ماڭعىستاۋداعى كەن ورىندارىندا سايلاۋ ۋچاسكەلەرى قۇرىلادى

اقتاۋ. 28 قاڭتار. ماڭعىستاۋدا كەن ورىندارىندا 5 سايلاۋ ۋچاسكەسى جۇمىس جاسايتىن بولادى. بۇل تۋرالى lada.kz سايتىنا سىلتەمە جاساعان egemen.kz ءتىلشىسى حابارلادى. ماڭعىستاۋ وبلىسى بويىنشا سايلاۋ كوميسسياسىنىڭ توراعاسى ەسەن كۇمىسقاليدىڭ ايتۋىنشا, ۆاحتالىق ادىسپەن جۇمىس جاسايتىن مۇناي-گاز سالاسىنىڭ قىزمەتكەرلەرى سايلاۋدا داۋىستارىن ءوز جۇمىس ورىندارىندا بەرەدى. سوندىقتان, 20 ناۋرىز كۇنى كەن ورىندارىندا 5 سايلاۋ ۋچاسكەسى جۇمىس جاساماق. ونىڭ ۇشەۋى تۇپقاراعان اۋدانىندا بولسا, ەكەۋى ماڭعىستاۋ اۋدانىنىڭ اۋماعىندا ورنالاسادى. بۇل ۋچاسكەلەردە 7,5 مىڭ سايلاۋشى داۋىس بەرەتىن بولادى. «سايلاۋ ۋچاسكەلەرى قالامقاس, قاراجانباس, قاراقۇدىق, سولتۇستىك بوزاشى كەن ورىندارىندا جۇمىس جاسايدى. ادام سانىنىڭ كوبەيۋىنە بايلانىستى بيىل قالامقاستا ەكى سايلاۋ ۋچاسكەسى اشىلدى. سونداي-اق, سولتۇستىك بوزاشىدا دا بۇرىن ۋچاسكە جوق ەدى. بيىل ول جەردەن دە اشىپ وتىرمىز», – دەيدى ەسەن كۇمىسقالي. توراعانىڭ ايتۋىنشا, 20 ناۋرىزدا ماڭعىستاۋ وبلىسىندا 115 سايلاۋ وكرۋگى مەن 199 سايلاۋ ۋچاسكەسى جۇمىس جاسايتىن بولادى. گۇلايىم شىنتەمىرقىزى. دەرەك: lada.kz. سۋرەت: khabar.kz.