2015 جىلعى 30 ءساۋىر, استانا قالاسى
رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارىن بەكىتۋ تۋرالى
«رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭى 15-بابىنىڭ 2-1) تارماقشاسىنا سايكەس بۇيىرامىن:
1. قوسا بەرىلىپ وتىرعان رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (س.س. سارسەنوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا وسى بۇيرىقتىڭ ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ.
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا
ءمينيسترى _____________ ە.دوساەۆ
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 30 ساۋىردەگى №543 بۇيرىعىمەن بەكىتىلگەن
رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارى
1. جالپى ەرەجەلەر
1. وسى رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارى (بۇدان ءارى – قاعيدالار) «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭى 15-بابىنىڭ 2-1) تارماقشاسىنا سايكەس ازىرلەنگەن جانە رۇقساتتارمەن حابارلامالاردىڭ مەملەكەتتىك ەلەكتروندىق ءتىزىلىمىن ەلەكتروندىق نىساندا جۇرگىزۋ ءتارتىبىن بەلگىلەيدى.
2. رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ:
1) ليتسەنزيالار, ەكىنشى ساناتتاعى رۇقساتتار جانە رۇقساتتار مەن حابارلامالاردىڭ مەملەكەتتىك اقپاراتتىق جۇيەسى ارقىلى اۆتوماتتاندىرۋعا جاتاتىن حابارلامالار تۋرالى مالىمەتتەردى جۇيەلەۋ;
2) قازاقستان رەسپۋبليكاسىنىڭ جەكە جانە زاڭدى تۇلعالارىن رۇقساتتار مەن حابارلامالاردىڭ مەملەكەتتىك ەلەكتروندىق تىزىلىمىندەگى مالىمەتتەر تۋرالى اقپاراتتاندىرۋ ماقساتىندا جۇزەگە اسىرىلادى.
3. وسى قاعيدالاردا پايدالانىلاتىن نەگىزگى ۇعىمدار:
1) قىزمەت وبەكتىسى – زاڭدى نەمەسە جەكە تۇلعا ولاردا (ولاردى پايدالانا وتىرىپ) قىزمەتتىڭ باستالعانى تۋرالى حابارلامانى جۇزەگە اسىرعان عيمارات, قۇرىلىس نەمەسە وزگە وبەكتىلەر;
2) قىزمەت وبەكتىسىن سايكەستەندرگىش – زاڭدى نەمەسە جەكە تۇلعا قىزمەتتىڭ باستالعانى تۋرالى حابارلامانى جۇزەگە اسىرعان كەزدە كورسەتىلەتىن قىزمەت وبەكتىسىنىڭ بىرەگەي ءنومىرى جانە (نەمەسە) اتاۋى;
3) رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمى (بۇدان ءارى – ءتىزىلىم) – بەرىلگەن, قايتا رەسىمدەلگەن, توقتاتىلا تۇرعان, كۇشى جويىلعان, ۇزارتىلعان, قايتا باستالعان جانە قولدانىسى توقتاتىلعان رۇقساتتار جانە ولاردىڭ تەلنۇسقالارى تۋرالى, سونداي-اق الىنعان حابارلامالار تۋرالى مالىمەتتەر قامتىلعان رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ قۇراۋىشى;
4) رۇقساتتار مەن حابارلامالاردىڭ مەملەكەتتىك اقپاراتتىق جۇيەسى (بۇدان ءارى – جۇيە) – ليتسەنزيالاۋدى, سايكەستەندىرۋ ءنومىرىن بەرە وتىرىپ, رۇقسات الۋ بولىگىندە رۇقسات بەرۋ راسىمدەرىن ەلەكتروندىق تۇردە جۇزەگە اسىرۋعا, ءوتىنىش بەرۋشىنىڭ حابارلاما جىبەرۋىنە جانە وسى پروتسەستەردى قامتاماسىز ەتۋگە ارنالعان, «ەلەكتروندىق ۇكىمەتتىڭ» قۇراۋىشى بولىپ تابىلاتىن اقپاراتتىق جۇيە;
5) رۇقساتتىڭ مارتەبەسى – رۇقسات بەرۋ ءراسىمىن جانە ليتسەنزيالاۋ ءراسىمىن جۇزەگە اسىرۋىنا قاراي وزگەرتىلەتىن رۇقساتتىڭ اعىمداعى جاعدايىنىڭ سيپاتتاماسى;
6) رۇقساتتىڭ بىرەگەي سايكەستەندىرگىش ءنومىرى (بۇدان ءارى – ربسن) – رۇقساتتار جانە حابارلامالاردىڭ مەملەكەتتىك اقپاراتتىق جۇيەسىندە وسى قاعيدالار كۇشىنە ەنگەنىنە دەيىن بەرىلگەن ليتسەنزيالارعا تاعايىندالاتىن بىرەگەي سايكەستەندىرگىش ءنومىرى;
7) رۇقسات بويىنشا ەگجەي-تەگجەيلى مالىمەتتەر – قۇجاتتىڭ بارلىق دەرەكتەرىن جانە رۇقسات مارتەبەسىن وزگەرتۋ تاريحىن قامتيتىن رۇقسات بويىنشا تولىق اقپارات;
8) رۇقساتتار جانە حابارلامالار سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – رۇقساتتار مەن حابارلامالار سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق مەملەكەتتىك ورگان.
9) سايكەستەندىرۋ ءنومىرى – ەلەكتروندىق قۇجاتقا رۇقساتتار مەن حابارلامالاردىڭ مەملەكەتىك اقپاراتتىق جۇيەسىمەن تاعايىندالاتىن ءنومىر;
10) تاريحي دەرەكتەر (تاريحي قۇجاتتار) – حابارلامالاردى قابىلداۋدى جۇزەگە اسىراتىن رۇقسات بەرۋ ورگاندارى مەن مەملەكەتتىك ورگانداردا رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ مۇمكىندىگى ۋاقىتشا نەمەسە ۇدايى بولماعان كەزەڭدە بەرىلگەن نەمەسە جىبەرىلگەن رۇقساتتار مەن حابارلامالار تۋرالى اقپارات;
11) حابارلاما جاساۋ ءتارتىبى – قىزمەتتى نەمەسە ارەكەتتەردى جۇزەگە اسىرۋ باستالعانعا دەيىن جەكە نەمەسە زاڭدى تۇلعانىڭ بۇل تۋرالى وسى زاڭدا بەلگىلەنگەن تارتىپپەن حابارلامالاردى قابىلداۋدى جۇزەگە اسىراتىن مەملەكەتتىك ورگاندى حاباردار ەتۋ مىندەتىن بەلگىلەۋ;
12) حابارلاما بەرگەن سۋبەكت – قىزمەتتىڭ نەمەسە ارەكەتتىڭ باستالعانى نەمەسە توقتاتىلعانى تۋرالى حابارلامانىجۇزەگە اسىرعان جەكە نەمەسە زاڭدى تۇلعا;
13) حابارلاما جاساعان سۋبەكتىنىڭ مارتەبەسى – حابارلاما جاساۋمەن, سۋبەكتىنىڭ قىزمەتىن توقتاتا تۇرۋمەن نەمەسە تىزىلىمنەن شىعارۋمەن بايلانىستى پروتسەستەردىڭ ورىندالۋىنا قاراي وزگەرتىلەتىن حابارلاما جاساعان سۋبەكتىنىڭ اعىمداعى جاعدايىنىڭ سيپاتتاماسى;
14) حابارلاما جاساعان سۋبەكتى بويىنشا ەگجەي-تەگجەيلى اقپارات – حابارلاما جاساعان سۋبەكتى قىزمەتىنىڭ باستالۋى تۋرالى حابارلاما دەرەكتەرىن جانە مارتەبەسىنت وزگەرتۋ تاريحىن قامتيتىن حابارلاما جاساۋ ءتارتىبىنىڭ سۋبەكتىسى تۋرالى تولىق اقپارات;
15) رۇقساتتار جانە حابارلامالار سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – رۇقساتتار مەن حابارلامالار سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق مەملەكەتتىك ورگان.
16) ەلەكتروندىق تسيفرلىق قولتاڭبا (بۇدان ءارى – ەتسق) – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار تەرىمى.
4. قول جەتكىزۋ قۇقىقتارىن بەلگىلەۋدى جانە ءتىزىلىمنىڭ جۇمىس ىستەۋىن قامتاماسىز ەتۋدى ۋاكىلەتتى ورگان جۇزەگە اسىرادى. ءتىزىلىمدى رۇقسات بەرۋ ورگاندارى جانە حابارلامانى قابىلداۋدى جۇزەگە اسىراتىن مەملەكەتتىك ورگاندار جۇرگىزەدى.
5. مەملەكەتتىك قۇپيانى جانە زاڭمەن قورعالاتىن وزگە قۇپيانى قامتيتىن اقپاراتتى, ازاماتتىق جانە قىزمەتتىك قارۋدى جانە ونىڭ پاتروندارىن, ازاماتتىق پيروتەحنيكالىق زاتتاردى جانە ولار قولدانىلىپ جاسالعان بۇيىمداردى ساتىپ الۋعا رۇقساتتاردى, ەڭبەكشى كوشىپ-كەلۋشىلەرگە رۇقساتتاردى قوسپاعاندا, تىزىلىمدە قامتىلعان مالىمەتتەر مەملەكەتتىك جانە ورىس تىلىندە رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ سىرتقى پورتالىندا (بۇدان ءارى –سىرتقى پورتال) ورنالاستىرىلادى جانە بارلىق مۇددەلى تۇلعالاردىڭ تانىسۋى ءۇشىن تولەمسىز قولجەتىمدى بولادى.
6. ءتىزىلىم مىناداي بولىمدەرگە بولىنەدى:
1) رۇقساتتار ءتىزىلىمى;
2) حابارلاما جاساعان سۋبەكتىلەر ءتىزىلىمى.
3) تىزىلىمگە مالىمەتتەر ەنگىزۋ جۇيە ارقىلى جۇزەگە اسىرىلادى.
2. رۇقساتتار ءتىزىلىمىن جۇرگىزۋ ءتارتىبى
8. رۇقساتتار تىزىلىمىندە مىناداي مالىمەتتەر قامتىلادى:
1) رۇقساتتار ساناتى ء(بىرىنشى ساناتتاعى رۇقسات (ليتسەنزيا); ەكىنشى ساناتتاعى رۇقسات);
2) رۇقسات بەرۋدىڭ سىنىپتارى (1-قىزمەتكە بەرىلەتىن رۇقساتتار; 2-وبەكتىگە بەرىلەتىن رۇقساتتار; 3-بىرجولعى رۇقساتتار; 4-رەسۋرستارىشەكتەلگەن نەمەسە كۆوتالار پايدالانىلاتىن قىزمەتكە رۇقساتتار; 5-جەكە تۇلعالارعا كاسىپتىك قىزمەتكە اتقارۋعا بەرىلەتىن رۇقساتتار; 6-ونىمگە بەرىلەتىن رۇقساتتار);
3) رۇقساتتىڭ اتاۋى;
4) تاريحي دەرەكتەردىڭ بەلگىسى (تاريحي دەرەكتەر بولعان جاعدايدا);
5) ليتسەنزياتتىڭ نەمەسە ەكىنشى ساناتتاعى رۇقسات يەسىنىڭ جەكە سايكەستەندىرۋ نومىرى/بيزنەسسايكەستەندىرۋ ءنومىرى;
6) ليتسەنزيات نەمەسە ەكىنشى ساناتتاعى رۇقسات يەسى-جەكە تۇلعانىڭ تەگى, اتى, اكەسىنىڭ اتى/زاڭدى تۇلعانىڭ اتاۋى;
7) جەكە تۇلعانىڭ تۇرعىلىقتى جەرىنىڭ نەمەسە زاڭدى تۇلعانىڭ ورنالاسقان جەرىنىڭ مەكەنجايى;
8) رۇقسات بەرىلگەن كۇن;
9) رۇقساتتىڭ مارتەبەسى;
10) رۇقساتتىڭ قولدانىلۋ مەرزىمىنىڭ باستالۋ كۇنى;
11) رۇقسات بەرۋ ورگانى;
12) قىزمەت, ارەكەت ءتۇرى (قىزمەت, ارەكەت تۇرىنە بەرىلەتىن رۇقساتتار ءۇشىن);
13) قىزمەتتىڭ كىشى ءتۇرى (كىشى قىزمەت ءتۇرى بار قىزمەت تۇرلەرىنە بەرىلەتىن رۇقساتتار ءۇشىن);
14) ليتسەنزيا ءتۇرى (باستى, ەرەكشە, بىرجولعى) – ليتسەنزيالار ءۇشىن;
15) ەرەكشە جاعدايلار (ليتسەنزيالار ءۇشىن);
16) رۇقساتتىڭ سايكەستەندىرۋ ءنومىرى (ەلەكتروندىق نىسانداعى رۇقساتتارعاجۇيە بەرەتىن);
17) رۇقساتتىڭ ءنومىرى, سەرياسى (تەك قانا قاعاز نىسانىندا بەرىلەتىن تاريحي قۇجاتتار جانە رۇقساتتار ءۇشىن);
18) ربسن;
19) قىزمەت ەتۋ اۋماعى (بەلگىلى ءبىر اۋماقتا جارامدى رۇقساتتار ءۇشىن);
20) رۇقساتتىڭ قولدانىسى اياقتالۋ كۇنى (قولدانۋ مەرزىمىن شەكتەۋمەن بەرىلەتىن رۇقساتتار ءۇشىن);
21) باستاپقى رۇقساتتىڭ سايكەستەندىرۋ ءنومىرى (ولاردى قايتا رەسىمدەۋ جۇزەگە اسىرىلعان رۇقساتتار ءۇشىن);
22) العاشقىليتسەنزيانىڭ ربسن;
23) العاشقى رۇقساتتىڭ ءنومىرى, سەرياسى (ولاردى قايتا رەسىمدەۋ نەمەسە كونۆەرتاتسيالاۋ جۇزەگە اسىرىلعان تاريحي قۇجاتتار جانە تەك قانا قاعاز تۇرىندە بەرىلەتىن رۇقساتتار ءۇشىن);
24) باستاپقى قۇجات بەرىلگەن كۇنى (ولاردى قايتى رەسىمدەۋ جۇزەگە اسىرىلعان رۇقساتتار ءۇشىن);
25) ەلەكتروندىق نىسانداعى رۇقساتتار ءۇشىن رۇقسات بەرۋ ورگانىنىڭ ۋاكىلەتتى ادام ەتسق تۋرالى مالىمەتتەر;
26) رۇقساتتىڭ قولدانىۋ مەرزىمىن توقتاتا تۇرۋ كەزەڭى (ولاردى توقتاتا تۇرۋ جۇزەگە اسىرىلعان رۇقساتتار ءۇشىن);
27) رۇقساتتى كەرى قايتارۋ (جويۋ) نەگىزدەمەسى (سوتتىڭ شەشىمىنىڭ نەگىزىندە نەمەسە قازاقستان رەسپۋبليكاسىنىڭ زاڭدارىندا كوزدەلگەن وزگە دە جاعدايلاردا رۇقسات بەرۋ ورگانى كەرى قايتارعان/جويعان رۇقساتتار ءۇشىن).
9. وسى قاعيدالاردىڭ 8-تارماعىنىڭ 1) – 12) تارماقشالارىندا كورسەتىلگەن مالىمەتتەر بارلىق رۇقساتتار ءۇشىن مىندەتتى تۇردە تولتىرۋعا جاتادى. وسى قاعيدالاردىڭ 8-تارماعىنىڭ 13) – 27) تارماقشالارىندا كەلتىرىلگەن مالىمەتتەر ولار بولعان جاعدايدا تولتىرۋعا جاتادى.
10. رۇقساتتار ءتىزىلىمىنىڭ مالىمەتتەر قۇرامىنا ەنبەگەن ەرەكشە جولداردى ەسكەرە وتىرىپ, رۇقساتتاردىڭ تولىق مالىمەتتەر قۇرامىن رۇقسات بويىنشا ەگجەي-تەگجەيلى مالىمەتتەردە قاراپ شىعۋعا مۇمكىندىك بولادى.
11. رۇقساتتى ەلەكتروندىق تۇردە ۇسىنۋ ءتيىستى ليتسەنزيامەن نەمەسە رۇقساتپەن كوزدەلگەن بولعان جاعدايدا, رۇقساتتار تىزىلىمىندە رۇقساتتى ەلەكتروندىق تۇردە ۇسىنۋ نىسانىن جۇكتەۋ مۇمكىندىگى بار.
12. رۇقساتتار تىزىلىمىنە تاريحي دەرەكتەردى ەنگىزۋدى رۇقسات بەرۋ ورگاندار جۇيە ارقىلى جۇزەگە اسىرادى.
13. تاريحي مالىمەتتەردى ەنگىزگەن كەزدە وسى قاعيدالاردىڭ 8-تارماعىندا كورسەتىلگەن رۇقساتتار ءتىزىلىمىنىڭ جولدارى تولتىرىلادى.
14. تاريحي مالىمەتتەردى ەنگىزگەن كەزدە رۇقساتتار تۋرالى مالىمەتتەردى ۋاكىلەتتى ادامنىڭ ەتسق كۋالاندىرۋ تالاپ ەتىلمەيدى.
15. رۇقسات بەرۋ ورگاندارىمەن رۇقساتتار تىزىلىمىنە تاريحي مالىمەتتەردى ەنگىزگەن كەزدە رۇقساتتىڭ سايكەستەندىرۋ ءنومىرى قالىپتاستىرىلمايدى.
3. حابارلاما بەرگەن سۋبەكتىلەردىڭ ءتىزىلىمىن جۇرگىزۋ ءتارتىبى
16. حابارلاما بەرگەن سۋبەكتىلەر تىزىلىمىندە مىناداي مالىمەتتەر قامتىلادى:
1) وعان قاتىستى حابارلاما جاساۋ ءتارتىبى ەنگىزىلگەن قىزمەتتىڭ (ارەكەتتىڭ) اتاۋى;
2) قىزمەتتىڭ, ارەكەتتىڭ باستالعانى تۋرالى حابارلامانىڭ سايكەستەندىرۋ ءنومىرى;
3) قىزمەتتىڭ, ارەكەتتىڭ باستالعانى تۋرالى حابارلاما بەرىلگەن كۇنى;
4) سۋبەكتىنى تىزىلىمگە ەنگىزۋ كۇنى;
5) سۋبەكتىنىڭ جەكە سايكەستەندىرۋ نومىرى/بيزنەسسايكەستەندىرۋ ءنومىرى;
6) حابارلاما جاساعان سۋبەكتىنىڭ – جەكە تۇلعانىڭ تەگى, اتى, اكەسىنىڭ اتى/زاڭدى تۇلعانىڭ اتاۋى;
7) جەكە تۇلعانىڭ تۇرعىلىقتى جەرىنىڭ نەمەسە زاڭدى تۇلعانىڭ ورنالاسقان جەرىنىڭ مەكەنجايى;
8) قىزمەتتى جۇزەگە اسىرۋدى باستاۋ كۇنى;
9) سۋبەكتىنىڭ مارتەبەسى;
10) حابارلامانى قابىلداۋدى جۇزەگە اسىراتىن مەملەكەتتىك ورگان;
11) قىزمەتتى نەمەسە ارەكەتتەردى جۇزەگە اسىرۋ مەكەنجايى;
12) قىزمەتتى (ارەكەتتى) جۇزەگە اسىرۋدى اياقتاۋ كۇنى;
13) حابارلاما جاساعان سۋبەكتىنىڭ تەلەفونى;
14) حابارلاما جاساعان سۋبەكتىنىڭ ەلەكتروندىق پوچتاسىنىڭ مەكەنجايى;
15) قىزمەتتىڭ باستالعانى تۋرالى ەلەكتروندىق نىسانداعى حابارلاما ءۇشىن سۋبەكتىنىڭ ەتسق تۋرالى مالىمەتتەر;
16) سۋبەكتىنىڭ قىزمەتىن توقتاتا تۇرۋ كەزەڭى (قىزمەتىن توقتاتا تۇرۋ جۇزەگە اسىرىلعان سۋبەكتىلەر ءۇشىن);
17) مالىمەتتەردى سوڭعى وزگەرتۋ كۇنى (ولار بويىنشا مالىمەتتەردى وزگەرتۋ تۋرالى حابارلاما بەرىلگەن سۋبەكتىلەر ءۇشىن);
18) تىزىلىمنەن شىعارىپ تاستاۋدىڭ نەگىزدەمەسى (سوتتىڭ دارا كاسىپكەردىڭ نەمەسە زاڭدى تۇلعانىڭ قىزمەتىنە نەمەسە قىزمەتىنىڭ جەكەلەگەن تۇرلەرىنە تىيىم سالۋ تۋرالى شەشىمى نەگىزىندە نەمەسە قازاقستان رەسپۋبليكاسىنىڭ زاڭدارىندا كوزدەلگەن وزگە جاعدايلاردا تىزىلىمنەن شىعارىلعان سۋبەكتىلەر ءۇشىن).
17. وسى قاعيدالاردىڭ 16-تارماعىنىڭ 1) – 11) تارماقشالارىندا كورسەتىلگەن مالىمەتتەر حابارلاما بەرگەن بارلىق سۋبەكتىلەر ءۇشىن مىندەتتى تۇردە تولتىرۋعا جاتادى. وسى قاعيدالاردىڭ 16-تارماعىنىڭ 12) – 18) تارماقشالارىندا كەلتىرىلگەن مالىمەتتەر, ەگەر ولار ءتيىستى حابارلاما شەڭبەرىندە قاراستىرىلعان بولسا, تولتىرۋعا جاتادى.
18. ولاردىڭ شەڭبەرىندە قىزمەت وبەكتىلەرى تۋرالى مالىمەتتەردى ۇسىنۋ قاراستىرىلعان حابارلامالار ءۇشىن قوسىمشا كەلەسى جولدار تولتىرىلادى:
1) وبەكتىنىڭ سايكەستەندىرگىشى (كودى, اتاۋى);
2) وبەكت ورنالاسقان جەردىڭ مەكەنجايى;
3) وبەكت بويىنشا قىزمەتتىڭ باستالۋ كۇنى;
4) وبەكت بويىنشا قىزمەتتىڭ اياقتالۋ كۇنى;
5) وبەكتىنىڭ مارتەبەسى;
6) وبەكت بويىنشا قىزمەتتى توقتاتا تۇرۋ كەزەڭى (ولار بويىنشا سۋبەكتىنىڭ قىزمەتىن سوت توقتاتا تۇرعان وبەكتىلەر ءۇشىن);
7) وبەكتى بويىنشا مالىمەتتەردى وزگەرتۋ كۇنى.
19. ءتىزىلىمىنىڭ مالىمەتتەر قۇرامىنا ەنبەگەن حابارلامانىڭ ەرەكشە جولدارىن ەسكەرۋمەن, سۋبەكت بويىنشا تولىق مالىمەتتەر قۇرامىن سۋبەكت بويىنشا ەگجەي-تەگجەيلى مالىمەتتەردە قاراپ شىعۋعا بولادى.
20. حابارلاما جاساعان سۋبەكتىلەر تىزىلىمىندە قىزمەتتى (ارەكەتتى) باستالعانى تۋرالى, دەرەكتەردى وزگەرتۋ, قىزمەتتى (ارەكەتتى) توقتاتۋ تۋرالى حابارلامالاردى ەلەكتروندىق تۇردە ۇسىنۋ نىسانىن جۇكتەۋ مۇمكىندىگى كوزدەلگەن.
21. حابارلاما بەرگەن سۋبەكتىلەر تىزىلىمىنە مالىمەتتەردى ەنگىزۋ جۇيە ارقىلى مىناداي ادىستەرمەن جۇزەگە اسىرىلادى:
1) ءوتىنىش يەلەرىمەن سىرتقى پورتال ارقىلى ۇسىنىلعان ەلەكتروندىق حابارلامالار نەگىزىندەاۆتوماتتى تۇردە;
2) ءوتىنىش يەلەرىمەن قاعاز تۇرىندە ۇسىنىلعان حابارلامالار نەگىزىندە حابارلاندىرۋ ءتارتىبىن جۇزەگە اسىراتىن مەملەكەتتىك ورگاندارمەن;
3) جەكە كاسىپكەردىڭ نەمەسە زاڭدى تۇلعانىڭ قىزمەتىنە نەمەسە قىزمەتىنىڭ جەكەلەگەن تۇرلەرىنە تىيىم سالۋ تۋرالى سوت شەشىمى نەگىزىندە, قىزمەتتى سوت توقتاتا تۇرعان جاعدايدا نەمەسە قازاقستان رەسپۋبليكاسىنىڭ زاڭدارىمەن كوزدەلگەن وزگە دە جاعدايلاردا حابارلاندىرۋ ءتارتىبىن جۇزەگە اسىراتىن مەملەكەتتىك ورگاندارمەن.
22. حابارلاما بەرگەن سۋبەكتىلەر تىزىلىمىنە تاريحي مالىمەتتەردى ەنگىزۋ حابارلاندىرۋ ءتارتىبىن جۇزەگە اسىراتىن ورگاندارمەن جۇيە ارقىلى جۇرگىزىلەدى.
23. تاريحي مالىمەتتەردى ەنگىزگەن كەزدە وسى قاعيدالاردىڭ 16 جانە 18-تارماقتاردا كورسەتىلگەن حابارلاما بەرگەن سۋبەكتىلەر ءتىزىلىمىنىڭ جولدارى تولتىرىلادى.
24. حابارلاما جاساعان سۋبەكتىلەر بويىنشا تاريحي دەرەكتەردى ەنگىزگەن كەزدە ءتىزىلىم مالىمەتتەرىن حابارلامالاردى قابىلداۋدى جۇزەگە اسىراتىن مەملەكەتتىك ورگاننىڭ لاۋازىمدى ادامنىڭ ەتسق كۋالاندىرۋ تالاپ ەتىلمەيدى.
25. حابارلاما جاساۋ ءتارتىبىن جۇزەگە اسىراتىن مەملەكەتتىك ورگاندارمەن تاريحي مالىمەتتەردى تىزىلىمگە ەنگىزۋ كەزىندە قىزمەتتى باستاۋ تۋرالى حابارلامالاردىڭ سايكەستەندىرۋ ءنومىرى اۆتوماتتى تۇردە قالىپتاستىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12372 بولىپ ەنگىزىلدى.
• 28 قاڭتار, 2016
قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى №543
سوڭعى جاڭالىقتار
قوعام • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
ەينشتەين ءوزىن «الاياق» سەزىنگەن بە؟
قوعام • كەشە
