قىزىلوردادا جەرگىلىكتى پوليتسيا قىزمەتىنىڭ باستىعى تاعايىندالدى

استانا. 9 قاڭتار. قىزىلوردا وبلىسى اكىمىنىڭ 2016 جىلعى 5 قاڭتارداعى وكىمىمەن وبلىستىق ىشكى ىستەر دەپارتامەنتى جەرگىلىكتى پوليتسيا قىزمەتىنىڭ باستىعى بولىپ قوبلاندين قاليجان جەڭىسبەك ۇلى تاعايىندالدى. بۇل تۋرالى kyzylorda-news.kz حابارلادى. قاليجان قوبلاندين 1980 جىلى قىزىلوردا وبلىسى, سىرداريا اۋدانىندا تۋعان. ول 2001 جىلى م.ح. دۋلاتي اتىنداعى تاراز مەملەكەتتىك ۋنيۆەرسيتەتىن جانە 2006 جىلى رەسەي ىشكى ىستەر مينيسترلىگىنىڭ اكادەمياسىن بىتىرگەن. ماماندىعى – زاڭگەر. ەڭبەك جولىن 2002 جىلى باتىس قازاقستان وبلىسى ىشكى ىستەر باسقارماسىنىڭ ەكونوميكالىق قاۋىپسىزدىك ءبولىمىنىڭ جەدەل ۋاكىلى رەتىندە باستاعان. 2010-2014 جىلدارى ماڭعىستاۋ وبلىسى تۇپقاراعان اۋدانى ىشكى ىستەر ءبولىمىنىڭ باستىعى, كولىكتەگى ىشكى ىستەر دەپارتامەنتىنىڭ اكىمشىلىك پوليتسيا باسقارماسىنىڭ جەلىلىك پوليتسيا پۋنكتتەرىنە باسشىلىق ەتۋ ءبولىمىنىڭ باستىعى قىزمەتتەرىن ابىرويلى اتقارعان. سونداي-اق, ول 2014 جىلدان وسى كەزگە دەيىن جالاعاش اۋداندىق ىشكى ىستەر ءبولىمىنىڭ باستىعى لاۋازىمىندا قىزمەت ەتكەن. تالعات رايىمبەك. دەرەك, سۋرەت: kyzylorda-news.kz.