باستى نازاردا – ماماندىق

ەلباسى نۇرسۇلتان نازارباەۆتىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» جولداۋى مەن «ۇلت جوسپارى – قازاق­ستاندىق ارمانعا باستايتىن جول» اتتى باعدارلامالىق ماقالا­سىندا ءبىلىم الۋ مەن ماماندىق مەڭگەرۋگە باستى نازار اۋدارىلعان. ءبىزدىڭ كولىك جانە كوممۋنيكاتسيا كوللەدجىندە ەلباسىنىڭ جولداۋى مەن ماقالاسى قىزۋ تالقىعا سالىندى. ولاردا ايتىلعان باسىمدىقتار مەن تاپسىرمالار, جاڭا باستامالار وقىتۋشىلار مەن شاكىرتتەر اراسىندا ءتۇسىندىرىلدى. اتالعان ماڭىزدى قۇجاتتاردا ءبىلىم بەرۋ مەن ماماندىق يگەرۋ ماسەلەلەرىنىڭ باستى نازاردا ۇستالۋىنىڭ بولاشاققا باعىت بەرەر ءمانى زور. وسى سوزىمىزگە دالەل رەتىندە 2017 جىلدان باستاپ «جالپىعا بىردەي تەگىن كاسىپتىك-تەحنيكالىق ءبىلىم» جاڭا جوباسىن ايتا كەتۋ ابزال. مۇندا ەلبا­سى­مىز باس­تاپقى مامان­دىقتى يگە­رەم دەۋشى­لەردى تەگىن وقىتۋ ماسە­لەسىنە توقتالدى. مەم­­لەكەت بۇل ءۇشىن قار­جى ءبو­لەدى. ونىڭ قايتا­رى­مى بولاتىنى دا ءسوز­سىز. ول دەگەنىمىز نە؟ وسىدان باستاپ, مەكتەپ بىتىرگەن جانە جوعارى وقۋ ورىندارىنا تۇسە الماعان تۇلەكتەر ەلىمىزدەگى جۇمىس­سىزدار سانىن ارتتىرا بەر­مەي, تەگىن تۇردە ءبىر جۇمىسشى مامان­دىعىن الىپ, وزىنە ناپاقا تاۋىپ, ەلى­مىزدىڭ ەكونوميكاسى مەن الەۋ­مەت­تىك حال-احۋالىن دامىتۋعا ءوز ۇلە­سىن قوسادى. بۇل ماسەلە جۋىردا استانا قالاسى اكىمدىگىندە بولعان جينالىستا دا اي­تىل­دى. وندا قالا اكىمى ادىلبەك جاقسى­بەكوۆ جۇمىس ورىندارىن قۇرۋدى قالا اكىمدىگىنىڭ ستراتەگيالىق مىندەتى رەتىندە بەلگىلەدى. ەلوردالىق جۇمىسپەن قامتۋ ورتالىعى حالىقتى, اسىرەسە, جاستاردى جۇمىسپەن قامتۋ جانە قاي­تا وقىتۋ بويىنشا ۇلكەن جۇ­مىس اتقارۋدا. كادرلاردى دايار­لاۋداعى ماڭىزدى باعىت­تاردىڭ ءبىرى تەحنيكالىق جانە كاسىپتىك ءبىلىم بەرۋدى دامىتۋ بولىپ تابىلادى. الداعى ۋاقىتتا تەحنيكالىق كادر­لاردى دا­يىن­داۋ بويىنشا وزىق ورتالىق قۇرۋ ماسەلەسى قاراس­تىرىل­ماق. كەلەر جىل­دىڭ قاڭتار ايىنان باس­تاپ استانادا جو­عا­ر­عى سىنىپ وقۋشىلارىن كاسىپ­تىك دايارلاۋدى ۇيىمداستى­رۋعا باعىتتالعان جوبا ىسكە قوسىلادى. ايتا كەتەر ءجايت, كوللەدجدە 100-دەن استام ءتۇرلى سانات­تاعى مۇعالىمدەر بار. ەكى جارىم مىڭنان استام ستۋدەنت 14 ما­مان­دىق بويىنشا ءبىلىم الۋدا. ءبىز­دىڭ ۇستازدار ءبىلىم ساپاسىن جە­تىلدىرۋ, ستۋدەنتتەردى بولا­شاقتا تاجىريبەلى مامان ەتىپ شى­عارۋ ءۇشىن كوپتەگەن جۇمىس­تار اتقا­رۋدا. وسى ماقساتتا دۋال­دى وقى­تۋ جۇيەسى ەنگىزىلدى. بۇل – دايىن­­دىقتىڭ تەوريالىق بولىگى ءبىلىم بەرۋ ۇيىمدا­رىنىڭ بازاسىندا, ال پراكتيكالىق ءبو­لىگى جۇمىس ورىندارىندا وتەتىن وقۋ ءتۇرى. سونداي-اق, ستۋدەنتتەرگە قىزمەتتىڭ قاي­ناعان ورتاسىندا جۇرگەن تەمىرجول سالاسىنىڭ جۇمىسكەرلەرى دارىستەر وقىپ, تاجىريبەلەرىمەن بولىسەدى. تەوريالىق بىلىمدەرىن تاجىريبەدە بەكىتەدى. استانالىق مۇعالىمدەردىڭ زور قول­داۋىنا يە بولعان تاعى ءبىر قۋانىشتى حابار, ەلباسىمىزدىڭ «جاڭا جىلدان باس­تاپ بيۋدجەت قىزمەتكەرلەرىنىڭ جالا­قىسى, الەۋمەتتىك جاردەماقى مەن شاكىرت­اقى ورتاشا العاندا 30 پايىزعا دەيىن كوبەيەدى. وسىنىڭ بارلىعى حالىق­تىڭ بولاشاققا سەنىمىن ارتتىرادى, الاڭ­سىز ءومىر سۇرۋىنە تولىق نەگىز بولا­دى», دەگەن ءسوزى. وسى باستاماسىمەن ەلباسىمىز رەس­پۋبليكا مۇعالىمدەرى مەن شاكىرتتەرىنىڭ جاعدايىنان حاباردار ەكەندىگىن, ولار­عا جاعداي جاساۋدىڭ اسا قاجەت ەكە­نىن بارشاعا پاش ەتكەندەي. ءبىز ءوز كەزە­گىمىزدە ەلباسىنىڭ الدىمىزعا قويعان مىندەتتەرىن ورىنداۋعا بارلىق كۇش-جىگەرىمىزدى سالاتىنىمىزعا سەندىرگى­مىز كەلەدى. ەلىمىزدىڭ بولاشاعى بولاتىن ­جاستار تاربيەلەۋدە قۇلشىنا ەڭبەك ­ ەتە بەرەتىن بولامىز. قازاقستان حالقى ەشكىمنەن كەم ەمەس, كەرىسىنشە, بىرقاتار ەلدەردەن ءبىلىمى, ءىلىمى جاعىنان الدا تۇر. وسى ۇردىستەن شىعا بىلەيىك. توتى ابدىكارىموۆا, كولىك جانە كوممۋنيكاتسيا كوللەدجى ديرەكتورىنىڭ وقۋ ءىسى جونىندەگى ورىنباسارى. استانا.