باتىس قازاقستاندا كپو حاندىقتىڭ 550 جىلدىعىنا 100 ملن. تەڭگە ءبولدى

ورال. 21 قاڭتار. باتىس قازاقستان وبلىسىندا قازاق حاندىعىنىڭ 550 جىلدىعىن تويلاۋىنا وراي كپو ب.ۆ. كومپانياسى 100 ملن. تەڭگە ءبولدى. بۇل تۋرالى egemen.kz ءتىلشىسى حابارلادى. كومپانيانىڭ باس ديرەكتورى رەناتو ءماروليدىڭ مالىمدەۋىنشە, سوڭعى ەكى جىلدا كپو ب.ۆ. وبلىس كولەمىندە 7 الەۋمەتتىك جوباعا 3 ملرد. 706 ملن. تەڭگە بولگەن. قادىر مىرزا ءالى شىعارماشىلىق ءۇي كەشەنىنە – 990 ملن. تەڭگە, ورال قالاسىنىڭ سارايشىق, سىرىم دات ۇلى اۆتوجولدارىن جوندەۋگە 1 ملرد. تەڭگەدەن استام قارجى بولىنسە, حامزا ەسەنجانوۆ اتىنداعى كوشەدەن باستاپ دەركول ەلدى مەكەنىنە دەيىنگى جولعا 1 ملرد. 18 ملن. تەڭگە اقشا جۇمسالعان. رەناتو ماروليدىڭ اقپاراتتارىنا سۇيەنسەك, وسى جەر قويناۋىن پايدالانۋشىنى الەۋمەتتىك ينۆەستيتسيالارى شەڭبەرىندە جانىبەك اۋىلىندا 290 ورىندىق بالاباقشا, ورال قالالىق دەمالىس ساياباعىندا جاياۋ جۇرگىنشىلەرگە ارنالعان كوپىر قۇرىلىسىنا – 31 ملن. تەڭگە, وعان قوسا قازاق حاندىعىنىڭ 550 جىلدىعىن تويلاۋعا 100 ملن. تەڭگە بولىنگەنىن جەتكىزدى. جەر قويناۋىن پايدالانىلىپ جاتقان ءبورلى اۋدانىن الاتىن بولساق, جوعارىدا اتاپ وتكەن كپو ب.ۆ. الەۋمەتتىك ينۆەستيتسيالارى قارجىسىنا 2014-2015 جىلدارى 146 ملن. تەڭگەگە جاڭاتالاپ اۋىلىندا سۋ قۇبىرى وتكىزىلدى. سونىمەن قاتار, كونەچنايا مەن وكتيابرسكايا اۋىلدارىندا 390 ملن. تەڭگەگە كوشەلەر اباتتاندىرىلعان. ءبورلى اۋداندىق اۋرۋحاناسىن كۇردەلى جوندەۋدەن وتكىزۋگە – 741 ملن. تەڭگە جانە قاناي اۋىلدىق سۋ قۇبىرىن قايتا قالپىنا كەلتىرۋگە 151 ملن. تەڭگە كولەمىندە قارجى بولىنگەن. تەمىر قۇسايىن. دەرەك, سۋرەت: egemen.kz.