اقتاۋدا شوقىنۋ مەرەكەسى كەزىندە ءبىر ادام تەڭىزگە باتىپ كەتتى

اقتاۋ. 21 قاڭتار. اقتاۋدا شوقىنۋ مەرەكەسى كەزىندە ءبىر ادام تەڭىزگە باتىپ كەتتى. بۇل تۋرالى nur.kz سايتىنا سىلتەمە جاساعان egemen.kz ءتىلشىسى حابارلادى. شوقىنۋ كەزىندە قاتتى تولقىندانىپ تۇرعان كاسپيگە سۇڭگىپ شىقپاق بولعان 25 جاستاعى ازامات سۋعا تۇنشىعىپ مەرت بولدى. ول تەڭىزگە تۇسۋگە رۇقسات ەتىلمەيتىن قۇزدان سەكىرگەن. ەكپىنى قاتتى تولقىن كەسىرىنەن جارتاسقا بىرنەشە رەت سوعىلىپ ەسىنەن تانعان جىگىتتى سۋ كەرى تارتىپ اكەتكەن. جاعالاۋداعى تۋىستارى كومەكتەسىپ ۇلگەرە الماي قالىپتى. كەيىنىرەك كەلگەن قۇتقارۋشىلار ىزدەۋدى توقتاتپاعانىمەن, ونىڭ ءمايىتىن تابا الار ەمەس. بىراق, تەك تەڭىز بەتىن جاعالاۋدان دۇربىمەن باقىلاعاننان باسقا امال جوق, ويتكەنى قاتتى داۋىل سۇڭگۋىرلەردىڭ سۋ استىنا تۇسۋىنە مۇرشا بەرمەي تۇر. «بارلىق تەحنيكامىز, كيىمدەرىمىز دايىن. بىراق مىناداي اۋا رايىنا بايلانىستى تەڭىزگە شىعا الماي وتىرمىز. تولقىن ءبىر بالدان جوعارى بولعاندا بىزگە تەڭىزگە تۇسۋگە بولمايدى. ءوز ومىرىمىزگە قاۋىپتى. قازىر تولقىن 3-4 بالدىڭ شاماسىندا», – دەيدى قۇتقارۋشى ە.ەسبوسىنوۆ. گۇلايىم شىنتەمىرقىزى. دەرەك: egemen.kz. سۋرەت: iz.com.ua.