قوستانايدا قالىڭ تۇسكەن قاردان كوللەدجدىڭ شاتىرى قۇلادى

قوستاناي. 27 قاڭتار. قوستاناي قالاسىنداعى تۇرمىستىق قىزمەت كورسەتۋ كوللەدجىنىڭ شاتىرى ويىلىپ ءتۇستى. وندا وقيتىن 180 ستۋدەنت, مۇعالىمدەر سىرتقا شىعارىلدى, وقۋ توقتاتىلدى. بۇل تۋرالى ng.kz سايتىنا سىلتەمە جاساعان egemen.kz ءتىلشىسى حابارلادى. ابىروي بولعاندا, كوللەدج توبەسىنىڭ قۇلاۋىنان ەشكىم زارداپ شەككەن جوق. وعان جەدەل جەتكەن سولتۇستىك ايماقتىق اەروموبيلدىك جەدەل قۇتقارۋ وتريادى از ۋاقىتتىڭ ىشىندە توبەنىڭ قارىن كۇرەپ, اعاشتاردى, شاتىرلاردى دۇرىستاپ, اينالاعا قاۋىپسىز ەتتى. قۇتقارۋ وتريادى باستىعىنىڭ ورىنباسارى سەرگەي ءشميدتتىڭ ايتۋىنشا, شاتىر قالىڭ جاۋعان قاردى كوتەرە الماعان. ال كوللەدج ديرەكتورىنىڭ مىندەتىن اتقارۋشى سۆەتلانا يانوۆششەنكونىڭ ايتۋىنا قاراعاندا, 2007 جىلى كۇردەلى جوندەۋ جۇمىستارى جۇرگىزىلگەن, شاتىردى كوتەرىپ تۇرعان اعاشتار قالىڭ قاردان ءشىرۋى ىقتيمال. شاتىر ءۇستىن تازالاعان قۇتقارۋ وتريادى مۇشەلەرى مۇندا جاۋعان قاردىڭ قالىڭدىعى 40 سانتيمەتر بولعانىن كورسەتتى. العاشقى قاردان باستاپ شاتىر ءۇستى بىردە ءبىر تازارتىلماعان. قار قالىڭداعان سايىن شاتىر دا, اعاش تا ونىڭ سالماعىن كوتەرە الماعان. ءنازيرا جارىمبەتوۆا. دەرەك, سۋرەت: ng.kz.