جالپىحالىقتىق بولاشاققا سەنىم

قازاق حالقىندا جاس ۇرپاقتى, قوعام مۇشەلەرىن وتانعا, حالقىنا, ەلگە, جەرگە دەگەن سۇيىسپەنشىلىككە تاربيەلەپ, مۇنى ولار­دىڭ بويىنا ءسىڭىرىپ, قالىپ­تاستىرۋ جەتەكشى ورىن الادى. ويتكەنى, وتان, حالىق, ەل, جەر دەگەن ۇعىم وتە اۋقىمدى. بۇعان شىن مانىندە ادامنىڭ بۇكىل بولمىسىنىڭ قاتىسى بار. ءوزىنىڭ بۇكىل حالىق بولىپ, مەملەكەت بولىپ قۇرىلۋ تاريحىندا تالاي تار جول, تايعاق كەشۋلەردى باسىنان كەشىرىپ, ۇنەمى شاپقىنشىلاردىڭ شابۋىلىنا توتەپ بەرۋمەن ەلدى, جەردى قورعاۋدىڭ قادىرىن ەرتە ءتۇسىنىپ, بالاسىن انا سۇتىمەن بىرگە وتانىن سۇيۋگە جانە قورعاۋعا تاربيەلەگەن. وتانسۇيگىشتىك رۋح – قازاق ەلىنىڭ الەمدىك وركەنيەتتى ەلدەر كوشىنە قوسىلىپ, دۇنيەجۇزىلىك قوعامداستىقتان لايىقتى ورىن الۋىنا مۇمكىندىك بەرەتىن بىردەن-ءبىر كۇش. سوندىقتان دا ەلباسىمىزدىڭ بەس ينستيتۋتتىق رەفورمانى جۇزەگە اسىرۋ بويىنشا «100 ناقتى قادام» – ۇلت جوسپارىنداعى ورىندالۋعا ءتيىس ماڭگىلىك ەل جالپىۇلتتىق يدەياسىنىڭ جۇزەگە اسۋىنا بارلىعىمىز اتسالىسۋىمىز كەرەك دەپ ويلايمىن. سەبەبى, ماڭگىلىك ەل يدەياسىندا بولاشاققا دەگەن جالپىحالىقتىق سەنىم انىق كورىنىس تاۋىپ وتىر. تاۋەلسىزدىكتىڭ 25 جىلعا جۋىق ۋاقىت ىشىندە قازاقستان ەلباسىمىزدىڭ سىندارلى ساياساتىنىڭ ارقاسىندا الپاۋىت ەلدەردىڭ اراسىنان ءوز ورنىن ويىپ تۇرىپ الدى. بۇل – جاسامپاز قازاقستاندىق ءپاتريوتيزمنىڭ نەگىزى. ءاربىر قازاقستاندىق ەلىم, جەرىم دەپ ەڭبەكتەنسە, ورتاق بىرتەكتىلىك پەن ەل بىرلىگىنە قول جەتكىزۋگە بولادى. ول ءۇشىن جەرگىلىكتى جەرلەردە اتقارىلىپ جاتقان جۇمىستاردا قازاقستان قوعامىن دامىتۋ ارقىلى ەلباسى تاپسىرمالارى ورىندالاتىنىن باستى نازاردا ۇستاۋ كەرەك. ياعني, ەلگە ەسەپ بەرەتىن جەرگىلىكتى اتقارۋشى ورگان بولۋى مىندەتتەلەدى. ۇلت جوسپارىندا «جەرگىلىكتى ءوزىن ءوزى باسقارۋ كوممۋنالدىق مەنشىگى» ينستيتۋتىن ەنگىزۋ ارقىلى اۋىلدىق وكرۋگتەر دەڭگەيىندە اكىمشىلىك-اۋماقتىق بىرلىكتى نىعايتۋ ماسەلەسىن شەشۋ كوزدەلگەن. ول دەگەنىمىز – ەلدى مەكەندەردە جەرگىلىكتى ءوزىن ءوزى باسقارۋدىڭ دەربەس بيۋدجەتىن ەنگىزە, قوعامدىق ماڭىزدى ماسەلەلەردى قامتيتىن جەرگىلىكتى بيۋدجەتتەردىڭ جوبالارى بويىنشا ازاماتتاردىڭ ۇسىنىستارىن قاراي وتىرىپ شەشىم قابىلداۋ. رەفورمالاردى ورىنداۋدا الدىمەن پاتريوتتىق سەزىمى كۇشتى, رۋحاني باي, ەلگە جاقىن مەملەكەتتىك قىزمەتشى قاجەت. قورىتا ايتقاندا, ءبىزدىڭ ارقايسىمىز, جالپى قازاقستاندىقتار, ۇلت جوسپارىن جۇزەگە اسىرۋعا اتسالىسۋىمىز كەرەك, ويتكەنى, ول – ءبىزدىڭ بولاشاعىمىز. جاڭاباي مۋسين, قاۋىلجىر اۋىلدىق وكرۋگىنىڭ اكىمى. اقتوبە وبلىسى, شالقار اۋدانى.