جاسوركەنگە بولادى سپورت سەرىك

استانا قالاسى, الماتى اۋدانى پروكۋراتۋراسىنىڭ ۇيىمداستىرۋىمەن جاس جەتكىنشەكتەر اراسىندا سپورتقا قىزىعۋشىلىقتى وياتۋ, سالاماتتى ءومىر سالتىن ناسيحاتتاۋ باعىتىندا الماتى اۋدانى پروكۋرورىنىڭ كۋبوگى ءۇشىن ۆولەيبولدان جارىس وتكىزىلدى. الماتى اۋدانىنىڭ №63 ورتا مەكتەبىنىڭ سپورت زالى بۇل كۇنى سپورتتى سۇيەتىن ورەن­دەر مەن ولاردىڭ جانكۇيەرلەرىنىڭ قولداعان, سۇيىنگەن, كۇيىنگەن ساتتەرىن­دەگى ءۇن قوسۋلارىمەن اجارلانىپ, ۇيىمداس­تىرۋشىلاردىڭ جاسوسپىرىمدەردىڭ ويىن مانەرىنە دەگەن قىزىعۋشىلىقتارىن دا وياتقان. جاۋاپتى قىزمەتتەگى ۇلكەن اعا-اپالارىنىڭ قولداۋىمەن وتكىزىلگەن جارىسقا قاتىسقان 6 مەكتەپتىڭ دە كوماندالارى ازىرلىكپەن كەلىپتى. الماتى اۋدانىنىڭ №52, 63, 44, 29, 38, 73 مەكتەپتەرىنىڭ وقۋشىلارى كۋبوك جەڭىمپازىن انىقتاۋ ءۇشىن اجەپتاۋىر تەرلەرىن توكتى. تۇس-تۇستان قولداعان بالا داۋىستار دەم بەرگەن كوماندالار سپورتقا دەگەن ىقىلاستارىن كوپشىلىككە كورسەتە وتىرىپ, ويىنعا بار ىقىلاستارىمەن بەرىلە, ارقايسىسى ءوز مەكتەپتەرىنىڭ نامىسى ءۇشىن جانتالاسا قيمىلدادى. ارينە, جارىس بولعان سوڭ ونىڭ جەڭىم­پازى بولادى دا. ەڭ بيىك تۇعىرعا زال يەسى №63 مەكتەپ-گيمنازياسىنىڭ كومانداسى كوتەرىلىپ, ءىى ورىنعا №52 مەكتەپ-گيمنازياسى, ال ءىىى ورىنعا №44 ورتا مەكتەپ شىعىپ, جەڭىمپازداردىڭ بارلىعى الماتى اۋدانى پروكۋرورىنىڭ كۋبوگىمەن جانە سپورت مەرەكەسىنە بەلسەنە قاتىسقانى ءۇشىن العىس حاتپەن ماراپاتتالدى. اجار سەيدازىموۆا. استانا.