قازاقستان رەسپۋبليكاسى ۇكىمەتىنىڭ قاۋلىسى  №1166 

2015 جىلعى 31 جەلتوقسان, استانا, ۇكىمەت ءۇيى «جەكەلەگەن نەگىزدەر بويىنشا مەملەكەت مەنشىگىنە اينالدىرىلعان (تۇسكەن) م ۇلىكتى ەسەپكە الۋدىڭ, ساقتاۋدىڭ, باعالاۋدىڭ جانە ودان ءارى پايدالانۋدىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2002 جىلعى 26 شىلدەدەگى № 833 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جەكەلەگەن نەگىزدەر بويىنشا مەملەكەت مەنشىگىنە اينالدىرىلعان (تۇسكەن) م ۇلىكتى ەسەپكە الۋدىڭ, ساقتاۋدىڭ, باعالاۋدىڭ جانە ودان ءارى پايدالانۋدىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2002 جىلعى 26 شىلدەدەگى № 833 قاۋلىسىنا (قازاقستان رەسپۋبليكاسىنىڭ ءپۇاج-ى, 2002 ج., № 25, 260-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن جەكەلەگەن نەگىزدەر بويىنشا مەملەكەت مەنشىگىنە اينال­­­دى­رىلعان (تۇسكەن) م ۇلىكتى ەسەپكە الۋ, ساقتاۋ, باعالاۋ جانە ودان ءارى پايدالانۋ قاعيدالارىندا: 3-تارماقتىڭ 4) تارماقشاسى مىناداي رەداكتسيادا جازىلسىن: «4) جاۋاپتى مەملەكەتتىك قىزمەت اتقاراتىن ادامدار, مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار, ولارعا تەڭەستىرىلگەن ادامدار (قازاقستان رەسپۋبليكاسىنىڭ پرەزيدەنتتىگىنە, قازاقستان رەسپۋبليكاسى پارلامەنتىنىڭ نەمەسە ءماسليحاتتارىنىڭ دەپۋتاتتىعىنا, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدىگىنە, سونداي-اق جەرگىلىكتى ءوزىن-ءوزى باسقارۋدىڭ سايلانبالى ورگاندارىنىڭ مۇشەلىگىنە كانديداتتاردى قوسپاعاندا), لاۋازىمدى ادامدار, سونداي-اق كورسەتىلگەن فۋنكتسيالاردى ورىنداۋعا ۋاكىلەتتىك بەرىلگەن كانديداتتار بولىپ تابىلاتىن ادامدار بەرگەن, ارناۋلى مەملەكەتتىك قورعا وتەۋسىز تاپسىرۋعا جاتاتىن سىيلىقتاردى (بۇدان ءارى - سىيلىقتار);»; 24-تارماق مىناداي رەداكتسيادا جازىلسىن: «24. ۋاكىلەتتى ورگانعا تاپسىرىلعان سىيلىقتار ارناۋلى مەملەكەتتىك قوردى قۇرايدى جانە مەملەكەتتىك م ۇلىك تىزىلىمىندە ەسەپكە الىنادى. ارناۋلى مەملەكەتتىك قورداعى م ۇلىكتى وتكىزۋ «سىبايلاس جەمقورلىققا قارسى ءىس-قيمىل تۋرالى» 2015 جىلعى 18 قاراشاداعى قازاقستان رەسپۋبليكاسىنىڭ زاڭىندا كوزدەلگەن ەرەكشەلىكتەر ەسكەرىلە وتىرىپ جۇرگىزىلەدى.»; 25-تارماقتىڭ ءبىرىنشى جانە ەكىنشى بولىكتەرى مىناداي رەداكتسيادا جازىلسىن: «25. جاۋاپتى مەملەكەتتىك قىزمەت اتقاراتىن ادامدار, مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار, ولارعا تەڭەستىرىلگەن ادامدار (قازاقستان رەسپۋبليكاسىنىڭ پرەزيدەنتتىگىنە, قازاقستان رەسپۋبليكاسى پارلامەنتىنىڭ نەمەسە ءماسليحاتتارىنىڭ دەپۋتاتتىعىنا, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدىگىنە, سونداي-اق جەرگىلىكتى ءوزىن-ءوزى باسقارۋدىڭ سايلانبالى ورگاندارىنىڭ مۇشەلىگىنە كانديداتتاردى قوسپاعاندا), لاۋازىمدى ادامدار, سونداي-اق كورسەتىلگەن فۋنكتسيالاردى ورىنداۋعا ۋاكىلەتتىك بەرىلگەن كانديداتتار بولىپ تابىلاتىن ادامدار بىلمەي كەلىپ تۇسكەن سىيلىقتار, نە ولار وزدەرىنىڭ لاۋازىمدىق جاعدايىنا نەمەسە قىزمەتتىك مىندەتتەرىن اتقارۋىنا بايلانىستى العان سىيلىقتار, سونداي-اق لاۋازىمدىق جاعدايىنا بايلانىستى نەمەسە قىزمەتتىك مىندەتتەرىن اتقارۋىنا بايلانىستى مەملەكەتتىك قىزمەتشىلەرگە جاريا تۇردە نەمەسە رەسمي ءىس-شارالار كەزىندە بەرىلگەن (تاپسىرىلعان) سىيلىقتار ۋاكىلەتتى ورگانعا نەمەسە جەرگىلىكتى اتقارۋشى ورگانعا سىيلىق العان كۇننەن باستاپ كۇنتىزبەلىك جەتى كۇن ىشىندە ساتىپ الۋ نە ساتىپ الۋدان باس تارتۋ تۋرالى جازباشا حابارلامانى قوسا بەرە وتىرىپ, تىزىمدەمە اكتىسى بويىنشا تاپسىرىلادى.»; مىناداي مازمۇنداعى 26-1 جانە 26-2-تارماقتارمەن تولىقتىرىلسىن: «26-1. سىيلىقتى تاپسىرعان ادام ونى جوعارى تۇرعان لاۋازىمدى ادامنىڭ كەلىسىمىمەن ارناۋلى مەملەكەتتىك قوردان ساتىپ الۋعا قۇقىلى. 26-2. سىيلىقتى ساتىپ الۋ ۋاكىلەتتى ورگان سىيلىقتى العان ادامنان حابارلاما العان كۇننەن باستاپ كۇنتىزبەلىك جەتى كۇن ىشىندە ۋاكىلەتتى ورگان مەن سىيلىقتى العان ادام اراسىنداعى ساتىپ الۋ-ساتۋ شارتى بويىنشا جۇزەگە اسىرىلادى. تاپسىرىلعان سىيلىقتى بەرۋ «قازاقستان رەسپۋبليكاسىنداعى باعالاۋ قىزمەتى تۋرالى» 2000 جىلعى 30 قاراشاداعى قازاقستان رەسپۋبليكاسىنىڭ زاڭىنا سايكەس ايقىندالعان, ساتىپ الۋ-ساتۋ شارتىندا كورسەتىلگەن سىيلىق قۇنىن تولىق تولەگەننەن كەيىن ۋاكىلەتتى ورگان مەن سىيلىقتى تاپسىرعان ادام اراسىندا قابىلداپ الۋ-بەرۋ اكتىسىنە قول قويۋ ارقىلى جۇرگىزىلەدى.»; 27-تارماق مىناداي رەداكتسيادا جازىلسىن: «27. سىيلىقتى تاپسىرعان ادام ونى ساتىپ الۋدان جازباشا تۇردە باس تارتقاننان كەيىن عانا ۋاكىلەتتى ورگان ارناۋلى مەملەكەتتىك قوردان سىيلىقتى ءۇشىنشى تۇلعالارعا وتكىزۋگە قۇقىلى.»; 33-تارماق مىناداي رەداكتسيادا جازىلسىن: «33. سوت م ۇلىكتىڭ مەملەكەت مەنشىگىنە تۇسۋىنە نەگىز بولعان اكتىنىڭ كۇشىن جويعان ء(تيىستى بولىگىن وزگەرتكەن) جاعدايدا ۋاكىلەتتى ورگان نەمەسە جەرگىلىكتى اتقارۋشى ورگاندار م ۇلىكتى زاتتاي قايتارۋدى جۇرگىزەدى. م ۇلىك قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ساتىلعان جاع­دايدا, ونىڭ قۇنىن وتەۋ 2008 جىلعى 4 جەلتوقسانداعى قازاقستان رەسپۋبليكاسىنىڭ بيۋدجەت كودەك­سىنە سايكەس ونى وتكىزۋدەن الىنعان قاراجات شەگىندە. ءتيىستى بيۋدجەت قاراجاتى ەسەبىنەن جۇرگىزىلەدى.». 2. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.