تىڭ جوبانىڭ ارتىقشىلىعى كوپ

قىزىلجار وڭىرىندە جولاۋشىلار تاسىمالدايتىن اۆتوبۋستار «Galileo» دەپ اتالاتىن سپۋتنيكتىك باقىلاۋ قۇرالدارى ارقىلى جۇمىس ىستەي باستادى. تيىمدىلىگى زور تىڭ جوبانى استانالىق «KazInterSoft» جشس ورناتتى. ەندى بۇدان بىلاي قوعامدىق كولىكتەردىڭ قوزعالىسى ناقتى ۋاقىت رەجىمىن قامتاماسىز ەتەتىن ديسپەتچەرلىك قىزمەت ارقىلى باسقارىلىپ, باقىلانادى. ايماق باسشىسى ەرىك سۇلتانوۆ «BusReport» ديسپەتچەرلىك ءجۇ­يەسىنىڭ جۇمىسىمەن تانىسىپ, ايالدامالاردىڭ بىرىندە ور­ناتىلعان «اقىلدى تابلونى» تاماشالادى. سەرىكتەستىك ديرەكتورىنىڭ ورىنباسارى سەرىك سەرعازى «Infobus. kz» سايتىنىڭ ەرەك­شەلىگىن بايانداپ, 300 اۆتوبۋس­تا «Galileo» دەپ اتالاتىن سپۋت­­نيكتىك باقىلاۋ قۇرال­دارى­نىڭ ورناتىلعانىن ءمالىم­دە­دى. مۇنىڭ ءوزى كولىك ينفرا­قۇ­رىلىمىن دامىتۋعا, قوزعالىس كەستەسىنىڭ قاتاڭ ساقتالۋىنا, جولاۋشىلار تاسىمالىن جەدەلدەتۋگە بىردەن-ءبىر سەپ. كۇن سايىن جەلىگە شىعاتىن اۆتو­بۋستاردىڭ سانى جايلى ناقتى اقپارات ۇسىنىلادى. قوعامدىق كولىكتەردىڭ باعىت-باعدارىن, ءجۇرۋ كەستەسىن عالامتور ارقىلى دا باقىلاۋعا بولادى. جوبانىڭ تاعى ءبىر ەرەكشەلىگى سول, «Infobus.kz» سايتىنىڭ باعدارلاماسىن ۇيالى تەلەفونعا دا جۇكتەي الا­تىنىندا. بۇگىنگى تاڭدا 9 مىڭ تۇرعىن باعدارلامانىڭ كومە­گىنە جۇگىنگەن. وبلىستىق اۆتوكولىك وداعى قاۋىمداستىعىنىڭ ءتورايىمى گالينا سەمەنوۆا جولاۋشى تا­سى­مالداۋشىلار بۇل جوبانى ءبىراۋىزدان قولداپ, سەرىك­تەستىكپەن كەلىسىمشارتقا وتىر­عانىن جەتكىزدى. ەرىك حامزا ۇلى سپورت سارايى ايالداماسىندا ورناتىلعان ەلەكتروندى تابلونىڭ جۇمىسىمەن تانىستى. پەتروپاۆل قالاسىندا مۇنداي قوندىرعىلاردىڭ سانى ازىرگە ۇشەۋ. جارىقديودتى ەك­ران ارقىلى اۆتوبۋستىڭ قوز­­عالىس كەستەسى مەن قانشا ۋاقىتتان كەيىن كەلەتىنىن, اۋا­نىڭ تەمپەراتۋراسىن دا بىلۋگە بولادى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.