اقمولا. 28 قاڭتار. وبلىس اكىمى سەرگەي كۋلاگين بۋراباي اۋدانىنا جاساعان جۇمىس ساپارى بارىسىندا ششۋچينسك قالاسىنداعى تالىگىنە 60 توننا ماي شىعاراتىن جاڭا زاۋىتتىڭ جۇمىسىمەن تانىستى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جاڭادان اشىلعان «بوتا» جاۋاپكەرشىلىگى شەكتەۋلى سەرىكتەستىگى كاسىپورنى تاۋلىگىنە 200 توننا مايلى داقىلداردى وڭدەپ, جوعارى ساپالى وسىمدىك مايىن وندىرەدى.
«مەملەكەت باسشىسى ءبىزدىڭ الدىمىزعا اۋىلداردا شاعىن بيزنەستى بەلسەندى دامىتۋ تۋرالى تاپسىرىپ كەلەدى. كاسىپورىن 25 ادامدى تۇراقتى جۇمىس ورىندارىمەن قامتاماسىز ەتىپ وتىر. ەڭ باستىسى, بۇل جەردە وتاندىق ءونىم وندىرىلۋدە. مەن سىزدەردىڭ جۇمىستارىڭىزعا ساتتىلىك تىلەيمىن, مۇمكىندىگىنشە قولداۋ كورسەتەمىز», – دەدى سەرگەي كۋلاگين.
سەرىكتەستىك ديرەكتورى ەرمەك شايكەنوۆتىڭ ايتۋىنشا, دايىن ءونىم قازاقستاننىڭ بارلىق ايماقتارىنا تاراتىلادى. كاسىپورىن اتالعان عيماراتتى جوندەۋگە جانە مودەرنيزاتسيالاۋعا 140 ميلليون تەڭگە جەكە قاراجاتىن جۇمساعان. جوبانىڭ جالپى قۇنى 252 ميلليون تەڭگەنى قۇرايدى. بۇل قارجىنىڭ 75,8 ميلليون تەڭگەسى گەرمانيا جانە تۇركيا ەلدەرىنەن قوندىرعىلار الۋعا, 1,9 ميلليون تەڭگەسى باعدارلامالىق قامتۋعا جۇمسالعان.
باقبەرگەن امالبەك.
دەرەك, سۋرەت: egemen.kz.
