باستى تالاپ – مەملەكەتتىك قىزمەتشىلەردىڭ كاسىبيلىگى

كەشە ەلوردادا ەلىمىز تاۋەل­سىزدىگىنىڭ 25 جىلدىعىنا ارنالعان «نۇرسۇلتان نازارباەۆتىڭ مەملە­كەتتىك ساياساتىنىڭ ءتيىمدى مودەلى» اتتى  بولىپ ءوتتى. اتالعان شارا­نىڭ مەملەكەتتىك قىزمەت ءىس­تەرى مينيسترلىگى مەن پرەزيدەنت جا­نىنداعى مەملەكەتتىك باسقارۋ اكادەمياسى بىرلەسە ۇيىمداستىردى. ءىس-شارا بارىسىندا مەملەكەتتىك قىزمەت ىستەرى ءمينيسترى تالعات دوناقوۆ ەلباسىنىڭ باسشىلى­عى­مەن قازىرگى زامان تالابىنا جا­ۋاپ بە­رە­تىندەي ءتيىمدى مەملەكەت, سو­نىڭ ىشىندە قوعامعا جانە ونىڭ ءار­بىر ءمۇ­شەسىنە قىزمەت ەتۋگە باعىتتالعان كاسىبي مەملەكەتتىك اپپارات قۇرىلعاندىعىن ەرەكشە اتادى. «فورۋمنىڭ مەملەكەتتىك باسقارۋ اكادەمياسىنىڭ زالىندا ءوتۋىنىڭ نىشاندىق ءمانى بار. ءوز كەزىندە مۇندا ەلىمىزدىڭ دامۋى مەن نىعايۋىنا قاتىستى ماڭىزدى زاڭ جوبالارى قابىلداندى», دەدى مينيستر. ت.دوناقوۆ, سونداي-اق, فورۋم جۇمىسىنا پارلامەنت سەناتىنىڭ دەپۋتاتتارى, مەملەكەتتىك ورگاندار مەن مەملەكەتتىك قىزمەت سالاسىنىڭ باسشىلارى, مەملەكەتتىك قىزمەت­شىلەر مەن ساراپشىلار قاتىسىپ وتىر­عاندىعىن دا قاپەرگە سالا كەتتى. وتى­رىسقا مودەراتورلىق ەتكەن اكا­دەميا رەكتورى بولاتبەك ءابدىراسىلوۆ ەلىمىزدىڭ تاۋەلسىز دە تابىستى بولىپ اياعىنان نىق تۇرۋى مەملەكەت باسشىسىنىڭ ەسىمىمەن تىكەلەي بايلانىستى ەكەندىگىن ەرەكشە اتادى. «ءارتۇرلى حالىقارالىق دەڭگەي­دەگى پىكىرتالاس الاڭدارىندا ەل پرەزيدەنتىنىڭ قازاقستاننىڭ جو­عارى الەمدىك ستاندارتتارعا جە­تۋىنە باعىتتالعان بەس ينستيتۋتتىق رەفور­ماسى شەڭبەرىندەگى ساياسي باستامالارى تالقىلانادى جانە جوعارى باعاسىن دا الىپ ءجۇر. سون­دىقتان دا اتالعان فورۋم مەم­­لە­كەتتىك ساياساتتىڭ ءتيىمدى مودە­­لىن قۇرعان ەلباسىنىڭ فەنو­مەنى مەن تاريحي رولىنە ارنالىپ وتىر», دەدى اكادەميا رەكتورى. قازاق­ستان تاۋەلسىزدىگى «قازاق­ستان رەس­پۋبليكاسىنىڭ مەم­لە­كەت­­تىك تاۋەل­سىزدىگى تۋرالى» كونس­تيتۋ­تسيالىق زاڭدا بەكى­تىل­گەندىگىن ءتىل­گە تيەك ەتكەن ب.ءابدى­را­سىلوۆ كەلەسى ءسوز­دى اتالعان زاڭ جوبا­سىن ءازىر­­لەۋ­شىلەردىڭ ءبىرى, قازىر مەم­لەكەتتىك باسقارۋ اكادەمياسىنىڭ پروفەسسورى زينايدا فەدوتوۆاعا بەردى. «الەمنىڭ كوپتەگەن ەلدەرىنىڭ مەملەكەتتىك قايراتكەرلەرى مەن ساراپشىلارى جانە عالىمدارى ءالى دە جاس سانالاتىن قازاقستان رەسپۋبليكاسىنىڭ شەشىمدى تۇردە تاريحتىڭ قالتارىستارىندا قالىپ قويماي, پلانەتانىڭ ەڭ تەڭگەرىمدى دامۋ جولىنا تۇسكەن ەلدەرى قاتا­رىنا بارىپ قوسىلعاندىعى تۋرالى ويلارىن جەتكىزۋدە», دەپ اتاپ كەتتى ز.فەدوتوۆا. ونىڭ ايتۋىنشا, قازاقستاننىڭ مەملەكەتتىك دامۋ تاجىريبەسى كوپتەگەن جاس مەم­لەكەتتەردىڭ دەموكراتيالىق ءور­كەن جايۋىنا ءوزىنىڭ ءتيىمدى ەكەنىن كورسەتە الادى. ال مەملەكەتتىك قىزمەت سالا­سىنداعى وڭىرلىك حاب باسقارۋشى كوميتەتىنىڭ توراعاسى ءاليحان بايمەنوۆ الەم دامۋدىڭ جاڭا كەزەڭىنە كىرگەندىگىن ەرەكشە اتادى. «مەملەكەتتەر مەن ەكونوميكالار اراسىنداعى باسەكەلەستىكتىڭ جاڭا دەڭگەيگە كوتەرىلۋى بايقالۋدا. سول سەبەپتەن دە ەلدەردىڭ باسەكەلەستىككە قابىلەتتىلىگىن انىقتاۋدا, وركەن­دەۋىندە, دامۋىندا ەرەكشە ورىن الاتىن مەملەكەتتىك قىزمەت تە جاڭا دەڭ­گەيگە كوتەرىلۋى ءتيىس», دەدى ءا.مۇحامەديا ۇلى. بۇل رەتتە, باسقارۋشى كوميتەت توراعاسىنىڭ پايىمىنشا, بۇل فاكتوردىڭ پارمەندىلىگىن مەملە­كەتتىك قىزمەتشىلەردىڭ ەڭبەك سا­پاسى انىقتايدى. «بۇگىنگى كۇنى مەم­لە­كەت باسشىسى ن.نازارباەۆتىڭ «100 ناقتى قادام» ۇلت جوسپارىنا سايكەس, قازاقستاندا وزىق زاڭدار قالىپتاستى», دەپ ءسوزىن ساباقتاعان ءا.بايمەنوۆ, ەندەشە, ولاردى جۇزەگە اسىرۋعا قارىمدى مەملەكەتتىك اپپا­رات قاجەتتىگى ويىمەن دە ءبو­لىس­تى. باسقا قاتىسۋشىلار دا ەلى­مىز­دىڭ ءارى قارايعى دامۋى ءۇشىن «قازاقستان-2050» ستراتەگياسى قابىل­دانىپ, الدىمىزعا مەملەكەت پەن حالىققا قىزمەت ىستەۋى ءتيىس كاسى­بي مەملەكەتتىك اپپارات قۇرۋ ءمىن­دەتى قويىلىپ وتىرعاندىعىنا ەرەكشە نازار اۋداردى. سوندىقتان دا مەملەكەتتىك قىزمەتشىلەردەن زاڭداردىڭ ۇستەمدىك قۇرۋى, قۇقىق­تىق مادەنيەتتىڭ ساقتالۋى مەن تازا باسەكەلەستىك تالاپ ەتىلۋدە. ءىس-شارا سوڭىنان فورۋمعا قا­تىسۋشىلارعا جاس مەملەكەتتىك قىز­مەتشىلەر وزدەرىنىڭ ەلباسىنىڭ ساياساتىن قولدايتىندىقتارىن, سونىمەن قاتار, بەس ينستيتۋتتىق رەفورما شەڭبەرىندە «100 ناقتى قادام» ۇلت جوسپارىن ساپالى دا ساتىمەن ىسكە اسىرۋ ءۇشىن كۇش-جىگەرلەرىن جۇمساۋعا دايىن ەكەندىكتەرىن ءبىلدىردى. اسقار تۇراپباي ۇلى, «ەگەمەن قازاقستان».