قوستانايدا قوعامدىق كولىكتەر جاساعان جول اپاتى ارتۋدا

قوستاناي. 28 قاڭتار. قوستاناي وبلىسىندا وتكەن جىلى جولاۋشىلار تاسىمالدايتىن قوعامدىق كولىكتەردىڭ قاتىسۋىمەن بولعان جول-كولىك وقيعالارى 10 پايىزعا كوبەيگەن. وسى جول اپاتتارى 6 جولاۋشىنىڭ ولىمىنە سەبەپ بولعان. وبلىستىق پروكۋراتۋرانىڭ ۇيلەستىرۋ كەڭەسىندە وسىنداي اقپارات ايتىلدى. بۇل تۋرالى egemen.kz ءتىلشىسى حابارلادى. ۇيلەستىرۋ كەڭەسىندە وبلىس كولەمىندە جالپى جول-كولىك وقيعالارىنىڭ 2014 جىلعا قاراعاندا 2015 جىلى 15,9 پايىزعا ازايىپ, ودان زارداپ شەككەندەر سانى 17,4 پايىزعا, قازا تاپقاندار 17.9 كەمىگەندىگى ايتىلدى. الايدا جولاۋشىلار تاسىمالدايتىن قوعامدىق كولىكتەر قاتىسقان جول اپاتى كوبەيگەن. وعان بىرنەشە سەبەپ ايتىلدى. اسىرەسە اۆتوبۋس جۇرگىزۋشىلەرىنىڭ جاۋاپسىزدىعى مەن كاسىبي ماشىعىنىڭ تومەندىگى باسا ايتىلدى. وتكەن جىلى  پروكۋراتۋرا تەكسەرىسىنىڭ بارىسىندا اۆتوبۋستار مەن شاعىن اۆتوبۋستاردىڭ 220 جۇرگىزۋشىسى اكىمشىلىك جاۋاپكەرشىلىككە تارتىلعان. ونىڭ ىشىندە 155-ءى ەكى رەت, 60 جۇرگىزۋشىنىڭ جاۋاپسىزدىعى مەن تىرتىپسىزدىگى ءبىر ەمەس, بىرنەشە رەت تىركەلگەن. قوستاناي وبلىسى بويىنشا تەكسەرىلگەن جۇرگىزۋشىلەردىڭ 35 پايىزىنىڭ ىشىمدىك ىشكەنى نەمەسە پسيحوتروپتىق زاتتار قابىلداعانى انىقتالادى. جول اپاتىنا بايلانىستى قوستاناي قالاسىندا 1264 جۇرگىزۋشىنى مەديتسينالىق تەكسەرۋدەن وتكىزگەندە ونىڭ 71-ءىنىڭ ىشىمدىك ىشكەنى, 5 ادامنىڭ  ەسىرتكى پايدالانعانى انىقتالعان. ۇيلەستىرۋ كەڭەسىنىڭ مۇشەلەرى كولىك جۇرگىزۋگە وقىعاندارعا تالاپتى كۇشەيتۋ كەرەكتىگىن ايتتى. ءنازيرا جارىمبەتوۆا. دەرەك, سۋرەت: egemen.kz.