زەينەتاقى كولەمى – 32 ميلليون رۋبل...

رەسەيدىڭ سۆەردلوۆ وبلىسىندا تۇراتىن زەينەتكەر ايەل قايتا ەسەپتەۋدەن كەيىنگى تولەم بويىنشا ەكى ايدىڭ كولەمىندە... 32 ميلليون رۋبل اقشا الادى. بۇعان دەيىن ادەتتە 16 مىڭ رۋبل عانا الىپ كەلگەن قاريا قاتتى تاڭ قالعاندىقتان, اقشاسىن دا كوپ اسا جاراتا قويمايدى. وقيعا وتكەن جىلدىڭ سو­ڭىنا قاراي ورىن العان ەكەن. زەينەتكەرگە ۇلعايتىلعان زەينەت­اقى قاراشا جانە جەلتوقسان ايلارىندا اكەلىپ بەرىلگەن كو­رىنەدى. الايدا, «يۋجنىي ۋرال» مەملەكەتتىك كاسىپورنىنىڭ قىز­مەتكەرلەرى وزدەرىنىڭ تاراپتارىنان كەتكەن بۇل كەمشىلىكتى وسى جىلدىڭ باسىندا عانا اڭعارىپتى. سودان كەيىن زەينەتاقى قورىنىڭ قىزمەتكەرلەرى قۇستاي ۇشىپ, زەينەتكەرگە قايتا كەلگەن. «قازىر بارلىق سوما قاي­تا­رى­لىپ الىندى. ال زەينەتكەر ايەل 30 مىڭ ءرۋبلدى جاراتىپ ۇلگەرىپتى دەگەن قاۋەسەتتە شىن­دىق جوق. كەرىسىنشە, ول كىسى مۇن­شالىقتى كوپ اقشا العاسىن, وعان قاتتى كۇمان كەلتىرىپ, جاراتۋعا دا قورىققان سياقتى. ونىڭ ۇستىنە, بۇل كىسىنىڭ وتە ءتارتىپتى ادام ەكە­نىن بۇرىننان بىلەمىز», – دەدى زەي­نەتاقى قورى يۋجنوۋرالسك ءبولىم­شەسىنىڭ باستىعى ليۋبوۆ پيمەنوۆا. بىراق وسىنداي وراشولاقتىق جاساپ العان بولىمشە باستىعىنىڭ ماسەلەسى شەشىلىپ تە قويعان سياقتى. قازىر ەڭبەك دەمالىسىندا جۇرگەن ونىڭ بۇل ورىندا ۇزاق وتىرا المايتىن ءتۇرى بار. رۋسلان يگىلىك.