پاۆلودار. 21 قاڭتار. بۇعان ەۋرازيالىق توپ (ERG) قۇرامىنا كىرەتىن «ەۋروازياتتىق ەنەرگەتيكالىق كورپوراتسياسى» اق ەلەكتر ستانساسى 266 ميلليون تەڭگەدەن استام قارجى جۇمسادى. بۇل تۋرالى ستانسانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تەپلوۆوزدار ەلەكتر ستانسا اۋماعىنداعى مانەۆرلىك جۇك تاسىمالداۋدا قولدانىلادى. ستانساداعى تەم-18 دم مانەۆرلىك جاڭا تەپلوۆوز 1973 جىلعى №1535 تەم-2 تەپلوۆوزىن الماستىردى. جاڭا تەحنيكانىڭ ماشينيستكە ارنالعان كابيناسى كەڭ. ۇنەمدىلىگى جوعارى ديزەلدىك گەنەراتور, باسقارۋ پۋلتىنە اقپاراتتى جىبەرەتىن, جازىلاتىن اپپاراتتىق-باعدارلاماسى بار «بورت» كەشەنى ورناتىلعان. لوكوموتيۆتىڭ قوسالقى ەلەكترلىك توقتاتقىش, ءورت دابىلى بار. جۇيە جۇمىسى ديسپلەيدەن كورىنەدى. ەلەكترونيكا. كابينادا ميكروكليمات جۇيەسى, تۇرمىستىق توڭازىتقىش, ەلەكتر پليتاسى قوسىلعان.
«ورناتىلعان قۇرىلعىلار جانارمايدى ۇنەمدەيدى. لوكوموتيۆتى جوندەۋ جانە تەحنيكالىق قىزمەت كورسەتۋ شىعىندارىن ازايتادى. جاڭاشىلدىقتار لوكوموتيۆ بريگاداسىنىڭ جۇمىسىن جاقسارتتى», – دەيدى وتىن-كولىكتىك تسەحىنىڭ باسشىسى ا. چۋيانوۆ.
ماشينيست ا. ميلانتەۆ جاڭا تەپلوۆوزدى باسقارۋعا وتىردى. ستانسادا «بريانسك ماشينا جاساۋ زاۋىتى» باسقارۋ كومپانياسى» اكتسيونەرلىك قوعامىنىڭ تەم-2 جانە ەكى تەم-18 تەپلوۆوزدارى جۇمىس جاسايدى.
«ەۋروازياتتىق ەنەرگەتيكالىق كورپوراتسياسى» اكتسيونەرلىك قوعامى وڭىردەگى اقسۋ قالاسىندا ورنالاسقان. ەلىمىزدە وندىرىلەتىن ەلەكتر ەنەرگياسىنىڭ 17 پايىزىن,كومىردىڭ 20پايىزىن وندىرەدى. كورپرواتسيا ەكىباستۇزداعى «شىعىس» كومىر كەنىشى جانە اقسۋ ەلەكتر ستانساسىن قۇرايدى. الىپ كاسىپورىندا 6 222 ادام ەڭبەك ەتۋدە.
فاريدا بىقاي.
دەرەك, سۋرەت: egemen.kz.
