اقش-تاعى قارلى بوران عارىشتان سۋرەتكە ءتۇسىرىلدى

الماتى. 27 قاڭتار. حالىقارالىق عارىش ستانساسىندا (حعس) عىلىمي قىزمەتتە جۇرگەن امەريكالىق استروناۆت سكوتت كەللي اقش-تىڭ شىعىس بولىگىنە ۇرەي تۋعىزعان قارلى تسيكلوندى سۋرەتكە ءتۇسىرىپ, ءوزىنىڭ twitter الەۋمەتتىك جەلىسىندەگى جەكە پاراقشاسىنا جاريا ەتتى. بۇل تۋرالى «سينحۋا» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. قالىڭ قاردىڭ جاۋىنا بايلانىستى ەل استاناسى ۆاشينگتوندا جانە باسقا دا 11 شتاتتا توتەنشە جاعداي جاريالانعان بولاتىن. اقش-تىڭ اۆياكومپانيالارى وتكەن اپتانىڭ اياعىنان بۇگىنگە دەيىن بىرنەشە مىڭ اۋە رەيستەرىن توقتاتتى. توسىننان كەلگەن تابيعي اپاتتان 18 ادام قازا تاپتى. جەرگىلىكتى حالىق بۇل قۇبىلىستى «عاسىردىڭ قارلى داۋىلى» دەپ اتادى. سولتۇستىك اۋماقتاعى قونىستانعان ەلدى مەكەندەردىڭ تۇرعىندارىنا قارلى بوران باسىلعانشا دالاعا شىقپاۋ تۋرالى قايتا-قايتا ەسكەرتۋلەر جاسالۋدا. اپاتتى ايماقتا 200 مىڭ ءۇي ەلەكتر جارىعىنسىز قالدى. تالعات ءسۇيىنباي. دەرەك: سينحۋا. سۋرەت: NASA.