پۋما

وسكەمەندەگى زووباقتا امەريكالىق تاۋ ارىستانى بار وسكەمەندەگى حايۋاناتتار با­عى­نىڭ اڭ-قۇستارى قىتىمىر قىستىڭ سۋىعىنا ءازىر توڭا قويعان جوق. مۇنى جىرتقىشتاردىڭ ءتۇر-تۇلعاسىنان, سەرگەك ءجۇرىسى مەن كۇڭگىرت كۇننىڭ وزىندە جىلتىلداپ تۇراتىن تەرىسىنىڭ تۇگىنەن بايقاۋعا بولادى, دەيدى ماماندار. حايۋاناتتار باعىندا بۇ­لان, سىلەۋسىن, قابان, تاۋتەك­ە, امە­ريكالىق تاۋ ارىستانى (پۋ­ما) سياقتى سيرەك كەز­دەسەتىن تاۋ مەن دالا تاعى­لا­رىنا جاقسى جاعداي جاسال­عان. بيىل حايۋان­اتتار با­عىندا جانۋارلاردىڭ ەر­كىن قيمىلداۋى ءۇشىن تۇراق­تا­رى كەڭەيتىلگەن بولاتىن. كەلۋشىلەر قاتارى دا مول. ادامدارعا كىشكەن­تاي كوز­دەرىمەن تەسىلە قارايتىن قوس قاباننىڭ تۇلعاسىنا كا­نىگى اڭشىلاردىڭ ءوزى تاڭ­عالادى. قاباندار توراي كە­زىنەن وسىندا ءوسىپ كەلەدى. ال ساشا ەسىمدى ايۋ كۇرەكتەي الا­قانىمەن توردان ۇستاپ, تىگىنەن تۇرعاندا بويى 2,5 مەترگە جەتەدى. قوڭىر ايۋلاردىڭ جان-جاعىنداعى تىرشىلىككە ماناۋ­راي كوز سالعانىنىڭ ءوزى قىزىق. زيپا بويلى پۋماعا قاراعاندا مۇنداعى ايۋلار ۆەگەتاريان. ال وتكىر كوزدەرى جاپ-جاسىل بولىپ جاناتىن پۋما قىزىل ەتكە قۇمار-اق. وتە جىرتقىش بولعاندىقتان, باق قىزمەتكەرلەرى ونى قورەك­تەندىرگەن كەزدە ساقتىقپەن قي­مىلدايدى. 2,5 جاسقا تولعان تاۋ ارىستانىنا ۇر­عاشى جۇپ ىزدەس­تىرىلىپ جاتىر ەكەن. – پۋمانى قالامىزعا ەكى جىل بۇرىن كەلگەن تسيركتەردىڭ ءبىرى سىيلاپ ەدى. ولار جۇبىن تاۋىپ بەرۋگە دە ۋادە ەتكەن. الايدا, كەيىن ونداي ءمۇم­كىن­دىكتىڭ بولماي تۇرعانىن اي­­تىپ, حات جازدى, – دەيدى شى­عىس قازاقستان وبلىستىق ءساۋ­لەتتىك-ەت­نو­­گرافيالىق جانە تابيعي-لاند­شافت­تىق مۋزەي-قورىعىنىڭ فاۋن­ا ءبولى­مىنىڭ باستىعى زاينيتدين شام­شيەۆ. زاينيتدين شاريفيت­دين­ ۇلى كۇزدىڭ سوڭعى ايلارىن­دا حايۋاناتتار باعىندا ارنايى جەم-ءشوپ اسحاناسى سالىن­عانىن, جىرت­­قىشتارعا ارنالعان تاعام­دى ازىرلەۋدە تازا­لىق قاتاڭ ساق­­تالاتىنىن, كوك­ونىستەر دە جەتكىلىكتى ەكەندىگىن ايتتى. دۋمان اناش, «ەگەمەن قازاقستان». وسكەمەن.