ەنەرگەتيكا ۆيتسە-ءمينيسترى ۇزاقباي قارابالين زەينەتكەرلىككە شىقتى

استانا. 21 قاڭتار. زەينەتكەرلىك جاسىنا جەتۋىنە بايلانىستى ەنەرگەتيكا ۆيتسە-ءمينيسترى ۇزاقباي قارابالين قىزمەتىنەن بوساتىلدى. وسى تۋرالى قاۋلىعا قازاقستان رەسپۋبليكاسىنىڭ  پرەمەر-ءمينيسترى 19 قاڭتاردا قول قويدى. بۇل تۋرالى ۆەدومستۆونىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. بۇگىن ەنەرگەتيكا مينيسترلىگىندە ۇزاقباي سۇلەيمەن ۇلىن قۇرمەتتى دەمالىسقا شىعارىپ سالۋعا وراي سالتاناتاتتى جيىن ءوتتى. وعان مينيسترلىك باسشىلارى مەن قىزمەتكەرلەرى قاتىستى. جيىندا ۇزاقباي قارابالين بارشا ارىپتەسىنە بىرلەسىپ اتقارعان جۇمىستارى ءۇشىن العىس ايتىپ, الداعى ۋاقىتتاعى ەڭبەكتەرىنە تابىس تىلەدى. سونداي-اق, ول «مينيسترلىكتىڭ الدىندا ناقتى ءارى اۋقىمدى ماقساتتار تۇر. ۆەدومستۆو قىزمەتكەرلەرى ول ىستەردى جاۋاپكەرشىلىكپەن اتقاراتىندارىنا سەنىمدىمىن», – دەدى. ۇزاقباي قارابالين 1947 جىلى 14 قازاندا اتىراۋ وبلىسى ەمبى اۋدانى قوسشاعىل كەنتىندە تۋعان. 1970 جىلى ي.م.گۋبكين اتىنداعى ماسكەۋ مۇناي-حيميا جانە گاز ونەركاسىبى ينستيتۋتىن «مۇناي مەن گاز كەنىشتەرىن يگەرۋدىڭ كەشەندى مەحانيزاتسياسى جانە تەحنولوگياسى» ماماندىعى بويىنشا ءبىتىردى. ءار جىلداردا بىرقاتار لاۋازىمدى قىزمەتتەردى ابىرويمەن اتقارعان ول 2014 جىلدىڭ تامىز ايىندا ەنەرگەتيكا ۆيتسە-ءمينيسترى بولىپ تاعايىندالعان بولاتىن. ەلامان قوڭىر. دەرەك, سۋرەت: ەنەرگەتيكا مينيسترلىگىنىڭ ءباسپاسوز قىزمەتى.