رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ نورماتيۆتىك قاۋلىسى  №11-نق

2015 جىلعى 28 قاراشا, استانا قالاسى وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ تەكسەرۋ كوميسسيالارى تۋرالى ۇلگىلىك ەرەجەنى بەكىتۋ تۋرالى «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 12-بابى 4-تارماعىنىڭ 12) تارماقشاسىنا سايكەس, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى - ەسەپ كوميتەتى) قاۋلى ەتەدى: 1. قوسا بەرىلىپ وتىرعان وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ تەكسەرۋ كوميسسيالارى تۋرالى ۇلگىلىك ەرەجە (بۇدان ءارى – ۇلگىلىك ەرەجە) بەكىتىلسىن. 2. وسى نورماتيۆتىك قاۋلىعا قوسىمشاعا سايكەس, ەسەپ كوميتەتىنىڭ كەيبىر نورماتيۆتىك قاۋلىلارىنىڭ كۇشى جويىلدى دەپ تانىلسىن. 3. زاڭ ءبولىمى زاڭنامادا بەلگىلەنگەن تارتىپپەن: 1) وسى نورماتيۆتىك قاۋلىنىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى نورماتيۆتىك قاۋلى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى نورماتيۆتىك قاۋلىنىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن. 4. نورماتيۆتىك قاۋلىنىڭ ورىندالۋىن باقىلاۋ ەسەپ كوميتەتىنىڭ اپپارات باسشىسىنا جۇكتەلسىن. 5. وسى نورماتيۆتىك قاۋلى ۇلگىلىك ەرەجەنىڭ 2019 جىلعى 1 قاڭتاردان باستاپ قولدانىسقا ەنگىزىلەتىن 16-تارماعىنىڭ 3) تارماقشاسىن قوسپاعاندا, العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. توراعا ق. جاڭبىرشين رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2015 جىلعى 28 قاراشاداعى № 11-نق نورماتيۆتىك قاۋلىسىمەن بەكىتىلگەن وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ تەكسەرۋ كوميسسيالارى تۋرالى ۇلگىلىك ەرەجە (وبلىسى, قالاسى) ءماسليحاتىنىڭ 201___ «____» _________ № ____ شەشىمىمەن بەكىتىلگەن «__________ وبلىسى (_________ قالاسى) بويىنشا تەكسەرۋ كوميسسياسى» مەملەكەتتىك مەكەمەسى تۋرالى ەرەجە وسى ەرەجە ________ وبلىسى ( _______ قالاسى) بويىنشا تەكسەرۋ كوميسسياسىنىڭ مارتەبەسىن, وكىلەتتىكتەرىن جانە جۇمىسىنىڭ ۇيىمداستىرىلۋىن ايقىندايدى. 1. جالپى ەرەجەلەر 1. ________ وبلىسى ( _______ قالاسى) بويىنشا تەكسەرۋ كوميسسياسى (بۇدان ءارى – تەكسەرۋ كوميسسياسى) جەرگىلىكتى بيۋدجەتتىڭ اتقارىلۋىنا سىرتقى مەملەكەتتىك ءاۋديتتى جانە قارجىلىق باقىلاۋدى جۇزەگە اسىراتىن مەملەكەتتىك ورگان بولىپ تابىلادى. 2. تەكسەرۋ كوميسسياسى ءوز قىزمەتىن قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ زاڭدارىنا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىنە, قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە, تەكسەرۋ كوميسسياسىنىڭ رەگلامەنتىنە, سونداي-اق وسى ەرەجەگە سايكەس, ءتيىستى اكىمشىلىك-اۋماقتىق بىرلىك شەگىندە جۇزەگە اسىرادى. 3. تەكسەرۋ كوميسسياسى مەملەكەتتىك مەكەمەنىڭ ۇيىمدىق-قۇقىقتىق نىسانىنداعى زاڭدى تۇلعا بولىپ تابىلادى, مەملەكەتتىك تىلدە ءوز اتاۋى بار مورلەرى مەن ءمورتاڭبالارى, لوگوتيپى, بەلگىلەنگەن ۇلگىدەگى بلانكىلەرى, قازاقستان رەسپۋبليكاسىنىڭ زاڭناماسىنا سايكەس قازىناشىلىق ورگاندارىندا شوتتارى بولادى. 4. تەكسەرۋ كوميسسياسى ازاماتتىق-قۇقىقتىق قاتىناستارعا ءوز اتىنان تۇسەدى. 5. تەكسەرۋ كوميسسياسىنىڭ ەگەر قازاقستان رەسپۋبليكاسىنىڭ زاڭناماسىنا سايكەس وسىعان ۋاكىلەتتىك بەرىلگەن بولسا, مەملەكەتتىڭ اتىنان ازاماتتىق-قۇقىقتىق قاتىناستاردىڭ تاراپى بولۋعا قۇقىعى بار. 6. تەكسەرۋ كوميسسياسى ءوز قۇزىرەتىنىڭ شەگىندە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تەكسەرۋ كوميسسياسى توراعاسىنىڭ بۇيرىقتارىمەن جانە تەكسەرۋ كوميسسياسىنىڭ قاۋلىلارىمەن رەسىمدەلەتىن شەشىمدەر قابىلدايدى. 7. تەكسەرۋ كوميسسياسىنىڭ قۇرىلىمىن تەكسەرۋ كوميسسياسىنىڭ توراعاسى, ءتورت مۇشەسى جانە اپپاراتى قۇرايدى. تەكسەرۋ كوميسسياسىنىڭ شتات سانى ءليميتىن قازاقستان رەسپۋبليكاسىنىڭ پرەزيدەنتى بەكىتەدى. 8. تەكسەرۋ كوميسسياسىنىڭ زاڭدى مەكەنجايى: (يندەكسى, وبلىسى, قالاسى, كوشەسى, ءۇي). 9. مەملەكەتتىك ورگاننىڭ تولىق اتاۋى – « __________ وبلىسى ( _________ قالاسى) بويىنشا تەكسەرۋ كوميسسياسى» كوممۋنالدىق مەملەكەتتىك مەكەمەسى. 10. تەكسەرۋ كوميسسياسى تۋرالى ەرەجەنى __________ وبلىسىنىڭ (_________ قالاسىنىڭ) ءماسليحاتى بەكىتەدى. 11. وسى ەرەجە تەكسەرۋ كوميسسياسىنىڭ قۇرىلتاي قۇجاتى بولىپ تابىلادى. 12. تەكسەرۋ كوميسسياسىنىڭ قىزمەتىن قارجىلاندىرۋ ءتيىستى اكىمشىلىك-اۋماقتىق بىرلىكتىڭ جەرگىلىكتى بيۋدجەتىنىڭ قاراجاتى ەسەبىنەن جۇزەگە اسىرىلادى. 13. تەكسەرۋ كوميسسياسىنا كاسىپكەرلىك سۋبەكتىلەرىمەن تەكسەرۋ كوميسسياسىنىڭ فۋنكتسيالارى بولىپ تابىلاتىن مىندەتتەردى ورىنداۋ مانىنە شارتتىق قاتىناستارعا تۇسۋگە تىيىم سالىنادى. ەگەر قازاقستان رەسپۋبليكاسىنىڭ زاڭنامالىق اكتىلەرىمەن تەكسەرۋ كوميسسياسىنا كىرىستەر اكەلەتىن قىزمەتتى جۇزەگە اسىرۋ قۇقىعى بەرىلسە, وندا وسىنداي قىزمەتتەن الىنعان كىرىستەر مەملەكەتتىك بيۋدجەتتىڭ كىرىسىنە جىبەرىلەدى. 2. تەكسەرۋ كوميسسياسىنىڭ ميسسياسى, نەگىزگى مىندەتتەرى, فۋنكتسيالارى, قۇقىقتارى مەن مىندەتتەرى 14. تەكسەرۋ كوميسسياسىنىڭ ميسسياسى ___________ وبلىسىنىڭ (_________ قالاسىنىڭ) اۋماعىندا قارجى ءتارتىبىن نىعايتۋ جانە ەكونوميكالىق تۇراقتىلىقتى قامتاماسىز ەتۋ ماقساتىندا, جەرگىلىكتى بيۋدجەت قاراجاتىن, مەملەكەت جانە كۆازيمەملەكەتتىك سەكتور سۋبەكتىلەرى اكتيۆتەرىن باسقارۋدىڭ جانە پايدالانۋدىڭ تيىمدىلىگىن ارتتىرۋ بولىپ تابىلادى. 15. تەكسەرۋ كوميسسياسىنىڭ نەگىزگى مىندەتتەرى: 1) جەرگiلiكتi بيۋدجەتتەردiڭ اتقارىلۋىنا, مەملەكەت جانە كۆازيمەملەكەتتىك سەكتور سۋبەكتىلەرى اكتيۆتەرiنiڭ پايدالانىلۋىنا جەرگiلiكتi دەڭگەيدە سىرتقى مەملەكەتتiك ءاۋديتتى جانە قارجىلىق باقىلاۋدى جۇزەگە اسىرۋ; 2) قازاقستان رەسپۋبليكاسىنىڭ بيۋدجەت زاڭناماسى, قازاقستان رەسپۋبليكاسىنىڭ مەملەكەتتiك ساتىپ الۋ تۋرالى زاڭناماسى جانە جەرگiلiكتi بيۋدجەتتەردiڭ اتقارىلۋى, بيۋدجەت قاراجاتىنىڭ, مەملەكەت جانە كۆازيمەملەكەتتىك سەكتور سۋبەكتىلەرى اكتيۆتەرiنiڭ پايدالانىلۋى سالاسىنداعى قازاقستان رەسپۋبليكاسىنىڭ وزگە دە نورماتيۆتiك قۇقىقتىق اكتiلەرi تالاپتارىنىڭ ساقتالۋىن باقىلاۋ; 3) جەرگiلiكتi بيۋدجەتتەردiڭ اتقارىلۋىن, اۋماقتاردى دامىتۋ باعدارلامالارىنىڭ جانە بيۋدجەتتiك باعدارلامالاردىڭ ىسكە اسىرىلۋىن تالداۋ جانە باعالاۋ. 16. تەكسەرۋ كوميسسياسى _____________ وبلىسىنىڭ (______________ قالاسىنىڭ) شەگىندە مىنا فۋنكتسيالاردى: 1) مىنالاردىڭ: ءوزىنىڭ مازمۇنى بويىنشا جەرگىلىكتى اتقارۋشى ورگاننىڭ ءتيىستى ەسەبىنە قورىتىندى بولىپ تابىلاتىن ەسەپتى قارجى جىلى ءۇشىن جەرگىلىكتى بيۋدجەتتىڭ اتقارىلۋى تۋرالى ەسەپ دايىنداي وتىرىپ, قازاقستان رەسپۋبليكاسىنىڭ بيۋدجەت جۇيەسىنىڭ قاعيداتتارىنا سايكەس جەرگىلىكتى بيۋدجەتتى جوسپارلاۋدىڭ جانە اتقارۋدىڭ; بايلانىستى گرانتتاردى, بيۋدجەتتىك ينۆەستيتسيالاردى, مەملەكەتتىك جانە مەملەكەت كەپىلدىك بەرگەن قارىزداردى, مەملەكەت كەپىلگەرلىگىمەن تارتىلاتىن قارىزداردى جانە مەملەكەت اكتيۆتەرىن پايدالانۋدىڭ; جەرگىلىكتى اتقارۋشى ورگان مەن كۆازيمەملەكەتتىك سەكتور سۋبەكتىلەرى قىزمەتىنىڭ ەكونوميكانىڭ نەمەسە ەكونوميكانىڭ جەكە العانداعى سالاسىنىڭ, الەۋمەتتىك جانە باسقا دا مەملەكەتتىك باسقارۋ سالالارىنىڭ دامۋىنا اسەرىنىڭ; ءتيىستى بيۋدجەتتى اتقارۋ جانە مەملەكەت اكتيۆتەرىن پايدالانۋ بولىگىندە, ال قازاقستان رەسپۋبليكاسى پرەزيدەنتىنىڭ تاپسىرمالارى بويىنشا وزگە دە باعىتتار بويىنشا قازاقستان رەسپۋبليكاسى مەملەكەتتىك جوسپارلاۋ جۇيەسى قۇجاتتارىنىڭ ىسكە اسىرىلۋىنىڭ; جەرگىلىكتى اتقارۋشى ورگان مەن كۆازيمەملەكەتتىك سەكتور سۋبەكتىلەرىنىڭ تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋدى جوسپارلاۋ نەگىزدىلىگىنىڭ, ولاردىڭ ىسكە اسىرىلۋىنىڭ جانە جۇزەگە اسىرىلۋ تيىمدىلىگىنىڭ; تاۋارلار, جۇمىستار, كورسەتىلەتىن قىزمەتتەر ساتىپ الۋعا بولىنگەن (جۇمسالعان) جەرگىلىكتى قارجى رەسۋرستارىنىڭ مولشەرى مەن ساتىپ الىنعان تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ نارىقتىق قۇنى اراسىنداعى ايىرمانى باعالاۋدى قوسا العاندا, باعا بەلگىلەۋدىڭ; كۆازيمەملەكەتتىك سەكتور سۋبەكتىلەرىنىڭ اكتيۆتەرىن باسقارۋدىڭ; سالىقتىق اكىمشىلەندىرۋدىڭ; شارتتاردىڭ; قورشاعان ورتانى قورعاۋ سالاسىنداعى; اقپاراتتىق تەحنولوگيالار سالاسىنداعى; مەملەكەتتىك اۋديت وبەكتىلەرى قىزمەتىنىڭ تيىمدىلىك ءاۋديتىن جۇزەگە اسىرادى; 2) مىنالارعا: مەملەكەتتىك اۋديت وبەكتىلەرىنىڭ بۋحگالتەرلىك ەسەپتى جۇرگىزۋ جانە قارجىلىق ەسەپتىلىكتى جاساۋ انىقتىعىنا جانە دۇرىستىعىنا; جەرگىلىكتى اتقارۋشى ورگاننىڭ جانە كۆازيمەملەكەتتىك سەكتور سۋبەكتىلەرىنىڭ شارت تالاپتارىن ورىنداۋىنا; جەرگىلىكتى بيۋدجەتكە تۇسەتىن تۇسىمدەردىڭ, بيۋدجەتكە تۇسەتىن تۇسىمدەردى الۋدىڭ تولىقتىعى مەن ۋاقتىلىلىعىنا, سونداي-اق جەرگىلىكتى بيۋدجەتتەن قاتە (ارتىق) تولەنگەن سومانى قايتارۋعا, ەسەپكە جازۋدىڭ دۇرىستىعىنا; جەرگىلىكتى بيۋدجەت قاراجاتىن, ونىڭ ىشىندە جوعارى تۇرعان بيۋدجەتتەن تومەن تۇرعان بيۋدجەتكە نىسانالى ترانسفەرتتەر جانە كرەديتتەر تۇرىندە بولىنگەن قاراجاتتى, بايلانىستى گرانتتاردى, مەملەكەتتىك جانە مەملەكەت كەپىلدىك بەرگەن قارىزداردى, سونداي-اق مەملەكەتتىك كەپىلگەرلىگىمەن تارتىلاتىن قارىزداردى پايدالانۋعا; كۆازيمەملەكەتتىك سەكتور سۋبەكتىلەرىنىڭ قارجى-ەكونوميكالىق نەگىزدەمەگە سايكەس, وزدەرىنە بولىنگەن جەرگىلىكتى بيۋدجەت قاراجاتىن پايدالانۋىنا سايكەستىك ءاۋديتىن جۇزەگە اسىرادى; 3) جەرگىلىكتى بيۋدجەتتىڭ شوعىرلاندىرىلعان قارجىلىق ەسەپتىلىگىنە اۋديت, بيۋدجەتتىك باعدارلامالار اكىمشىلەرىنىڭ جانە مەملەكەتتىك مەكەمەلەردىڭ قارجىلىق ەسەپتىلىگىنە اۋديت جۇرگىزەدى. 17. تەكسەرۋ كوميسسياسىنىڭ قۇقىقتارى: 1) وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ (وبلىستىق ماڭىزى بار قالانىڭ) جەرگىلىكتى اتقارۋشى ورگانىنان, مەملەكەتتىك ورگانداردان, جەكە جانە زاڭدى تۇلعالاردان قۇپيالىلىق رەجيمiنiڭ, قىزمەتتiك, كوممەرتسيالىق نەمەسە زاڭمەن قورعالاتىن وزگە دە قۇپيانىڭ ساقتالۋىن ەسكەرە وتىرىپ, ۆەدومستۆولىق اقپاراتتىق جۇيەلەر دەرەكتەرىنىڭ قۇرامى مەن فورماتتارى تۋرالى مالىمەتتەردى, سونداي-اق مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەسىن قالىپتاستىرۋ جانە مەملەكەتتىك ءاۋديتتى جۇزەگە اسىرۋ, بيۋدجەتتىڭ اتقارىلۋى تۋرالى ەسەپتەردى دايىنداۋ ءۇشىن قاجەتتى قۇجاتتامانى (اقپاراتتى) سۇراتادى جانە الادى; 2) بارلىق مەملەكەتتىك ورگانداردىڭ, ۇيىمداردىڭ جانە لاۋازىمدى ادامداردىڭ ورىنداۋى ءۇشىن مىندەتتى, انىقتالعان بۇزۋشىلىقتاردى جويۋ جانە ولارعا جول بەرگەن لاۋازىمدى ادامداردىڭ جاۋاپتىلىعىن قاراۋ تۋرالى نۇسقاما شىعارادى; 3) قازاقستان رەسپۋبليكاسىنىڭ زاڭناماسىنا سايكەس مەملەكەتتىك جانە وزگە دە اقپاراتتىق جۇيەلەرگە مەملەكەتتىك اۋديت جۇرگىزۋ ءۇشىن قاجەتتى قولجەتىمدىلىكتى الادى; 4) مەملەكەتتىك ورگاندار مەن ۇيىمداردىڭ قاۋلىدا نەمەسە نۇسقامادا بەلگىلەنگەن مەرزىمدەردە ۇسىنىمدار مەن نۇسقامالاردىڭ ورىندالۋى تۋرالى راستايتىن قۇجاتتارى قوسا بەرىلگەن اقپاراتىن الادى; 5) سىرتقى مەملەكەتتىك اۋديت جۇرگىزۋمەن بايلانىستى ماسەلەلەر بويىنشا مەملەكەتتىك اۋديت وبەكتىلەرى لاۋازىمدى ادامدارىنىڭ ءتيىستى اقپاراتىن تىڭدايدى; 6) مەملەكەتتىك اۋديت قورىتىندىلارى بويىنشا لاۋازىمدى ادامداردى تارتىپتىك جاۋاپتىلىققا تارتۋ تۋرالى ولاردى تاعايىنداعان ادامدارعا ۇسىنىستار ەنگىزەدى; 7) لاۋازىمدى ادامداردىڭ قازاقستان رەسپۋبليكاسىنىڭ نورماتيۆتىك- قۇقىقتىق اكتىلەرىن ساقتاماۋىنىڭ انىقتالعان فاكتىلەرى بويىنشا, سونداي-اق تيىمدىلىك ءاۋديتىنىڭ ناتيجەلەرى بويىنشا ءتيىستى وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ (وبلىستىق ماڭىزى بار قالانىڭ) ءماسليحاتىنا (بۇدان ءارى – ءماسليحات) ۇسىنىستار ەنگىزەدى; 8) اۋماعىندا وزدەرى جۇمىس ىستەيتىن وبلىستىق بيۋدجەتكە, رەسپۋبليكالىق ماڭىزى بار قالانىڭ, استانانىڭ بيۋدجەتتەرىنە, سونداي-اق ءتيىستى اكىمشىلىك-اۋماقتىق بىرلىكتە قۇرىلعان اۋدانداردىڭ (وبلىستىق ماڭىزى بار قالالاردىڭ) بيۋدجەتتەرىنە قاتىستى ساراپتامالىق-تالداۋ قىزمەتىن جۇزەگە اسىرادى; 9) قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى زاڭناماسىندا كوزدەلگەن قۇزىرەت شەگىندە اكىمشىلىك قۇقىق بۇزۋشىلىق تۋرالى ءىس بويىنشا iس جۇرگىزۋدى قوزعايدى; 10) رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىمەن (بۇدان ءارى – ەسەپ كوميتەتى) جانە باسقا مەملەكەتتىك ورگاندارمەن كەلىسۋ بويىنشا بىرلەسكەن نەمەسە قاتار تەكسەرۋلەردى جۇرگىزۋگە قاتىسادى; 11) مەملەكەتتىك ءاۋديتتى جۇرگىزۋ ءۇشىن مەملەكەتتىك ورگانداردىڭ ءتيىستى ماماندارىن (ولاردىڭ كەلىسىمى بويىنشا), سونداي-اق قاجەت بولعان كەزدە اۋديتورلىق ۇيىمداردى, ساراپشىلاردى ولار كورسەتەتىن قىزمەتتەرىنە ءتيىستى بيۋدجەتتەن بولىنگەن قاراجات شەگىندە اقى تولەي وتىرىپ تارتادى; 12) قازاقستان رەسپۋبليكاسىنىڭ زاڭناماسىنا سايكەس وزگە دە وكىلەتتىكتەردى جۇزەگە اسىرادى. 18. تەكسەرۋ كوميسسياسىنىڭ مىندەتتەرى: 1) اۋديتورلىق ەسەپتەردىڭ جانە (نەمەسە) قارجىلىق ەسەپتىلىك جونىندەگى اۋديتورلىق ەسەپتەردىڭ نەگىزىندە اۋديتورلىق قورىتىندىنى بەكىتەدى; 2) تەكسەرۋ كوميسسياسىنىڭ قاۋلىلارىن قابىلدايدى; 3) اۋديتورلىق ءىس-شارا جانە ساراپتامالىق-تالداۋ ءىس-شارالارى بارىسىندا انىقتالعان (انىقتالاتىن) بۇزۋشىلىقتار مەن كەمشىلىكتەردى جويۋ جونىندە شارالار قابىلدايدى; 4) مەملەكەتتىك اۋديت وبەكتىسى لاۋازىمدى ادامدارىنىڭ ارەكەتتەرىندە قىلمىستىق نەمەسە اكىمشىلىك قۇقىق بۇزۋشىلىق بەلگىلەرى انىقتالعان جاعدايلاردا, ماتەريالداردى ءتيىستى اۋديتورلىق دالەلدەمەلەرىمەن بىرگە قۇقىق قورعاۋ ورگاندارىنا نەمەسە اكىمشىلىك قۇقىق بۇزۋشىلىق تۋرالى ىستەردى قوزعاۋعا جانە (نەمەسە) قاراۋعا ۋاكىلەتتى ورگاندارعا بەرەدى; 5) بيۋدجەتكە وتەۋدى قامتاماسىز ەتۋ, جۇمىستاردى ورىنداۋ, قىزمەتتەر كورسەتۋ, تاۋارلار بەرۋ جانە (نەمەسە) انىقتالعان بۇزۋشىلىقتار سوماسىن ەسەپكە الۋ بويىنشا كورسەتۋ جولىمەن قالپىنا كەلتىرۋ جانە تەكسەرۋ كوميسسياسىنىڭ نۇسقامالارىن ورىنداۋ ماقساتىندا سوتقا تالاپ قويۋدى بەرەدى; 6) ىشكى اۋديت قىزمەتتەرىنىڭ قۇجاتتارىن قوسپاعاندا, باسقا مەملەكەتتىك اۋديت جانە قارجىلىق باقىلاۋ ورگاندارى جۇرگىزگەن مەملەكەتتىك اۋديت ناتيجەلەرىن, ەگەر ولاردى قازاقستان رەسپۋبليكاسىنىڭ ازاماتتىق-پروتسەستىك زاڭناماسىنا سايكەس سوت زاڭسىز دەپ تانىماسا, ولاردى تانيدى; 7) مەملەكەتتىك اۋديت ناتيجەلەرى تانىلعان جاعدايلاردا باسقا مەملەكەتتىك اۋديت جانە قارجىلىق باقىلاۋ ورگاندارى جۇرگىزگەن مەملەكەتتىك اۋديت ماتەريالدارىن نەگىزگە الا وتىرىپ, مەملەكەتتىك اۋديت كولەمىن قىسقارتادى; 8) قازاقستان رەسپۋبليكاسىنىڭ زاڭناماسىنا سايكەس قۇقىقتىق ستاتيستيكا جانە ارنايى ەسەپكە الۋ جونىندەگى ۋاكىلەتتى ورگاندا اۋديتورلىق ءىس-شارالار مەن تەكسەرۋلەردى تىركەۋدى جۇزەگە اسىرادى; 9) مەملەكەتتىك ءاۋديتتى جانە ساراپتامالىق-تالداۋ ءىس-شارالارىن جۇرگىزۋدى ءتيىمدى جوسپارلاۋ ماقساتىندا, مەملەكەتتىك اۋديت جانە قارجىلىق باقىلاۋ ماتەريالدارىن, ەسەپتىلىكتى تەكسەرۋ كوميسسياسىنىڭ ۆەدومستۆولىق اقپاراتتىق جۇيەلەرى مەن مەملەكەتتىك اۋديت جانە قارجىلىق باقىلاۋ جونىندەگى بىرىڭعاي دەرەكقورعا ورنالاستىرادى, سونداي-اق مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەلەرى بەكىتىلگەنگە دەيىن ولار تۋرالى اقپارات الماسۋدى كەلىسىلگەن مەرزىمدەردە جۇزەگە اسىرادى; 10) تەكسەرۋلەردىڭ قايتالانۋىن بولعىزباۋ ماقساتىندا مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەلەرىن جانە ولارعا وزگەرىستەردى كەلىسەدى; 11) مەملەكەتتىك ورگاندار مەن ۇيىمداردىڭ باسشىلارىنا ولاردا بەلگىلەنگەن مەرزىمدەردە نەمەسە, ەگەر مەرزىمى كورسەتىلمەگەن بولسا, ولاردى العان كۇننەن باستاپ كۇنتىزبەلىك وتىز كۇن ىشىندە قاراۋ جانە ورىنداۋ ءۇشىن قاۋلىلار مەن نۇسقامالار جىبەرەدى. 12) وزدەرى اۋديتورلىق قورىتىندىدا بەرگەن ۇسىنىمداردىڭ جانە مىندەتتى تۇردە ورىندالۋعا باعىتتالعان نۇسقامالاردىڭ مونيتورينگىن جۇيەلى نەگىزدە جۇزەگە اسىرادى; 13) جۇرگىزىلەتىن اۋديتورلىق ءىس-شارالاردىڭ قورىتىندىلارىن جۇيەلى تۇردە تالدايدى, بيۋدجەتتىڭ اتقارىلۋى, مەملەكەت پەن كۆازيمەملەكەتتىك سەكتور سۋبەكتىلەرىنىڭ اكتيۆتەرىن پايدالانۋ پروتسەسىندە انىقتالعان بۇزۋشىلىقتار مەن كەمشىلىكتەردىڭ سەبەپتەرى مەن سالدارلارىن جيناقتاپ قورىتادى جانە زەردەلەيدى, سونداي-اق بيۋدجەت زاڭناماسىن جەتىلدىرۋ جانە قازاقستان رەسپۋبليكاسىنىڭ قارجى جۇيەسىن دامىتۋ جونىندە ۇسىنىستار ازىرلەيدى جانە ولاردى ءتيىستى ۋاكىلەتتى ورگانداردىڭ قاراۋىنا ۇسىنادى; 14) مەملەكەتتىك اۋديت جانە قارجىلىق باقىلاۋ ورگاندارى ۇيلەستىرۋ كەڭەسىنىڭ شەشىمدەرىن ورىنداۋدى جانە ەسەپ كوميتەتىنە ءتيىستى اقپارات ۇسىنۋدى قامتاماسىز ەتەدى; 15) ەسەپ كوميتەتىنىڭ سۇراۋ سالۋلارى بويىنشا جەرگىلىكتى بيۋدجەتتىڭ اتقارىلۋى تۋرالى اقپارات ۇسىنادى; 16) قۇپيالىلىق رەجيمiنiڭ, قىزمەتتiك, كوممەرتسيالىق نەمەسە زاڭمەن قورعالاتىن وزگە دە قۇپيانىڭ ساقتالۋىن ەسكەرە وتىرىپ, بۇقارالىق اقپارات قۇرالدارىندا ءوز قىزمەتى تۋرالى اقپاراتتى ورنالاستىرادى; 17) ءوز قۇزىرەتى شەگىندە سىبايلاس جەمقورلىققا قارسى ءىس-قيمىلدار بويىنشا شارالار قولدانۋدى قامتاماسىز ەتەدى. 3. تەكسەرۋ كوميسسياسىنىڭ قىزمەتىن ۇيىمداستىرۋ جانە ونىڭ لاۋازىمدى ادامدارىنىڭ وكىلەتتىكتەرى 19. تەكسەرۋ كوميسسياسى باسشىلىعىنىڭ قۇرامى بەس جىل مەرزىمگە تاعايىندالاتىن توراعادان جانە ءتورت مۇشەدەن تۇرادى. 20. ءماسليحات ەسەپ كوميتەتىنىڭ ۇسىنىسى جانە قازاقستان رەسپۋبليكاسى پرەزيدەنتى اكىمشىلىگىمەن كەلىسۋ بويىنشا تەكسەرۋ كوميسسياسىنىڭ توراعاسىن قىزمەتكە تاعايىندايدى جانە قىزمەتىنەن بوساتادى. 21. قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىنا سايكەس ءماسليحات تەكسەرۋ كوميسسياسىنىڭ مۇشەلەرىن قىزمەتكە تاعايىندايدى جانە قىزمەتىنەن بوساتادى. 22. تەكسەرۋ كوميسسياسى توراعاسىنىڭ وكىلەتتىكتەرى: 1) جالپى باسشىلىقتى جۇزەگە اسىرادى جانە تەكسەرۋ كوميسسياسىنا جۇكتەلگەن مىندەتتەر مەن فۋنكتسيالاردىڭ ورىندالۋىنا قازاقستان رەسپۋبليكاسىنىڭ زاڭدارىندا كوزدەلگەن جاۋاپتىلىقتا بولادى; 2) تەكسەرۋ كوميسسياسىنىڭ رەگلامەنتىن بەكىتەدى; 3) تەكسەرۋ كوميسسياسى مۇشەلەرى مەن تەكسەرۋ كوميسسياسى اپپاراتىنىڭ جۇمىسىن ۇيىمداستىرادى; 4) قازاقستان رەسپۋبليكاسىنىڭ وزگە دە مەملەكەتتiك ورگاندارىندا, ۇيىمدارىندا جانە ودان تىس جەرلەردە تەكسەرۋ كوميسسياسىنىڭ اتىنان وكiلدiك ەتەدi; 5) بەكiتiلگەن شتات سانى جانە وبلىستىق (قالالىق) بيۋدجەتتە كوزدەلگەن قاراجات شەگiندە تەكسەرۋ كوميسسياسى اپپاراتىنىڭ قۇرىلىمى مەن شتات كەستەسiن بەكiتەدi; 6) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تەكسەرۋ كوميسسياسى اپپاراتىنىڭ باسشىسىن جانە قىزمەتكەرلەرiن قىزمەتكە تاعايىندايدى جانە قىزمەتىنەن بوساتادى; 7) مەملەكەتتiك قىزمەت تۋرالى زاڭنامادا بەلگiلەنگەن تارتiپپەن تەكسەرۋ كوميسسياسىنىڭ قىزمەتكەرلەرiن كوتەرمەلەيدى جانە ولارعا تارتiپتiك جازا قولدانادى; 8) ءوز قۇزىرەتi شەگiندە بۇيرىقتار شىعارادى, نۇسقاۋلار بەرەدi, ولاردىڭ ورىندالۋىن تەكسەرەدi, تەكسەرۋ كوميسسياسىنىڭ وتىرىستارىندا قابىلدانعان قاۋلىلارعا جانە نۇسقامالارعا قول قويادى; 9) مەملەكەتتىك ءاۋديتتى تاۋەكەلدەردى باسقارۋ جۇيەسىنىڭ نەگىزىندە ۇيىمداستىرۋدى كوزدەيتىن, مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەسىن بەكىتەدى; 10) تەكسەرۋ كوميسسياسىنىڭ مۇشەلەرiنە مەملەكەتتىك ءاۋديتتى جانە (نەمەسە) ۇستەمە, بىرلەسكەن جانە قاتار تەكسەرۋلەردى جۇرگىزۋگە تاپسىرمالار بەرەدi; 11) تەكسەرۋ كوميسسياسىنىڭ قۇزىرەتi شەگiندە اۋديتورلىق iس-شارالاردى جۇرگiزۋگە قاتىساتىن تەكسەرۋ كوميسسياسىنىڭ مەملەكەتتىك اۋديتورلارىنىڭ قۇرامىن ايقىندايدى; 12) تەكسەرۋ كوميسسياسىنىڭ اۋديتورلىق, ساراپتامالىق-تالداۋ قىزمەتىنە مەملەكەتتىك اۋديت جانە قارجىلىق باقىلاۋ ستاندارتىنىڭ ساقتالۋى مانىنە, سونىڭ iشiندە مەملەكەتتىك اۋديت وبەكتiسiندە بولا وتىرىپ ساپانى باقىلاۋ جۇرگىزۋدىڭ قاجەتتىلىگىن ايقىندايدى; 13) جەرگiلiكتi بيۋدجەتتiڭ اتقارىلۋىنا جانە مەملەكەت پەن كۆازيمەملەكەتتىك سەكتور سۋبەكتىلەرى اكتيۆتەرiنiڭ پايدالانىلۋىنا مەملەكەتتىك اۋديت ماسەلەلەرiنە قاتىستى قۇجاتتامامەن قۇپيالىلىق رەجيمiنiڭ, كوممەرتسيالىق جانە زاڭمەن قورعالاتىن وزگە دە قۇپيانىڭ ساقتالۋىن ەسكەرە وتىرىپ, كەدەرگiسiز تانىسادى; 14) مەملەكەتتىك اۋديت وبەكتiلەرiنەن اۋديتورلىق iس-شارالاردى جۇرگiزۋگە بايلانىستى ماسەلەلەر بويىنشا قاجەتتi انىقتامالاردى, اۋىزشا جانە جازباشا تۇسiنiكتەمەلەردi تالاپ ەتەدi جانە ءوزi بەلگiلەگەن مەرزiمدە الادى; 15) تەكسەرۋ كوميسسياسىنىڭ مۇشەلەرiن قىزمەتكە تاعايىنداعان, سونداي-اق ولاردى قىزمەتiنەن بوساتقان كەزدە ولاردىڭ كانديداتۋرالارى بويىنشا ۇسىنىستى ءتيىستى ءماسليحاتتىڭ قاراۋىنا ەنگىزەدى; 16) تيiستi اكiمشiلiك-اۋماقتىق بىرلىكتىڭ ءماسليحاتىنا اۋدان (وبلىستىق ماڭىزى بار قالا) بيۋدجەتiنiڭ اتقارىلۋى تۋرالى جىلدىق ەسەپتi ۇسىنۋ جونىندەگى مىندەتتى وبلىستىڭ تەكسەرۋ كوميسسياسى مۇشەلەرiنiڭ بiرiنە جۇكتەيدi; 17) تيiستi اكiمشiلiك-اۋماقتىق بىرلىكتىڭ وبلىس, رەسپۋبليكالىق ماڭىزى بار قالا, استانا جانە اۋدان (وبلىستىق ماڭىزى بار قالا) اكiمدiگiنiڭ وتىرىستارىنا قاتىسۋعا قۇقىلى; 18) تەكسەرۋ كوميسسياسى توراعاسىنىڭ جانىنان كونسۋلتاتيۆتiك-كەڭەسشi جانە كونسۋلتاتيۆتiك-ساراپتامالىق ورگاندار قۇرادى; 19) ءوزi بولماعان جاعدايدا, تەكسەرۋ كوميسسياسى توراعاسىنىڭ مiندەتiن قولدانىستاعى زاڭناماعا سايكەس, تەكسەرۋ كوميسسياسى مۇشەلەرiنiڭ بiرiنە جۇكتەيدi; 20) قازاقستان رەسپۋبليكاسىنىڭ زاڭناماسىندا كوزدەلگەن وزگە دە وكىلەتتىكتەردى جۇزەگە اسىرادى. 23. تەكسەرۋ كوميسسياسى مۇشەلەرىنىڭ وكىلەتتىكتەرى: 1) تەكسەرۋ كوميسسياسىنىڭ اۋديتورلىق, ساراپتامالىق-تالداۋ, اقپاراتتىق جانە وزگە دە قىزمەتiن ۇيىمداستىرادى جانە جۇزەگە اسىرادى; 2) قازاقستان رەسپۋبليكاسىنىڭ زاڭدارىندا كوزدەلگەن جاۋاپتىلىقتا بولادى, تەكسەرiلەتiن مەملەكەتتىك اۋديت وبەكتىلەرىنىڭ جۇمىس iستەۋiنە كەدەرگi كەلتىرمەيدى جانە ولاردىڭ اعىمداعى شارۋاشىلىق قىزمەتiنە ارالاسپايدى; 3) جەرگiلiكتi بيۋدجەتتەردiڭ اتقارىلۋىنا, مەملەكەت پەن كۆازيمەملەكەتتىك سەكتور سۋبەكتىلەرى اكتيۆتەرىنىڭ پايدالانىلۋىنا مەملەكەتتىك ءاۋديتتى جوسپارلاۋ جانە جۇرگىزۋ ماسەلەلەرiنە قاتىستى قۇجاتتاماعا قۇپيالىلىق رەجيمiنiڭ, كوممەرتسيالىق جانە زاڭمەن قورعالاتىن وزگە دە قۇپيانىڭ ساقتالۋىن ەسكەرە وتىرىپ, كەدەرگiسiز قول جەتكiزە الادى; 4) مەملەكەتتىك ءاۋديتتى جۇزەگە اسىرۋعا بايلانىستى ماسەلەلەر بويىنشا قاجەتتi انىقتامالاردى, اۋىزشا جانە جازباشا تۇسiنiكتەمەلەردi مەملەكەتتىك اۋديت وبەكتiلەرiنەن تالاپ ەتەدi جانە وزدەرi بەلگiلەگەن مەرزiمدەردە الادى; 5) وزدەرi باسقاراتىن (جەتەكشiلiك ەتەتiن) قىزمەت باعىتتارىنىڭ ماسەلەلەرi بويىنشا ءوز قۇزىرەتi شەگiندە دەربەس شەشiم قابىلدايدى; 6) ءوز قۇزىرەتi شەگiندە مەملەكەتتىك ءاۋديتتى تيiمدi ۇيىمداستىرۋ ءۇشiن قاجەتتi رەسۋرستاردىڭ كولەمiن ايقىنداي وتىرىپ, مەملەكەتتىك ءاۋديتتىڭ باعدارلامالارىن بەكiتەدi, اۋديتورلىق قىزمەتتى ۇيىمداستىرۋ بويىنشا مىندەتتەردىڭ بولىنۋىنە سايكەس, نۇسقامالارعا قول قويادى; 7) مەملەكەتتىك اۋديت وبەكتىلەرىنىڭ ءتيىستى جىلعا ارنالعان بەكiتiلگەن تىزبەسىنە سايكەس تەكسەرۋ كوميسسياسى اپپاراتىنىڭ قىزمەتكەرلەرiنە مەملەكەتتىك اۋديت جۇرگىزۋگە تاپسىرمالار بەرەدi; 8) تيiستi اكiمشiلiك-اۋماقتىق بىرلىكتىڭ وبلىس, رەسپۋبليكالىق ماڭىزى بار قالا, استانا جانە اۋدان (وبلىستىق ماڭىزى بار قالا) اكiمدiگiنiڭ وتىرىستارىنا قاتىسۋعا قۇقىلى; 9) قازاقستان رەسپۋبليكاسىنىڭ زاڭناماسىندا كوزدەلگەن وزگە دە وكىلەتتىكتەردى جۇزەگە اسىرادى. 24. تەكسەرۋ كوميسسياسىنىڭ توراعاسىنا جانە مۇشەلەرiنە وبلىس (قالا) ءماسليحاتىنىڭ حاتشىسى قول قوياتىن كۋالiكتەر بەرiلەدi. 25. تەكسەرۋ كوميسسياسى وبلىستىڭ (قالانىڭ) ءماسليحاتىنا تەكسەرۋ كوميسسياسى توراعاسىنىڭ جانە مۇشەلەرىنىڭ وكىلەتتىك مەرزىمىنىڭ الداعى اياقتالاتىن مەرزىمى تۋرالى كۇنتىزبەلىك وتىز كۇن بۇرىن حابارلايدى. 26. تەكسەرۋ كوميسسياسىنىڭ توراعاسى جانە مۇشەلەرى: 1) ءماسليحاتتىڭ قىزمەتتەن بوساتۋ تۋرالى شەشىم قابىلداۋى; 2) ولارعا قاتىستى سوتتىڭ ايىپتاۋ ۇكiمi زاڭدى كۇشiنە ەنۋى; 3) بەلگىلەنگەن تارتىپپەن ارەكەت قابiلەتى شەكتەۋلى نەمەسە ارەكەتكە قابىلەتسىز دەپ تانىلۋى; 4) انتتارىن, قازاقستان رەسپۋبليكاسىنىڭ زاڭدارىن, قازاقستان رەسپۋبليكاسى پرەزيدەنتىنىڭ اكتىلەرىن جانە وسى ەرەجەنى بۇزۋى, وزدەرىنىڭ مارتەبەسىمەن سىيىسپايتىن تەرىس قىلىق جاساۋى, لاۋازىمدىق مىندەتتەرىن ساقتاماۋى; 5) قايتىس بولۋى سەبەپتى, سونداي-اق حابارسىز كەتكەن دەپ تانىلعان نە قايتىس بولدى دەپ جاريالان جاعدايدا; 6) قازاقستان رەسپۋبليكاسى ازاماتتىعىنىڭ توقتاتىلۋى; 7) قازاقستان رەسپۋبليكاسىنىڭ اۋماعىنان تىس جەرگە تۇراقتى تۇرۋعا كەتۋى; 8) باسقا لاۋازىمعا تاعايىندالۋى سەبەپتى قىزمەتىنەن مەرزىمىنەن بۇرىن بوساتىلادى. 27. تەكسەرۋ كوميسسياسى توراعاسى مەن مۇشەسىنىڭ وكىلەتتىكتەرى قىزمەتىنەن بوساتۋ تۋرالى ءوتىنىش بەرۋ تۇرىندە مەرزىمىنەن بۇرىن توقتاتىلعان جاعدايدا, تەكسەرۋ كوميسسياسىنىڭ توراعاسى مەن مۇشەسى قىزمەتىنەن بوساتۋ تۋرالى ءتيىستى ءوتىنىش بەرىلگەنگە دەيىن كەمىندە ءبىر اي بۇرىن ءماسليحاتتى جازباشا حاباردار ەتەدى. 28. تەكسەرۋ كوميسسياسىنىڭ اۋديتورلىق ءىس-شارانى جۇرگىزۋ, سونداي-اق اقپاراتتىق-تالدامالىق, قۇقىقتىق, كونسۋلتاتيۆتىك, ۇيىمداستىرۋشىلىق جانە وزگە دە قىزمەتىن تەكسەرۋ كوميسسياسىنىڭ اپپاراتى قامتاماسىز ەتەدى. تەكسەرۋ كوميسسياسىنىڭ اپپاراتى مەملەكەتتىك اكىمشىلىك قىزمەتشىلەر بولىپ تابىلاتىن لاۋازىمدى ادامداردان تۇرادى, ونى تەكسەرۋ كوميسسياسىنىڭ توراعاسى تاعايىندايتىن اپپارات باسشىسى باسقارادى. 29. اپپارات قىزمەتكەرلەرىنىڭ قۇقىقتارى, مىندەتتەرى مەن جاۋاپتىلىعى, سونداي-اق ولاردىڭ مەملەكەتتىك قىزمەتتى وتكەرۋ جاعدايلارى مەملەكەتتىك قىزمەت تۋرالى زاڭنامامەن, ەڭبەك زاڭناماسىمەن, مەملەكەتتىك اۋديت جانە قارجىلىق باقىلاۋ تۋرالى زاڭنامامەن جانە وسى ەرەجەمەن ايقىندالادى. 30. تەكسەرۋ كوميسسياسى اپپاراتىنىڭ قىزمەتكەرلەرىن قايتا دايارلاۋ جانە ولاردىڭ بىلىكتىلىگىن ارتتىرۋ «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 39-بابىنا سايكەس جۇزەگە اسىرىلادى. 31. تەكسەرۋ كوميسسياسىنىڭ قىزمەتى تەكسەرۋ كوميسسياسىنىڭ توراعاسى بەكىتەتىن مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەسىنە سايكەس جۇزەگە اسىرىلادى. قازاقستان رەسپۋبليكاسى پرەزيدەنتىنىڭ تاپسىرمالارىن, قازاقستان رەسپۋبليكاسى پرەزيدەنتى اكىمشىلىگىنىڭ تاپسىرمالارىنا نەگىزدەلگەن ەسەپ كوميتەتىنىڭ سۇراۋ سالۋلارىن, ءتيىستى ءماسليحاتتاردىڭ شەشىمدەرىن جانە تەكسەرۋ كوميسسياسى توراعاسىنىڭ باستاماسىن قوسپاعاندا, تەكسەرۋ كوميسسياسىنىڭ مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەسىنە وزگەرىستەر ەنگىزۋگە جول بەرىلمەيدى. 32. تەكسەرۋ كوميسسياسى ءوزiنiڭ قىزمەتiن جۇزەگە اسىرۋ كەزiندە مەملەكەتتىك اۋديت وبەكتiسiنەن تاۋەلسiز بولادى. تەكسەرۋ كوميسسياسىنىڭ تاۋەلسiزدiگi: 1) تەكسەرۋ كوميسسياسىنىڭ قىزمەتiنە مەملەكەتتiك ورگانداردىڭ جانە وزگە دە ۇيىمداردىڭ زاڭسىز ارالاسۋىنا; 2) مەملەكەتتiك ورگانداردىڭ سۇراۋ سالۋلارى بويىنشا مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەسىندە كوزدەلمەگەن تەكسەرۋلەردi جۇرگiزۋگە تەكسەرۋ كوميسسياسىنىڭ مەملەكەتتىك اۋديتورلارى مەن وزگە دە لاۋازىمدى ادامدارىن تارتۋعا جول بەرمەۋ جولىمەن قامتاماسىز ەتiلەدi. 33. تەكسەرۋ كوميسسياسىنىڭ جەرگىلىكتى بيۋدجەت قاراجاتىن پايدالانۋىن مەملەكەتتىك باقىلاۋ جانە قاداعالاۋ وبلىستىق (قالالىق) ءماسليحاتتىڭ كەلىسىمى نەمەسە تاپسىرماسى بويىنشا جۇرگىزىلەدى. 34. تەكسەرۋ كوميسسياسىنىڭ شەشىمدەر قابىلداۋى وتىرىستا القالى تۇردە جۇزەگە اسىرىلادى. 35. تەكسەرۋ كوميسسياسىنىڭ وتىرىسىندا مەملەكەتتىك ءاۋديتتىڭ قورىتىندىلارى, جوسپارلاۋ, ءادiسناما ماسەلەلەرi, القالى شەشiمدi تالاپ ەتەتiن وزگە دە ماسەلەلەر قارالادى. 36. تەكسەرۋ كوميسسياسىنىڭ وتىرىستارى اشىق نەمەسە جابىق تۇردە وتەدi. تەكسەرۋ كوميسسياسىنىڭ شەشiمدەرi تەكسەرۋ كوميسسياسىنىڭ وتىرىسقا قاتىسۋشى قۇرامىنىڭ جالپى سانىنىڭ كوپشiلiك داۋسىمەن قابىلدانادى. داۋىستار تەڭ بولعان جاعدايدا, توراعالىق ەتۋشi داۋىس بەرگەن شەشiم قابىلدانعان بولىپ ەسەپتەلەدi. 37. تەكسەرۋ كوميسسياسىنىڭ وتىرىستارىن جۇرگiزۋدiڭ ءتارتiبi, جۇمىستى ۇيىمداستىرۋ ماسەلەلەرi جانە باسقا دا ماسەلەلەر تەكسەرۋ كوميسسياسىنىڭ رەگلامەنتiمەن ايقىندالادى. 38. ەسەپ كوميتەتى بەكىتەتىن تەكسەرۋ كوميسسياسىنىڭ ماسليحاتتارعا جەرگىلىكتى بيۋدجەتتىڭ اتقارىلۋى تۋرالى ەسەپتى ۇسىنۋى بويىنشا سىرتقى مەملەكەتتىك ءاۋديتتىڭ جانە قارجىلىق باقىلاۋدىڭ راسىمدىك ستاندارتىندا ايقىندالعان نىسان مەن قۇرىلىمعا سايكەس, تەكسەرۋ كوميسسياسى جىل سايىن ەسەپتى قارجى جىلى ءۇشىن جەرگىلىكتى بيۋدجەتتىڭ اتقارىلۋى تۋرالى ەسەپتى جاسايدى جانە ءماسليحاتتاردىڭ قاراۋىنا ۇسىنادى. 39. ەسەپ كوميتەتى بەكىتەتىن تەكسەرۋ كوميسسياسىنىڭ ەسەپ كوميتەتىنە اقپارات ۇسىنۋى بويىنشا سىرتقى مەملەكەتتىك ءاۋديتتىڭ جانە قارجىلىق باقىلاۋدىڭ راسىمدىك ستاندارتىندا ايقىندالاتىن نىسان مەن قۇرىلىمعا سايكەس, تەكسەرۋ كوميسسياسى توقسان سايىن ەسەپتى كەزەڭ ءۇشىن ەسەپ كوميتەتىنە ءوز جۇمىسى تۋرالى اقپارات ۇسىنىپ وتىرادى. 4. تەكسەرۋ كوميسسياسىنىڭ مۇلكى 40. تەكسەرۋ كوميسسياسىنىڭ قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا, جەدەل باسقارۋ قۇقىعىندا وقشاۋلانعان مۇلكى بولۋى مۇمكىن. 41. تەكسەرۋ كوميسسياسىنىڭ مۇلكى وعان مەنشىك يەسى بەرگەن م ۇلىكتىڭ, سونداي-اق ءوز قىزمەتى ناتيجەسىندە ساتىپ الىنعان م ۇلىكتىڭ (اقشالاي كىرىستەردى قوسا العاندا) جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەردىڭ ەسەبىنەن قالىپتاسادى. 42. تەكسەرۋ كوميسسياسىنا بەكىتىلگەن م ۇلىك كوممۋنالدىق مەنشىككە جاتادى. 43. ەگەر قازاقستان رەسپۋبليكاسىنىڭ زاڭناماسىندا وزگەشە كوزدەلمەسە, تەكسەرۋ كوميسسياسى وزىنە بەكىتىلگەن م ۇلىكتى جانە قارجىلاندىرۋ جوسپارى بويىنشا وزىنە بەرىلگەن قاراجات ەسەبىنەن ساتىپ الىنعان م ۇلىكتى ءوز بەتىمەن يەلىگىنەن شىعارۋعا نەمەسە وعان وزگەدەي تاسىلمەن بيلىك ەتۋگە قۇقىلى ەمەس. 44. تەكسەرۋ كوميسسياسىنىڭ توراعاسىن, مۇشەلەرىن جانە اپپارات قىزمەتكەرلەرىن ماتەريالدىق-تەحنيكالىق جانە مەديتسينالىق قامتاماسىز ەتۋ, سونداي-اق ولارعا كولىكتىك قىزمەت كورسەتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. 6. تەكسەرۋ كوميسسياسىن قايتا ۇيىمداستىرۋ جانە تاراتۋ 45. تەكسەرۋ كوميسسياسىن قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2015 جىلعى 28 قاراشاداعى №11-نق نورماتيۆتىك قاۋلىسىنا قوسىمشا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ كۇشى جويىلعان كەيبىر نورماتيۆتىك قاۋلىلارىنىڭ تىزبەسى 1. «سىرتقى مەملەكەتتىك قارجىلىق باقىلاۋدىڭ كەيبىر ماسەلەلەرى تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2011 جىلعى 12 تامىزداعى № 1-نپ نورماتيۆتىك قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7164 تىركەلگەن, «ەگەمەن قازاقستان» گازەتىندە 2011 جىلعى 24 قىركۇيەكتەگى № 453-456 (26849) جاريالانعان). 2. «رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «سىرتقى مەملەكەتتىك قارجىلىق باقىلاۋدىڭ كەيبىر ماسەلەلەرى تۋرالى» 2011 جىلعى 12 تامىزداعى № 1-نپ جانە «سىرتقى مەملەكەتتىك قارجىلىق باقىلاۋدى جۇرگىزۋ ەرەجەسىن بەكىتۋ تۋرالى» 2011 جىلعى 18 تامىزداعى № 2-نپ نورماتيۆتىك قاۋلىلارىنا وزگەرىستەر مەن تولىقتىرۋلار ەنگىزۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2012 جىلعى 9 شىلدەدەگى № 1-نپ نورماتيۆتىك قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7808 تىركەلگەن, «ەگەمەن قازاقستان» گازەتىندە 2012 جىلعى 9 تامىزداعى № 483-488 (27561) جاريالانعان). 3. «سىرتقى مەملەكەتتىك قارجىلىق باقىلاۋدىڭ كەيبىر ماسەلەلەرى تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2011 جىلعى 12 تامىزداعى № 1-نپ نورماتيۆتىك قاۋلىسىنا وزگەرىس ەنگىزۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2012 جىلعى 12 جەلتوقسانداعى № 2-نپ نورماتيۆتىك قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8207 تىركەلگەن, «ەگەمەن قازاقستان» گازەتىندە 2012 جىلعى 27 جەلتوقسانداعى № 852-856 (27927) جاريالانعان). 4. «سىرتقى مەملەكەتتىك قارجىلىق باقىلاۋدىڭ كەيبىر ماسەلەلەرى تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2011 جىلعى 12 تامىزداعى № 1-نپ نورماتيۆتىك قاۋلىسىنا وزگەرىستەر ەنگىزۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2013 جىلعى 3 شىلدەدەگى № 4-نپ نورماتيۆتىك قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8574 تىركەلگەن, «ەگەمەن قازاقستان» گازەتىندە 2013 جىلعى 3 تامىزداعى № 182 (28121) جاريالانعان). 5. «سىرتقى مەملەكەتتىك قارجىلىق باقىلاۋدىڭ كەيبىر ماسەلەلەرى تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2011 جىلعى 12 تامىزداعى № 1-نپ نورماتيۆتىك قاۋلىسىنا وزگەرىستەر ەنگىزۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2014 جىلعى 11 اقپانداعى № 1-نق نورماتيۆتىك قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9206 تىركەلگەن, «ەگەمەن قازاقستان» گازەتىندە 2014 جىلعى 29 ناۋرىزداعى № 61 (28285) جاريالانعان). 6. «رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ كەيبىر نورماتيۆتىك قاۋلىلارىنا وزگەرىستەر مەن تولىقتىرۋلار ەنگىزۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2014 جىلعى 10 جەلتوقسانداعى № 5-نق نورماتيۆتىك قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2015 جىلعى 9 قاڭتاردا № 10072 تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلعى 22 قاڭتاردا ورنالاستىرىلعان, «ەگەمەن قازاقستان» گازەتىندە 2015 جىلعى 5 اقپانداعى № 23 (28501) جاريالانعان). بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12514 بولىپ ەنگىزىلدى.