فرانتسيانىڭ ايگىلى ايەل جازۋشىسى قايتىس بولدى

استانا. 21 قاڭتار. فرانتسيانىڭ ايگىلى جازۋشىسى, گونكۋر اكادەمياسىنىڭ بۇرىنعى پرەزيدەنتى ەدموندا شارل-رۋ 95 جاسىندا قايتىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. «ەدموندا شارل-رۋ وتكەن سارسەنبى كۇنى, 20 قاڭتاردا, مارسەل قالاسىندا قايتىس بولدى», – دەپ اكادەميانىڭ حاتشىسى ماري دابادي Twitter الەۋمەتتىك جەلىسىندە مالىمدەدى. ادەبيەتشى جانە جۋرناليست بولعان جازۋشى ونداعان كىتاپتىڭ اۆتورى اتانعان. ال العاشقى جازعان Dimenticare Palermo رومانى الەمنىڭ 27 تىلىنە اۋدارىلىپ, وسى كىتابىنىڭ ارقاسىندا 1966 جىلى گونكۋر سىيلىعىنىڭ جەڭىمپازى اتاندى. 1983 جىلدان ءومىرىنىڭ سوڭىنا دەيىن گونكۋر اكادەمياسىنىڭ مۇشەسى بولدى. ال 2002 جىلدان 2014 جىلعا دەيىن وسى ۇيىمدى باسقارىپ كەلدى. ەدموندا شارل-رۋ ادەبي شىعارماشىلىعىن جۋرناليستيكامەن قاتار الىپ ءجۇردى. ءاربىر جىلدارى فرانتسيانىڭ «ەل» (Elle), «ۆوگ» (Vogue) سىندى جۋرنالدارىندا قىزمەت ەتكەن. ال سوڭعى باسىلىمدا باس رەداكتورلىق مىندەتىن اتقاردى. جاسى كەلگەنىنە قاراماستان ادەبيەت سالاسىندا قىزمەت ەتۋىن توقتاتپادى. ءومىرىنىڭ سوڭعى جىلدارى رەسەي جەرىنەن شىققان فرانتسۋز گەنەرالى زينوۆي پەشكوۆتىڭ ءومىرى جايلى كىتاپ جازعان. وكىنىشكە وراي, شىعارما اياقسىز قالدى. ايان ءابدۋالي. دەرەك: تاسس. سۋرەت: tvkultura.ru.