رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ نورماتيۆتىك قاۋلىسى  №7-نق 

2015 جىلعى 28 قاراشا, استانا قالاسى مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارىن بەكىتۋ تۋرالى «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 12-بابى 4-تارماعىنىڭ 16) تارماقشاسىنا سايكەس رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) قاۋلى ەتەدى: 1. قوسا بەرىلىپ وتىرعان مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارى بەكiتىلسىن. 2. زاڭ ءبولىمى زاڭنامادا بەلگىلەنگەن تارتىپپەن: 1) وسى نورماتيۆتىك قاۋلىنىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى نورماتيۆتىك قاۋلى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى نورماتيۆتىك قاۋلىنىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن. 3. نورماتيۆتىك قاۋلىنىڭ ورىندالۋىن باقىلاۋ ەسەپ كوميتەتىنىڭ اپپارات باسشىسىنا جۇكتەلسىن. 4. وسى نورماتيۆتىك قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. توراعا ق.جاڭبىرشين. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2015 جىلعى 28 قاراشاداعى № 7-نق نورماتيۆتىك قاۋلىسىمەن بەكىتىلگەن مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارى 1. جالپى ەرەجەلەر 1. وسى مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارى (بۇدان ءارى – قاعيدالار) «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنا سايكەس ازىرلەندى جانە مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ, جۇرگىزۋ جانە ونىڭ دەرەكتەرىن پايدالانۋ ءتارتىبىن ايقىندايدى. 2. مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن (بۇدان ءارى – بىرىڭعاي دەرەكقور) قالىپتاستىرۋ مەن جۇرگىزۋدىڭ ماقساتى: مەملەكەتتىك اۋديت جانە قارجىلىق باقىلاۋدى جۇرگىزۋ كەزىندە باسقارۋ پروتسەستەرىن, سونداي-اق مەملەكەتتىك اۋديت جانە قارجىلىق باقىلاۋ ورگاندارىنىڭ ساراپتامالىق-تالداۋ قىزمەتىن وڭتايلاندىرۋ; مەملەكەتتىك اۋديت جانە قارجىلىق باقىلاۋ ورگاندارىنىڭ قىزمەتىندە قايتالاۋدى بولدىرماۋ; مەملەكەتتىك اۋديت ناتيجەلەرىن تانۋدى قامتاماسىز ەتۋ; مەملەكەتتىك باقىلاۋ جانە قاداعالاۋ ورگاندارىمەن, وزگە دە مەملەكەتتىك ورگاندارمەن, مەملەكەتتىك اۋديت وبەكتىلەرىمەن اقپارات الماسۋ; تاۋەكەلدەردى باسقارۋ جۇيەسىن قالىپتاستىرۋ جانە ونىڭ جۇمىس ىستەۋى; ىشكى مەملەكەتتىك اۋديت جونىندەگى ۋاكىلەتتى ورگاننىڭ كامەرالدىق باقىلاۋدى جۇرگىزۋى; ەلەكتروندى مەملەكەتتىك اۋديت جۇرگىزۋ بولىپ تابىلادى. 3. مەملەكەتتىك اۋديت جانە قارجىلىق باقىلاۋ ورگاندارىنا: 1) رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى); 2) وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ تەكسەرۋ كوميسسيالارى (بۇدان ءارى – تەكسەرۋ كوميسسيالارى); 3) ىشكى مەملەكەتتىك اۋديت جونىندەگى ۋاكىلەتتى ورگان; 4) قازاقستان رەسپۋبليكاسى ۇلتتىق بانكىنىڭ ىشكى اۋديت قىزمەتىن قوسپاعاندا, ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ ىشكى اۋديت قىزمەتتەرى; 5) ورتالىق مەملەكەتتىك ورگاندار ۆەدومستۆولارىنىڭ ىشكى اۋديت قىزمەتتەرى جاتادى. 4. ەسەپ كوميتەتىنىڭ ينتەگراتسيالىق اقپاراتتىق جۇيەسىنىڭ جانە باسقا مەملەكەتتىك ورگانداردىڭ اقپاراتتىق جۇيەلەرىنىڭ جەكەلەگەن مودۋلدەرى بىرىڭعاي دەرەكقورعا ينتەگراتسيالانادى. 5. بىرىڭعاي دەرەكقورعا مالىمەتتەر بەرۋدى مەملەكەتتىك اۋديت جانە قارجىلىق باقىلاۋ ورگاندارى, سونداي-اق مەملەكەتتىك اۋديت جانە قارجىلىق باقىلاۋ وبەكتىلەرى (بۇدان ءارى – اقپاراتتى جەتكىزۋشىلەر) جۇزەگە اسىرادى. 2. بىرىڭعاي دەرەكقوردى قالىپتاستىرۋ مەن جۇرگىزۋ ءتارتىبى 6. بىرىڭعاي دەرەكقوردى ەسەپ كوميتەتى اكىمشىلەندىرەدى, ونىڭ ءتيىمدى جۇمىس ىستەۋىنە, وندا ورنالاسقان اقپاراتتىڭ ساقتالۋى مەن قاۋىپسىزدىگىنە جاۋاپتى بولادى. 7. بىرىڭعاي دەرەكقور «ەلەكتروندىق ۇكىمەت» جۇيەسىمەن جانە مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالانادى. 8. بىرىڭعاي دەرەكقور مىناداي اقپاراتتى قامتيدى: 1) مەملەكەتتىك اۋديت جانە قارجىلىق باقىلاۋ وبەكتىلەرى; 2) مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك اۋديت جانە قارجىلىق باقىلاۋ وبەكتىلەرىنىڭ ءتيىستى جىلعا ارنالعان تىزبەسى; 3) مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك اۋديت جانە ساراپتامالىق-تالداۋ ءىس-شارالارىنىڭ ناتيجەلەرى; 4) ارنايى ماقساتتاعى ءاۋديتتىڭ ناتيجەلەرى; 5) نىسانالى ترانسفەرتتەر بويىنشا ناتيجەلەر تۋرالى كەلىسىمدەر, بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن تىكەلەي جانە تۇپكىلىكتى ناتيجەلەر تۋرالى ەسەپتەر; 6) مىندەتتەمەلەر بويىنشا قارجىلاندىرۋدىڭ جيىنتىق جوسپارى, تۇسەتىن تۇسىمدەر مەن تولەمدەر بويىنشا قارجىلاندىرۋدىڭ جيىنتىق جوسپارى; 7) بيۋدجەتتىك باعدارلامالار اكىمشىلەرىنىڭ مىندەتتەمەلەرى مەن تولەمدەرى بويىنشا قارجىلاندىرۋ جوسپارلارى; 8) مەملەكەتتىك مەكەمەلەردىڭ مىندەتتەمەلەرى مەن تولەمدەرى بويىنشا جەكە قارجىلاندىرۋ جوسپارلارى; 9) قازاقستان رەسپۋبليكاسىنىڭ بيۋدجەت زاڭناماسىندا, بۋحگالتەرلىك ەسەپ جانە قارجىلىق ەسەپتىلىك تۋرالى زاڭناماسىندا كوزدەلگەن, بەكىتىلگەن قارجىلىق ەسەپتىلىك, قوسىمشالارىمەن بىرگە; 10) مەملەكەتتىك اۋديت جانە قارجىلىق باقىلاۋ وبەكتىلەرىنىڭ اۋديتورلىق ەسەپتىلىگى; 11) بيۋدجەتتىك ەسەپتىلىك جانە بيۋدجەت كىرىستەرىنە بايلانىستى ەسەپتىلىك; 12) مەملەكەتتىك جانە ۆەدومستۆولىق ستاتيستيكادان مەملەكەتتىك ءاۋديتتى جانە ساراپتامالىق-تالداۋ قىزمەتىن جۇرگىزۋ ءۇشىن قاجەتتى اقپارات. 9. مەملەكەتتىك اۋديت جانە قارجىلىق باقىلاۋ ورگاندارى بىرىڭعاي دەرەكقورعا ورنالاستىرۋ ءۇشىن مەملەكەتتىك اۋديت جانە قارجىلىق باقىلاۋ ماتەريالدارىن ەسەپ كوميتەتىنە مىناداي مەرزىمدەردە: وسى قاعيدالاردىڭ 8-تارماعىنىڭ 1), 5) - 9), 12) تارماقشالارى بويىنشا – تۇراقتى; وسى قاعيدالاردىڭ 8-تارماعىنىڭ 2) - 4), 10), 11) تارماقشالارى بويىنشا – بەكىتىلگەننەن كەيىن بەس جۇمىس كۇنى ىشىندە ۇسىنىپ وتىرادى. وسى قاعيدالاردىڭ 8-تارماعىنىڭ 1) - 12) تارماقشالارىندا كورسەتىلگەن قۇجاتتارعا وزگەرىستەر مەن تولىقتىرۋلاردى اقپاراتتى جەتكىزۋشى ولار ەنگىزىلگەن كۇننەن باستاپ, بەس جۇمىس كۇنىنەن كەشىكتىرمەي ەسەپ كوميتەتىنە جىبەرەدى. 10. مەملەكەتتىك اۋديت جانە قارجىلىق باقىلاۋ وبەكتىلەرى بىرىڭعاي دەرەكقوردى تولىقتىرۋ ءۇشىن قاجەتتى اقپاراتتى مەملەكەتتىك اۋديت جانە قارجىلىق باقىلاۋ ورگاندارىنىڭ سۇراۋ سالۋلارى بويىنشا ولاردىڭ بەلگىلەگەن مەرزىمدەرىندە ۇسىنادى. 11. بىرىڭعاي دەرەكقورعا ارنالعان اقپارات مەملەكەتتىك اۋديت جانە قارجىلىق باقىلاۋ تۋرالى زاڭنامادا بەلگىلەنگەن نە ەسەپ كوميتەتى ءتيىستى سۇراۋ سالۋىندا بەلگىلەگەن نىسان بويىنشا ۇسىنىلادى. 12. بىرىڭعاي دەرەكقوردى قالىپتاستىرۋ ءۇشىن مەملەكەتتىك اۋديت جانە قارجىلىق باقىلاۋ ورگاندارىنىڭ اقپاراتتىق جۇيەلەرى اراسىنداعى اقپارات الماسۋ, قازاقستان رەسپۋبليكاسىنىڭ ۇلتتىق كۋالاندىرۋ ورتالىعى بەرگەن اقپاراتتىق جۇيەنى يەلەنۋشىنىڭ ەلەكتروندىق ساندىق قولىن پايدالانا وتىرىپ, XML-فورماتىنداعى ەلەكتروندىق حابارلامالار ارقىلى جۇزەگە اسىرىلادى. ۇسىنىلعان اقپارات ەسەپ كوميتەتىنىڭ سىرتقى ينتەرنەت-رەسۋرسىنا مەملەكەتتىك جانە ورىس تىلدەرىندە وفيستىك فورماتتاعى ەلەكتروندىق فايلداردا ورنالاستىرىلادى. 13. ەسەپ كوميتەتىنىڭ بىرىڭعاي دەرەكقوردى اكىمشىلەندىرۋى: 1) بىرىڭعاي دەرەكقورعا دەرەكتەردى ەنگىزۋدى جانە ولاردىڭ ساقتالۋىن قامتاماسىز ەتۋدى; 2) بىرىڭعاي دەرەكقورعا ەنگىزىلگەن مالىمەتتەردى مەملەكەتتىك اۋديت ورگاندارى ۇسىنعان دەرەكتەرگە سايكەس, سونداي-اق مەملەكەتتىك ورگانداردىڭ اقپاراتتىق جۇيەسىنىڭ دەرەكتەرىنە سۇيەنە وتىرىپ جەكە باستاماسى بويىنشا وزەكتەندىرۋدى; 3) بىرىڭعاي دەرەكقورداعى اقپاراتتى تالداۋدى جانە وڭدەۋدى; 4) مەملەكەتتىك اۋديت جانە قارجىلىق باقىلاۋ ورگاندارى مەن مەملەكەتتىك اۋديت جانە قارجىلىق باقىلاۋ وبەكتىلەرى دەرەكتەرىنىڭ بىرىڭعاي دەرەكقورعا ۋاقتىلى جانە دايەكتى ەنگىزىلۋىن باقىلاۋدى; 5) تاۋەكەلدەردى باسقارۋ جۇيەسىنىڭ جۇمىس ىستەۋى ءۇشىن ولشەمشارتتاردى بەلگىلەۋدى; 6) ىشكى مەملەكەتتىك اۋديت جونىندەگى ۋاكىلەتتى ورگاننىڭ كامەرالدىق باقىلاۋ جۇرگىزۋى ءۇشىن ولاردىڭ تاۋەكەلدەردى باسقارۋ جۇيەسىن ۇيلەستىرۋدى; 7) بىرىڭعاي دەرەكقوردى «ەلەكتروندىق ۇكىمەت» جۇيەسىمەن جانە مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالاۋدى; 8) بىرىڭعاي دەرەكقوردىڭ دامۋىن قامتاماسىز ەتۋدى; 9) مەملەكەتتىك باقىلاۋ جانە قاداعالاۋ ورگاندارىمەن اقپارات الماسۋدى قامتيدى. 14. ەسەپ كوميتەتى: 1) بىرىڭعاي دەرەكقورعا ەنگىزۋ ءۇشىن اقپاراتتى العان كەزدەن باستاپ ون جۇمىس كۇنى ىشىندە ونى وسى قاعيدالاردىڭ تالاپتارىنا سايكەستىگىنە, سونىڭ ىشىندە مەملەكەتتىك ورگانداردىڭ اقپاراتتىق جۇيەلەرىن پايدالانۋ ارقىلى تەكسەرۋدى جۇزەگە اسىرادى; 2) تەكسەرۋدىڭ ناتيجەلەرى بويىنشا ەكى جۇمىس كۇنى ىشىندە: اقپارات وسى قاعيدالاردا بەلگىلەنگەن تالاپتارعا سايكەس كەلگەن جاعدايدا بىرىڭعاي دەرەكقورعا ءتيىستى مالىمەتتەردى ەنگىزەدى جانە ورنالاستىرۋ مەكەنجايىن/بولىمىن كورسەتە وتىرىپ, ءتيىستى مالىمەتتەردى بىرىڭعاي دەرەكقورعا ەنگىزۋ (قوسۋ) تۋرالى اقپاراتتى, حابارلامانى اقپارات جەتكىزۋشىنىڭ ەلەكتروندىق مەكەنجايىنا جىبەرەدى; اقپارات تولىق ەمەس نەمەسە تيىسىنشە رەسىمدەلمەگەن نە وسى قاعيدالاردا بەلگىلەنگەن تالاپتارعا سايكەس كەلمەگەن جاعدايدا, ەلەكتروندىق مەكەنجايعا بىرىڭعاي دەرەكقورعا ەنگىزۋدەن ۋاجدەلگەن باس تارتۋ جىبەرەدى. اقپارات جەتكىزۋشى ەسەپ كوميتەتىنەن بىرىڭعاي دەرەكقورعا اقپاراتتى ەنگىزۋدەن ۋاجدەلگەن باس تارتۋ العاننان كەيىن بەس جۇمىس كۇنى ىشىندە ەسكەرتۋلەردى جويا وتىرىپ, تۇزەتۋدىڭ سەبەپتەرى تۋرالى تۇسىندىرمەمەن بىرگە تۇزەتىلگەن اقپاراتتى جىبەرەدى. 15. اقپارات جەتكىزۋشىلەر بىرىڭعاي دەرەكقور قالىپتاستىرۋ ءۇشىن ۇسىنىلاتىن دەرەكتەردىڭ انىقتىعى مەن تولىقتىعى ءۇشىن جاۋاپتى بولادى. 3. بىرىڭعاي دەرەكقوردى پايدالانۋ ءتارتىبى 16. بىرىڭعاي دەرەكقوردا قامتىلاتىن مالىمەتتەر www.esep.gov.kz مەكەنجايى بويىنشا ينتەرنەت-رەسۋرسقا ورنالاستىرىلادى: پايدالانۋشىلار تاراپىنان بىرىڭعاي دەرەكقوردىڭ قۇرامداسىنا قول جەتكىزۋ ءۇشىن Web-كليەنتتەر قولدانىلادى. بىرىڭعاي دەرەكقوردىڭ پايدالانۋشىلارى مەملەكەتتىك اۋديت جانە قارجىلىق باقىلاۋ ورگاندارى بولىپ تابىلادى. 17. بىرىڭعاي دەرەكقوردى پايدالانۋشىلارعا بىرىڭعاي دەرەكقورعا قول جەتكىزۋدىڭ مىناداي دەڭگەيلەرى: 3-تارماقتىڭ 1), 3) تارماقشالارىندا كورسەتىلگەن ورگاندارعا – تولىقتاي قول جەتكىزۋ; 3-تارماقتىڭ 2) تارماقشاسىندا كورسەتىلگەن ورگاندارعا – ءتيىستى اكىمشىلىك-اۋماقتىق بىرلىكتىڭ جەرگىلىكتى بيۋدجەتىنىڭ دەرەكتەرى بويىنشا; 3-تارماقتىڭ 4), 5) تارماقشالارىندا كورسەتىلگەن ورگاندارعا – ءتيىستى مەملەكەتتىك ورگاننىڭ, جەرگىلىكتى اتقارۋشى ورگاننىڭ نەمەسە ورتالىق مەملەكەتتىك ورگاننىڭ ۆەدومستۆوسىنىڭ دەرەكتەرى بويىنشا دەڭگەيلەر ۇسىنىلادى. 18. اقپاراتتى قابىلداۋ/بەرۋ «مەملەكەتتىك ورگانداردىڭ بىرىڭعاي كولىك ورتاسىنىڭ وپەراتورى تۋرالى» قازاقستان رەسپۋبليكاسى ۇكىمەتىنىڭ 2011 جىلعى 30 جەلتوقسانداعى № 1719 قاۋلىسىنا سايكەس مەملەكەتتىك ورگانداردىڭ بىرىڭعاي كولىك ورتاسىنىڭ بايلانىس ارناسى ارقىلى جۇزەگە اسىرىلادى. مەملەكەتتىك اقپاراتتىق جۇيەلەردىڭ جۇمىس ىستەۋ سەنىمدىلىگى مەن قاۋىپسىزدىگىن قامتاماسىز ەتۋ ءۇشىن ەلەكتروندىق اقپاراتتىق رەسۋرستاردى ساقتاۋ, وڭدەۋ جانە بەرۋ ءۇشىن پايدالانىلاتىن تەحنيكالىق قۇرالدار تەحنيكالىق رەتتەۋ جانە اقپاراتتاندىرۋ سالاسىنداعى زاڭناما تالاپتارىنا سايكەس كەلۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12459 بولىپ ەنگىزىلدى.