كريشتيانۋ رونالدۋ 140 ملن. ەۋروعا قوناق ءۇي ساتىپ الدى

استانا. 27 قاڭتار. الەمنىڭ ەڭ ايگىلى فۋتبولشىلارىنىڭ ءبىرى, پورتۋگاليانىڭ باعىنا تۋعان ساڭلاق كريشتيانۋ رونالدۋ موناكونىڭ مونتە-كارلو قالاسىنان 140 ملن. ەۋروعا قوناق ءۇي ساتىپ الدى. بۇل تۋرالى eurosport.ru پورتالىنا سىلتەمە جاساعان egemen.kz ءتىلشىسى حابارلادى. وسىلايشا, فۋتبولشى مونتە-كارلودا قوناق ءۇي بيزنەسىمەن اينالىسۋدى كوزدەپ وتىر. بۇگىندە ول الەم بويىنشا كوپتەگەن مەيمانحانا مەن كازينولاردىڭ قوجايىنى, اتاقتى كاسىپكەر دونالد ترامپپەن جانە ونىڭ Trump Entertainment Resorts كومپانياسىمەن تىعىز بايلانىس ورناتقان. سونداي-اق, داڭقتى سپورتشىنىڭ الەمنىڭ بىرقاتار ەلىندە جۇمىس ىستەيتىن جەكە قوناق ءۇي جەلىسىن اشۋدى جوسپارلاپ جۇرگەنىن اتاپ وتكەن ءجون. ازىرگە مۇنداي كەشەندەر پورتۋگاليا مەن مادريد جانە نيۋ-يورك قالالارىندا اشىلماق. بۇل كاسىپتى رونالدۋ بۇگىندە بارشاعا بەلگىلى ءوزىنىڭ CR7 برەندىنىڭ اياسىنا بىرىكتىرەتىنىن ايتتى. ايتا كەتەيىك, فۋتبولشى وسىعان دەيىن قوناق ءۇي كاسىبىنە 37 ملن. ەۋرو قارجىسىن سالعان. ودان بولەك, ول وتكەن جىلى نيۋ-يوركتەگى «ترامپ مۇناراسى» اتتى كوپ قاباتتى كەشەننىڭ جوعارعى قاباتىنان 16,7 ملن. ەۋروعا پاتەر ساتىپ العان بولاتىن. ەلامان قوڭىر. دەرەك: eurosport.ru. سۋرەت: vesti.ru.