اتىراۋدا ەسىرتكى تاسىمالداۋشى 11 جىلعا سوتتالدى

اتىراۋ. 27 قاڭتار. اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى اسا ءىرى مولشەردە ەسىرتكى زاتىن زاڭسىز ساقتاپ, تاسىمالداۋشىنى 11 جىل مەرزىمگە باس بوستاندىعىنان ايىردى. بۇل تۋرالى اتىراۋ وبلىستىق سوتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. باس بوستاندىعىنان ايىرىلعان ادام تاراز قالاسىنىڭ تۇرعىنى بولىپ شىقتى. ول ءوزىنىڭ جەكە مەنشىگىندەگى Subaru Forester ماركالى اۆتوكولىگىن پايدالانىپ, جالپى سالماعى 15 كيلوعا جۋىق ماريحۋانا تۇرىندەگى ەسىرتكى زاتىن اتىراۋ قالاسىنا تاسىمالداعان. بىراق وڭاي ولجاعا مولىنان كەنەلمەك بولعان ويى ىسكە اسپاي, ول اتىراۋ قالاسىندا پوليتسيا قىزمەتكەرلەرىنىڭ قولىنا ءتۇستى. ەسىرتكى تاسىمالداۋشىنىڭ زاڭسىز ارەكەتىن ەگجەي-تەگجەيلى قاراعان سوت ونى قىلمىستىق كودەكستىڭ 297-بابى 3-بولىگى 3-تارماعى بويىنشا كىنالى دەپ تانۋعا ۇكىم شىعاردى. وسى ۇكىمگە سايكەس جەكە مەنشىگىندەگى مۇلكى تاركىلەنىپ, 11 جىل مەرزىمگە باس بوستاندىعىنان ايىرۋ جازاسى تاعايىندالدى. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: ridus.ru.