى. قىزىلوردا.