قارداعى ءىز

جوعالعان ادام تابىلدى. اۋىل اكىمدىگىنىڭ تەز ارادا شەشىم الىپ, شۇعىل ىزدەستىرۋ جۇمىسىن قولعا الۋى ناتيجەسىندە قيىن جاعدايعا جول بەرىلمەدى. شولاقاڭقاتى اۋىلدىق وكرۋ­گىندە وقىس وقيعا ورىن الدى. ياع­ني, ناقتىسىن ايتار بولساق, قاڭ­تار ايىنىڭ 15-ءى كۇنى كەشكىلىك اڭقاتى ەلدى مەكەنىنىڭ تۇرعىنى, 1956 جىلى تۋعان ازامات, ەكىنشى توپتاعى مۇگەدەك, جۇيكەسى اۋىراتىن ۆا­لەري ەۆگەنەۆيچ نيكولاەۆ ۇيىنەن شىعىپ كەتكەننەن قايتىپ ورالماعان. بۇل حابار اۋىلدىق وكرۋگتىڭ قىزمەت­كەرلەرىنىڭ قۇلاعىنا كەش­كىلىك ساعات 18:30 شاماسىندا كەلىپ جەتتى. حابارعا ابدەن قانىعىپ العان شولاقاڭ­قاتى اۋىلدىق وك­رۋگىنىڭ اكىمى تەمىر ايت­قا­ليەۆ اكىمدىكتىڭ باس مامانى ماق­سوت جيەن­عاليەۆتى قۇراماعا قوسىپ الىپ, جوعالعان ادامدى ىزدەستىرۋ جۇمىستارىنا كىرىسىپ كەتتى. ايتا كەتۋ كەرەك, اكىمدىكتىڭ باس مامانى ماقسوت جيەنعاليەۆتىڭ بۇل ىزدەستىرۋ جۇمى­سىنا جوعالعان ادام ۆ.نيكولاەۆتىڭ زايىبى ۆەرا يۆانوۆنا مەن اۋىل تۇر­عىنى تاتيانا ۆولوگينانى قوسىپ العاندىعى ابدەن ءجون بول­عان سىڭايلى. ويتكەنى, سەن­بىنىڭ ەرتەڭگىلىك ىزدەستىرۋ كەزىندە جو­عالعان ادامنىڭ زايىبى ۆەرا يۆانوۆنا كۇيەۋىنىڭ اياق كيى­مىنىڭ ىزدەرىن تانىپ, ءتۇسىپ قالعان قولعابىنىڭ دا كۇيەۋىنە تيەسىلى ەكەندىگىن دالەلدەپ, بۇل جۇمىس ءتۇيىنىنىڭ شەشىلۋىنە دە كوپ كومەگىن تيگىزە ءبىلدى. ءسويتىپ, جۇيكە اۋرۋىنا شال­دىققان اۋىل تۇرعىنى ۆ.ني­كولاەۆ 16 قاڭتار كۇنى ءتۇس كەزىندە شولاقاڭقاتى وزەنى بويىنان, اۋىلدان 6 شاقىرىم جەردەن امان-ەسەن تابىلدى. جۇيكە اۋرۋىنا ابدەن شىر­مالعان مۇگە­دەك جاندى اۋىلعا, وتباسىنا جەتكىزۋدە اۋىل تۇرعىنى اسقار حاسانوۆ تا ءوزىنىڭ قاردا ءجۇ­رەتىن موتورلى شاناسىمەن تەز كەلىپ, كومەك قولىن سوزا ءبىلدى.  مۇسىربەك ايتاشەۆ.  باتىس قازاقستان وبلىسى, سىرىم اۋدانى.