مەملەكەت-جەكەمەنشىك ارىپتەستىگىنىڭ الەۋەتى زور

تاياۋدا ۇلتتىق ەكونوميكا مي­نيسترلىگى «قازاقستاندىق مەم­لە­كەتتىك-جەكەشەلىك ارىپتەستىك ورتا­لىعى» اق-پەن بىرلەسىپ, ۇلتتىق ەكونوميكا ءبىرىنشى ۆيتسە-ءمينيسترى م.قۇسايىنوۆتىڭ ءتور­ا­عالىعىمەن شىعىس قازاق­ستان وبلىسىنىڭ اكىمدىگىندە «مەم­لەكەتتىك-جەكە­شە­لىك ارىپتەس­تىك تۋرالى» زاڭدى ءتۇسىندىرۋ بويىنشا وڭىرلىك سەمينار وتكىزدى. سەميناردا مەملەكەت-جەكە­­شەلىك ارىپتەستىگى ء(مجا) جۇمىستارىن ودان ءارى ۇيىمداستىرۋ, ءمجا-ءنى دا­مىتۋدىڭ جول كارتاسىن ەنگى­زۋ ماسە­لەلەرى, سونداي-اق, «مەملەكەتتىك-جەكەشەلىك ارىپتەستىك تۋرالى» زاڭدى ءتۇسىندىرۋ, ەكونوميكانىڭ بارلىق سالالارىندا ءمجا-ءنىڭ جو­بالارىن جوسپارلاۋ جانە ىسكە اسىرۋ ماسەلەلەرى تالقىلاندى. مارات قۇسايىنوۆ ءمجا بۇگىنگى تاڭدا ۇكىمەت پەن وڭىرلەر جانە بيزنەس اراسىندا ءوزارا ءتيىمدى, ۇزاق مەرزىمدى ىنتىماقتاستىقتى قۇرۋ ارقىلى الەۋمەتتىك ماڭىزدى جوبالاردى ىسكە اسىرۋدىڭ شىنايى بالاماسى ەكەندىگىن اتاپ ءوتتى. «ءمجا-ءنىڭ دامۋىن ودان ءارى جىلدامداتۋ ءۇشىن ۇكىمەتتىڭ داع­­­دا­­رىسقا قارسى جوسپارىنىڭ ايا­سىن­دا وڭىرلەردى دامىتۋ باع­دار­لامالارىنا جىلىنا كەمىندە 5 ءمجا جوباسىن ىسكە اسىرۋ ينديكاتورى قوسىلدى», دەدى ءبىرىنشى ۆيتسە-مينيستر ءوز سوزىندە. «مەملەكەتتىك-جەكەشەلىك ءارىپ­­­تەس­تىك تۋرالى» زاڭنىڭ ماق­سا­تى قو­عام­دىق يگىلىكتەر مەن كور­سەتى­لەتىن قىزمەتتەردىڭ ساپاسىن جانە قولجەتىمدىلىك دەڭگەيىن ارتتىرۋ ءۇشىن رەسۋرستاردى بىرىكتىرۋ ارقىلى قازاقستان رەسپۋبليكاسى مەن جەكە سەكتور اراسىندا ۇزاق مەرزىمدى ىنتىماقتاستىقتى قالىپ­تاستىرۋ جانە كۇشەيتۋ بولىپ تابىلادى. ءمجا تۋرالى زاڭ جەكەمەنشىك نىساندارى بار كاسىپكەرلەرگە (بالا­باقشالار, مەديتسينالىق مەكەمە­لەر جانە ت.ب.) ءمجا جوبا­لارىنا باستاما جاساۋعا جانە بالا­مالى ۇسىنىستار بولماعان جاع­دايدا, كونكۋرس وتكىزبەي تىكەلەي كەلىس­سوز­دەر جۇرگىزۋ نەگىزىندە شارت جاساۋ ءمۇم­كىندىكتەرىن بەرەدى. ءمجا تۋرالى زاڭ عيماراتتارعا, قۇرىلىستارعا اقپاراتتىق جۇيە­لەرگە تاۋارلاردى جانە كورسە­تى­لەتىن قىزمەتتەر مەن جۇمىستاردى ءداستۇرلى ساتىپ الۋدان جەكە سەك­تورعا سەرۆيستىك فۋنكتسيالاردى بەرۋ ارقىلى سەرۆيستىك مودەلگە ءوتۋ­گە ءمۇم­كىندىك بەرەدى. مەم­لەكەت­تىك قولداۋ كورسەتۋدىڭ نەگىزگى شا­راسى رەتىندە تاۋارلاردى, جۇمىس­تار مەن كورسەتىلەتىن قىزمەت­تەردى ساتىپ الۋدا ۇزاق مەرزىمدى كەپىلدەمەلەر بولادى. ءمجا تۋرالى زاڭدا جاڭا جوبا­لاردى ينۆەستيتسيالىق جانە وپەرا­تسيالىق شىعىندار وتەماقىسىن, قولجەتىمدىلىك جانە مەملەكەتتىك كەپىل ءۇشىن تولەمدى قوسا العاندا, مەملەكەتتىك قولداۋدىڭ بارلىق ارسەنالى ساقتالعان. ءمجا تۋرالى زاڭ قازاقستاندىق ءمجا ورتالىعى تاراپىنان ونىڭ بار­­لىق قاتىسۋشىلارىن تولىق قىز­­مەتتىك قول­داۋدى, ونىڭ ىشىندە زەرتتەۋلەر جۇرگىزۋ جانە ۇسىنىمدار ازىرلەۋ; جوبالارعا ساراپتاما جۇرگىزۋ; جوبالاردىڭ ىسكە اسىرىلۋىن باعالاۋ; مامانداردى وقى­تۋ; ىسكە اسىرىلۋى جوسپارلاناتىن ءمجا جوبالارىنىڭ تىزبەسىن ءجۇر­گىزۋدى قاراستىرادى. ورتالىق ءمجا جو­با­لارىن كونسۋلتاتسيالىق سۇيەمەلدەۋ بويىنشا قىزمەتتەر كورسەتەدى. ءمجا تۋرالى زاڭ قابىل­دان­عاننان باستاپ ەلىمىزدە باسەكەلەستىك ديالوگ تەتىگى ەنگىزىلە باستادى, وندا مەملەكەت جوسپارلاناتىن ءمجا جو­باسى تۋرالى جاريالايدى, ال بار­لىق مۇددەلى تۇلعالار جوبانىڭ تۇجى­رىم­داماسىن, كونكۋرستىق قۇجات­تا­مانى تالقىلاۋعا جانە ءازىر­لەۋگە قاتىسا الادى. جالپى, جاڭا زاڭ ءمجا-ءنى قول­دانۋ سالاسى بويىنشا شەكتەۋلەردى الىپ تاستاۋدى كوزدەيدى, ءمجا-گە قاتىسۋشىلاردىڭ سۋبەكتىلىك قۇرامىن كەڭەيتەدى, ءمجا جوبالارىنا باستاما جاساۋ جانە دايىنداۋدا جەكە سەكتوردىڭ ءرولىن ارت­تىرادى. «مەملەكەتتىك-جەكەشەلىك ءارىپ­تەستىك تۋرالى» زاڭ مەملەكەت پەن بيزنەس اراسىنداعى قاتىناستاردا جاڭا بەلەستەر اشادى, ۇلتتىق ەكو­نو­مي­كانىڭ بارلىق سالالارىن­دا ءمجا-ءنى قولدانۋ الەۋەتىن كەڭەي­تەدى جانە قازاقستاننىڭ جاڭا ءوسۋ مودەلىنىڭ نەگىزگى ەلە­مەنت­تەرىنىڭ ءبىرى بولىپ تابىلا الادى, دەپ اتاپ ءوتتى ۇلتتىق ەكونوميكا ءبىرىنشى ۆيتسە-­مينيسترى م.قۇسايىنوۆ. جوعارىدا اتالعان زاڭدى ءتۇ­سىن­دىرۋگە ارنالعان سەمينارلار استانا, الماتى قالالارىندا, قىزىلوردا, باتىس قازاقستان جانە اتىراۋ وبلىستارىندا دا ءوتتى. مەرەكە تاڭاتاروۆ.