قازاقستان رەسپۋبليكاسى ۇكىمەتىنىڭ قاۋلىسى  №1167 

2015 جىلعى 31 جەلتوقسان, استانا, ۇكىمەت ءۇيى مەملەكەتتىك يسلام ارنايى قارجى كومپانياسىن تاراتۋ قاعيدالارىن بەكىتۋ تۋرالى «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭى 32-6-بابىنىڭ 7-1-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان مەملەكەتتىك يسلام ارنايى قارجى كومپانياسىن تاراتۋ قاعيدالارى بەكىتىلسىن. 2. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1167 قاۋلىسىمەن بەكىتىلگەن مەملەكەتتىك يسلام ارنايى قارجى كومپانياسىن تاراتۋ ەرەجەلەرى 1. وسى مەملەكەتتىك يسلام ارنايى قارجى كومپانياسىن تاراتۋ ەرەجەلەرى «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭى 32-6-بابىنىڭ 7-1-تارماعىنا سايكەس ازىرلەنگەن جانە مەملەكەتتىك يسلام ارنايى قارجى كومپانياسىن (بۇدان ءارى - كومپانيا) تاراتۋ ءتارتىبىن ايقىندايدى. 2. كومپانيا سوتتىڭ شەشىمى بويىنشا بانكروت بولعان جاعدايدا جانە قازاقستان رەسپۋبليكاسى زاڭناماسىمەن قاراستىرىلعان وزگە جاعدايلاردا تاراتىلۋى مۇمكىن. 3. كومپانيانى تاراتۋ قازاقستان رەسپۋبليكاسى ۇكىمەتىنىڭ شەشىمىمەن قابىلدانادى. بۇل رەتتە, كومپانياسىن ەرىكتى تۇردە تاراتۋ كومپانيا شىعارعان مەملەكەتتىك يسلام باعالى قاعازدارى شىعارىلىمىن وتەۋدىڭ قورىتىندىلارى تۋرالى ەسەپ بەكىتىلگەننەن كەيىن جۇزەگە اسىرىلۋى مۇمكىن. 4. مەملەكەتتىك م ۇلىكتى باسقارۋ جونىندەگى ۋاكىلەتتى ورگان كومپانيانى تاراتۋ تۋرالى شەشىم قابىلداعاندىعىن زاڭدى تۇلعالاردى تىركەۋدى جۇزەگە اسىراتىن ادىلەت ورگانىنا, تىركەۋ ورنى بويىنشا مەملەكەتتىك كىرىس ورگانىنا دەرەۋ جازباشا تۇردە حابارلايدى. 5. مەملەكەتتىك باسقارۋدىڭ ءتيىستى سالاسىن (اياسىن) باسقارۋ جونىندەگى ۋاكىلەتتى ورگان كومپانيانىڭ جارعىلىق كاپيتالىندا مەملەكەتتىك قاتىسۋ قۇقىعى يەلەنگەن مەملەكەتتىك م ۇلىكتى باسقارۋ جونىندەگى ۋاكىلەتتى ورگانمەن كەلىسىم بويىنشا كومپانيانى تاراتۋ شەشىمى قابىلدانعاننان كەيىن كومپانيا تاراتۋ كوميسسياسىن كۇنتىزبەلىك ون كۇن ىشىندە قۇرىلىپ كومپانيانىڭ مۇلكىن جانە ىستەرىن باسقارۋ جونىندەگى وكىلەتتىك سوعان اۋىسادى. 6. تاراتۋ كوميسسياسى كومپانيانى تاراتۋ, سونداي-اق ونىڭ كرەديتورلارىنىڭ تالاپتارىن مالىمدەۋ ءتارتىبى مەن مەرزىمى تۋرالى اقپاراتتى قازاقستان رەسپۋبليكاسى ادىلەت مينيسترلىگىنىڭ رەسمي باسپا باسىلىمدارىندا كومپانيانى تاراتۋ كوميسسياسىن قۇرىلعاننان كەيىن كۇنتىزبەلىك ون كۇن ىشىندە جاريالايدى. بانكروتتىق جاعدايلارىن قوسپاعاندا, تالاپتاردى مالىمدەۋ مەرزىمى تاراتۋ تۋرالى حابارلاندىرۋ جاريالانعان كەزدەن باستاپ ەكى ايدان كەم بولمايدى. بانكروتتىق كەزىندە كرەديتورلاردىڭ بانكروتقا قوياتىن تالاپتارى كرەديتورلاردىڭ تالاپتارىن مالىمدەۋ ءتارتىبى تۋرالى حابارلاندىرۋ جاريالانعان كەزدەن باستاپ ءبىر اي مەرزىمنەن كەشىكتىرىلمەي مالىمدەلۋگە ءتيىس. مەرزىمى تاراتۋ تۋرالى حابارلاندىرۋ جاريالانعان كەزدەن باستاپ ەكى ايدان كەم بولمايدى. تاراتۋ كوميسسياسى كرەديتورلاردى انىقتاۋ جانە قارىزدارىن الۋ ءۇشىن شارالار قولدانادى, سونداي-اق كرەديتورلارعا كومپانيانىڭ تاراتىلعانى تۋرالى جازباشا حابارلايدى. 7. كرەديتورلار تالاپتارىن قويۋعا ارنالعان مەرزىم اياقتالعاننان كەيىن تاراتۋ كوميسسياسى كۇن­تىزبەلىك وتىز كۇن ىشىندە ارالىق تاراتۋ تەڭگەرىمىن جاسايدى, وندا كومپانيا مۇلكىنىڭ قۇرامى, كرەدي­تورلار قويعان تالاپتار تىزبەسى, سونداي-اق ولاردى قاراۋ ناتيجەلەرى تۋرالى مالىمەتتەر قامتىلادى. ارالىق تاراتۋ تەڭگەرىمىن مەملەكەتتىك باسقارۋدىڭ ءتيىستى سالاسىن (اياسىن) باسقارۋ جونىندەگى ۋاكىلەتتى ورگان بەكىتەدى. 8. ارالىق تاراتۋ تەڭگەرىمىن جاساعان كەزدە تاراتىلاتىن كومپانيا مۇلكىنىڭ قۇرامىنا قازاقستان رەسپۋبليكاسى ۇكىمەتىنىڭ شەشىمى نەگىزىندە كومپانياعا ساتىلعان م ۇلىك كىرمەيدى. تاراتۋ كوميسسياسى كورسەتىلگەن م ۇلىكتى قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جانە مەرزىمدەردە قازاقستان رەسپۋبليكاسىنىڭ مەنشىگىنە بەرەدى. 9. كومپانيانىڭ كرەديتورلارىنا اقشا تولەۋدى تاراتۋ كوميسسياسى قازاقستان رەسپۋبليكاسىنىڭ ازاماتتىق كودەكسىندە بەلگىلەنگەن كەزەك تارتىبىمەن ارالىق تاراتۋ تەڭگەرىمى بەكىتىلگەن كۇننەن باستاپ, سوعان سايكەس جۇرگىزەدى. 10. كومپانيانىڭ تاراتىلاتىن مەملەكەتتىك يسلام باعالى قاعازدارى بويىنشا ولاردىڭ ۇستاۋشىلارى الدىندا, سونداي-اق مەملەكەتتىك م ۇلىكتى باسقارۋ جونىندەگى ۋاكىلەتتى ورگاننىڭ جانە مەملەكەتتىك باسقارۋدىڭ ءتيىستى سالاسىن (اياسىن) باسقارۋ جونىندەگى ۋاكىلەتتى ورگاننىڭ الدىندا مىندەتتەمەلەرى بولعان جاعدايدا, تاراتۋ مەملەكەتتىك يسلام باعالى قاعازدارىن شىعارۋ شارتتارى ەسكەرىلىپ جۇزەگە اسىرىلادى. 11. كرەديتورلارمەن ەسەپ ايىرىسۋ بىتكەننەن كەيىن تاراتۋ كوميسسياسى تاراتۋ تەڭگەرىمىن ازاماتتىق زاڭناما تالاپتارىنا سايكەس جاسايدى. 12. بۇل تۋرالى مالىمەتتەر بيزنەس-سايكەستەندىرۋ نومىرلەرىنىڭ ۇلتتىق تىزىلىمىنە ەنگىزىلگەننەن كەيىن كومپانيانىڭ تاراتىلۋى اياقتالعان بولىپ, ال كومپانيا ءوز قىزمەتىن توقتاتقان بولىپ ەسەپتەلەدى.