قىزىلوردا وبلىسىندا مال ۇرىلارى ۇستالدى

قىزىلوردا. 26 قاڭتار. قىزىلوردا وبلىسىندا مال ۇرىلارى ۇستالدى. بۇل تۋرالى egemen.kz حابارلادى. 24 قاڭتارىندا ساعات 23.45 شاماسىندا رەيدتىك جۇمىستار بارىسىندا سىرداريا اۋداندىق ىشكى ىستەر ءبولىمىنىڭ ۋچاسكەلىك پوليتسيا ينسپەكتورلارى ايدارلى جانە امانگەلدى اۋىلدارىنىڭ اراسىندا وتەتىن تاس جول بويىندا كۇمان تۋدىرارلىق گاز 3302-288 ماركالى اۆتوكولىگىن توقتاتادى. ءتارتىپ ساقشىلارى اۆتوكولىكتى قاراعان كەزدە كولىكتىڭ جۇك سالعىشىنان 1 باس سيىر مالى مەن باسپاق انىقتالادى. تەكسەرۋ جۇمىستارى كەزىندە اتالعان مالدار «قاراقۇم» جەر ۋچاسكەسىندە جايىلىپ جۇرگەن جەرىنەن قولدى بولعاندىعى بەلگىلى بولدى. اتالعان دەرەك بويىنشا, قازاقستان رەسپۋبليكاسىنىڭ قىلمىستىق كودەكسىنىڭ 188-بابى, 2-بولىگى, 1-تارماعى نەگىزىندە قىلمىستىق ءىس قوزعالدى. سوتقا دەيىنگى تەرگەپ-تەكسەرۋ امالدارى جۇرگىزىلۋدە. مال ۇرلىعى قىلمىسىنا كۇدىكتى رەتىندە ۇستالعان 23 جانە 25 جاستاعى اۋدان تۇرعىندارى سىرداريا ءاىىب-ءنىڭ ۋاقىتشا ۇستاۋ يزولياتورىنا قاماققا الىندى. ولاردىڭ باسقا دا قىلمىستارعا قاتىستىلىعىن انىقتاۋ ماقساتىندا ءتيىستى جۇمىستار جاسالۋدا. ەرجان بايتىلەس. دەرەك, سۋرەت: egemen.kz