ەل مەرەيى ۇستەم بولادى

توتەنشە جاعدايلار سالا­سىن­داعى ەلىمىزدەگى بىرەگەي كوك­شەتاۋ تەحنيكالىق ينستيتۋتىن­دا ەلباسىنىڭ قازاقستان حال­قىنا ارناعان جولداۋىن ءتۇسىن­دىرىپ, ناسيحاتتاۋ جونىندە كەڭەس بولىپ ءوتتى. ونى ينستيتۋت باس­شى­سىنىڭ ورىنباسارى, پودپول­كوۆنيك سايرانبەك بەكماعام­بەتوۆ اشىپ, كەزەكتى جولداۋ كوكەيكەستى ماسەلەلەردى كوتەرىپ وتىرعاندىعىن اتاپ ءوتتى. ودان ءارى ءسوز العان وبلىستىق ىشكى ساياسات باسقارماسىنىڭ باسشى­سى اينا ءمىسىرالىموۆا 1 قاڭ­تاردان باستاپ 5 ينستيتۋتتىق رەفورمانى جۇزەگە اسىرۋ بويىن­شا «100 ناقتى قادام» ۇلت جوس­پارىن ورىنداۋدىڭ پراكتيكالىق كەزەڭى باستالعانىن, بۇل بارلىق قيىندىقتاردى جەڭۋگە سەپ بولاتى­نىن جانە ۇلت مۇددەسى ءۇشىن جاسالعان باعدارلاما ەكەن­دىگىن تىلگە تيەك ەتتى. سونداي-اق, بۇگىنگى داعدارىس ۋاقىتىندا جاستاردىڭ بىرقاتارى جۇمىسسىز جۇرگەندىگى, بىزدە قۇرىلىسشى, ەلەك­تريك سياقتى مامانداردىڭ جەتىس­پەيتىندىگى, وسىعان وراي جاس­تاردىڭ امبەباپ ماماندىقتاردى يگەرۋى قاجەتتىگى تۋرالى پىكىرلەرىن ورتاعا سالدى. جولداۋ جۇكتەگەن مىندەتتىڭ ءبىرى وسى بولىپ تابىلادى. پودپولكوۆنيك داۋلەت شايا­حيموۆ پرەزيدەنت جولداۋىنىڭ «ماڭگىلىك ەل» بولۋدى ماقسات ەتكەن ءمان-ماڭىزىنا توقتالىپ, بۇل جاستارعا دا وراسان جاۋاپ­كەر­شىلىك جۇكتەيتىنىن العا تارتتى. وقۋ-ادىستەمەلىك ءبولىمىنىڭ اعا وقىتۋشىسى, كاپيتان اسەم بەك­مۇحامبەتوۆا ءوز ءسوزىن ۇلت بولاشاعى ءبىلىمدى جاستاردىڭ قولىندا دەپ تۇيىندەدى. جولداۋدىڭ قوعامىمىز ءۇشىن الار ورنى ەرەكشە ەكەنىن جاق­سى بىلەتىن جاستار دا ءسوز الىپ, الەمدى دۇرلىكتىرىپ جاتقان قيىن­دىقتاردان ويداعىداي شىعا­تىندىعىمىزعا, وزدەرىنىڭ پارىزى تۋعان ەلىن, وتانىن كوزدىڭ قارا­شىعىنداي قورعاۋ ەكەنىنە نىق سەنىمدەرىن ءبىلدىردى. باقبەرگەن امالبەك, «ەگەمەن قازاقستان». كوكشەتاۋ.