قوستانايدا تاۋەلسىزدىك جىلدارى سالىنعان نىساندار كوپ

قوستاناي. 27 قاڭتار. وبلىستا تاۋەلسىزدىك جىلدارى 1300-دەن اسا دەنساۋلىق ساقتاۋ, 1700-دەن اسا ءبىلىم بەرۋ نىساندارى سالىنعان. ءباسپاسوز كلۋبىندا جۋرناليستەرمەن كەزدەسكەن وبلىس اكىمىنىڭ الەۋمەتىك ماسەلەلەەر جونىندەگى ورىنباسارى مارات جۇندىباەۆ وسىلاي دەدى. بۇل تۋرالى egemen.kz ءتىلشىسى حابارلادى. مارات قونىسباي ۇلى جۋرناليستەرگە نەگىزىنەن تاۋەلسىزدىك العان 24 جىل ىشىندە الەۋمەتتىك سالادا اتقارىلعان جۇمىستار تۋرالى اڭگىمەلەدى. ول شيرەك عاسىرعا جۋىق ۋاقىتتا وبلىستىڭ الەۋمەتتىك سالاسى سەرپىندى دامىعانىن ايتتى. مىسالى ءبىلىم سالاسىنا بيۋدجەتتەن بولىنگەن قارجى 3,4 ميلليارد تەڭگەدەن 57,3 ميلليارد تەڭگەگە دەيىن وسكەن. دەنساۋلىق, باسقا سالالاردىڭ دا قادامى وسىلاي قارىشتى. مۇنان كەيىن جۋرناليستەر سۇراقتارىنا جاۋاپ بەرگەن وبلىس اكىمىنىڭ ورىنباسارى بيىل وبلىستا تاۋەلسىزدىكتىڭ 25 جىلدىعىمەن قاتار ىبىراي ءالتىنساريننىڭ تۋعانىنا 175, وبلىستىڭ قۇرىلعانىنا 80 جىل تولۋى مەرەكەلەرى دە كەڭىنەن اتالىپ وتەتىنىن جەتكىزدى. بيىل 1916 جىلعى ۇلت-ازاتتىق كوتەرىلىسىنە دە 100 جىل تولادى. ءنازيرا جارىمبەتوۆا. دەرەك, سۋرەت: egemen.kz.