اتىراۋدا قۇقىق بۇزۋشىعا 21 210 تەڭگە اكىمشىلىك ايىپپۇل سالىندى

اتىراۋ. 27 قاڭتار. اتىراۋ قالالىق مامانداندىرىلعان اكىمشىلىك سوتىندا قوعامدىق ءتارتىپتى بۇزىپ, كوشەگە تەمەكى قالدىعىن تاستاۋشىعا 21 210 تەڭگە ايىپپۇل سالىندى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قۇقىق بۇزۋشى اتىراۋ قالاسىنىڭ قۇلمانوۆ كوشەسىندە ورنالاسقان «اتىراۋ» ساۋدا ءۇيى تۇسىندا قوعامدىق ءتارتىپتى بۇزىپ, اينالاسىنداعىلارعا سىيلاماۋشىلىق بىلدىرگەن. ناقتىسىندا, ونىڭ تەمەكى قالدىعىن ارنايى جاشىككە ەمەس, جەرگە تاستاپ, ورتاق پايدالانۋ ورنىن لاستاعانى ۇساق بۇزاقىلىق رەتىندە قاراستىرىلدى. وسى ءىستى قاراعان اتىراۋ قالالىق مامانداندىرىلعان اكىمشىلىك سوتى قۇقىق بۇزۋشىنى اكىمشىلىك قۇقىق بۇزۋشىلىق تۋرالى كودەكستىڭ 434-بابىنداعى 1-بولىگىمەن كىنالى دەپ تانىعان قاۋلى شىعاردى. وعان اكىمشىلىك جازا رەتىندە 10 ايلىق ەسەپتىك كورسەتكىش مولشەرىندە, ياعني, 21 210 تەڭگە اكىمشىلىك ايىپپۇل سالىندى. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: aif.ru.