اقمولادا پارتيالىق باقىلاۋ كوميسسياسى جيىن وتكىزدى

اقمولا. 27 قاڭتار. «نۇر وتان» پارتياسى اقمولا وبلىستىق فيليالىندا پارتيالىق باقىلاۋ كوميسسياسىنىڭ وتىرىسى وتكىزىلدى. بۇل تۋرالى وبلىستىق فيليال ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى. كوميسسيا توراعاسىنىڭ ورىنباسارى الىبەك بايماعامبەتوۆ پاتيانىڭ اۋداندىق فيلياردارى جانىنداعى پارتيالىق باقىلاۋ كوميسسياسىنىڭ وتكەن جىلدا اتقارعان جۇمىستارىنىڭ قورىتىندىسى مەن الداعى مىندەتتەر جايىندا بايانداما جاسادى. كوميسسيا جىل ىشىندە كۇن تارتىبىندەگى وزەكتى 16 ماسەلە بويىنشا ءماجىلىس وتكىزسە, اۋداندىق فيليالداردىڭ وتىرىسىندا 150-دەن استام ماسەلە قارالعان. وسى مەرزىمدە پارتيالىق باقىلاۋ كوميسسيالارىنىڭ ۇسىنسىتارىمەن 29 پارتيا مۇشەسى جاۋاپكەرشىلىككە تارتىلعانى ايتىلدى. سونداي-اق, ايماقتىق پارتيالىق باقىلاۋ كوميسسياسى ازاماتتىق قوعام ينستيتۋتتارىمەن ءوزارا قارىم-قاتىناس ورناتۋ شەڭبەرىندە بىرقاتار مەملەكەتتىك جانە قۇقىق قورعاۋ ورگاندارىمەن, ۇكىمەتتىك ەمەس ۇيىمدارمەن مەموراندۋمدار قابىلدادى. جيىندا ىشكى پارتيالىق ماسەلەلەر تالقىلانىپ, ەسىل, بۋراباي, بۇلاندى, زەرەندى, جاقسى اۋداندىق فيليالدارىنىڭ جۇمىس ەسەپتەرى تىڭدالدى. بارلىق سۇراقتار بويىنشا كوميسسيا مۇشەلەرى بىرقاتار شەشىمدەر قابىلدادى. باقبەرگەن امالبەك. دەرەك, سۋرەت: egemen.kz.