وڭتۇستىككە شەتەل ينۆەستورلارى قارجى سالۋعا نيەتتى

الدىنا قويعان ماقساتى اي­قىن ەمەس مەملەكەت زامانانىڭ سوققان جەلىمەن ايدىندا ەسكەكسىز قالتىلداعان قايىقتىڭ كۇيىن كە­شەدى. وعان بۇگىنگى داعدارىس جاع­دايىندا مىسال كوپ. ال قازاقستان – ماقسات-ءمۇد­دەسى ايقىن, دامۋ جولدارى كەزەڭ-كەزەڭىمەن ۇلت جوسپارىندا تۇزىلگەن, الەمدەگى وزىق وتىز ەلدىڭ قاتارىنا قوسىلۋعا دا ارەكەت جاساپ جاتقان مەملەكەت. ەلباسى «ۇلت جوسپارى – قازاقستاندىق ارمانعا باستايتىن جول» ماقالاسىندا وسىنىڭ ءبارىن تالداپ, الداعى ىسكە اساتىن جۇمىستاردى كورسەتىپ بەردى. قازىر ەلىمىزدە «5 ينستيتۋتتىق رەفورمانى جۇزەگە اسىرۋ بويىنشا «100 ناقتى قادام» باع­دارلاماسىمەن اۋقىمدى جۇمىستار ءجۇرىپ جاتىر. وبلىس ورتالىقتارى جاڭا قازاقستاندىق ارمانعا جەتۋ جولىندا جەمىستى جۇمىس جۇرگىزۋدە. ماسەلەن, 2015 جىلدىڭ 11 ايىندا 593 ملرد. تەڭگەنىڭ ونەركاسىپ ءونىمى ءوندىرىلىپ, ول 2014 جىلدىڭ وسى كەزەڭىمەن سالىستىرعاندا 52 ملرد. تەڭگەگە ارتقان. بۇل كورسەتكىش بويىنشا ءبىزدىڭ ءوڭىر رەس­پۋبليكادا بەسىنشى ورىنعا يە. ال وڭدەۋ ونەركاسىبىندە 373,2 ملرد. تەڭگەنىڭ ءونىمى ءوندىرىلىپ, نەگىزگى كاپيتالعا باعىتتالعان ينۆەستيتسيالار كولەمى 353,7 ملرد.تەڭگەنى قۇراعان. 2015 جىلى «اگروبيزنەس – 2020», «نۇرلى جول» باعدار­لا­ما­لارى شەڭبەرىندە وبلىستىق جانە جەرگىلىكتى بيۋدجەتتەن 22 باعدارلاما بويىنشا 28,5 ملرد. تەڭگە ءبولىنىپ, ول 2014 جىلمەن سالىستىرعاندا 1,2 ەسەگە ارتقان. وسى بولىنگەن قولداۋ قارجىلارى مەن جۇيەلى جۇمىستاردىڭ ارقاسىندا اۋىل شارۋاشىلىعىنىڭ ەگىس كولەمى 772,5 مىڭ گا ۇلعايعان. ال, رەسپۋب­ليكادا جىلىجايلار ۇلەسىنىڭ 87 پايىزىن قۇرايتىن وڭىرىمىزدە جىلىجاي كولەمى 1023 گەكتارعا جەتىپ, مۇنداعى جىل سايىنعى وندىرىلگەن كوكونىس كولەمى 150-180 مىڭ توننانى قۇرايدى. سونىمەن قاتار, مال شارۋاشىلىعى سالاسىندا «ءىرى قارا مال ەكسپورتىنىڭ الەۋەتىن دامىتۋ» بويىنشا «سىباعا» باعدارلاماسىمەن 20,7 مىڭ باس انالىق, «التىن اسىق» باعدارلاماسى بويىنشا 47,7 مىڭ باس ۇساق مال الىنسا, «قۇلان» باعدارلاماسى اياسىندا جىل باسىنان بەرى 3894 باس جىلقى الىنىپ, كوزدەلگەن مەجە ارتىعىمەن ورىندالعان. ەلباسىنىڭ باستاماسىمەن وسىدان التى جىل بۇرىن قولعا الىنعان ۇدەمەلى يندۋستريالىق-يننوۆاتسيالىق دامۋ باعدارلاماسى بۇگىندە ەل ەكونوميكاسىنىڭ دامۋىندا شەشۋشى ءرول اتقارىپ كەلەدى. سونىمەن قاتار, شاعىن بيزنەستىڭ وركەندەۋىنە ىقپال ەتىپ, شيكىزات ەكسپورتى ارتۋدا. بۇل باعىتتا وڭتۇستىك قازاقستان وبلىسىندا اتقارىلعان جۇمىستار اۋقىمدى. ماسەلەن, وبلىس شەڭبەرىندە 11 يندۋستريالىق ايماق قۇرۋ جۇمىستارى جۇرگىزىلۋدە. شىمكەنتتەگى «وڭتۇستىك» يندۋس­تريالدى ايماعىندا جالپى قۇنى 73,7 ملرد. تەڭگەنى قۇرايتىن 71 ينۆەستيتسيالىق جوبا جۇزەگە اسىرىلۋدا. وندا 5 مىڭعا جۋىق جۇمىس ورىندارىن اشۋ جوسپارلانسا, 71 جوبانىڭ 35-ءى ىسكە قوسىلىپ, 2,8 مىڭ ادام ەڭبەكپەن قامتىلعان. جۇزەگە اسقان جوبالارعا 18,2 ملرد. تەڭگەنىڭ ينۆەستيتسياسى تارتىلدى. ال, اۋدان, قالالارداعى يندۋستريالدى ايماقتاردا ورنالاستىرۋعا 1,5 ملرد. تەڭگەنى قۇرايتىن 79 ينۆەستيتسيالىق جوبا ماقۇلدانىپ وتىر. وندا 8621 جاڭا جۇمىس ورنىن اشۋ جوسپارلانسا, بۇگىندە 5 جوبا ىسكە قوسىلىپ, 571 ازامات جۇمىسپەن قامتىلعان. وڭىردە يندۋستريالاندىرۋ كارتاسى اياسىندا جالپى قۇنى 869 ملرد. تەڭگەنى قۇرايتىن جانە 19,9 مىڭ جۇمىس ورنىنىڭ اشىلۋىن قامتاماسىز ەتكەن 115 جوبا جۇزەگە اسىرىلۋدا. 2015 جىلى ينۆەستيتسيا كولەمى 44,6 ملرد. تەڭگەنى قۇرايتىن 27 جوبا ىسكە قوسىلعان. وبلىستا باعدارلامانىڭ ءبىرىنشى بەسجىلدىعىندا 189 ملرد. تەڭگە ينۆەستيتسيا تارتىلىپ, 137 جاڭا جوبا ىسكە قوسىلدى. ناتيجەسىندە 11 مىڭنان استام ازامات جاڭا جۇمىس ورنىمەن قامتىلدى. بۇل – رەسپۋبليكاداعى ەڭ جوعارعى كورسەتكىش. اتقارىلعان جۇمىستاردىڭ ناتيجەسىندە 2010-2014 جىلدارى ونەركاسىپتىك ءوندىرىس كولەمى 255,8 ملرد. تەڭگەدەن 604 ملرد. تەڭگەگە, ياعني 2,4 ەسەگە, وڭدەۋ ونەركاسىبىنىڭ كولەمى 2,4 ەسەگە, ياعني 168,7 ملرد. تەڭگەدەن 397,4 ملرد. تەڭگەگە دەيىن ءوستى. ال, وڭدەۋ ونەركاسىبىندەگى ەڭبەك ونىمدىلىگى 2,1 ەسەگە, 36,4 مىڭ اقش دوللارىنان 76,3 مىڭ اقش دوللارىنا دەيىن ءوستى. سونداي-اق, شيكىزاتتىق ەمەس تاۋارلاردىڭ ەكسپورت كولەمى 1,7 ەسەگە ارتقان. وبلىس اكىمى بەيبىت اتام­قۇلوۆتىڭ باسشىلىعىمەن يننوۆا­تسيالىق يندۋستريالاندىرۋ باعدارلاماسى بويىنشا ۇزدىكسىز جۇمىس جۇرگىزىلۋدە. بۇگىنگە دەيىن وڭتۇستىكقازاقستاندىق دەلەگاتسيا قىتاي, وڭتۇستىك كورەيا, تۇركيا سياقتى مەملەكەتتەردە بولىپ, وڭتۇستىكتىڭ وندىرىستىك مۇمكىندىكتەرى تانىستىرىلدى. ءىرى بيزنەس ورتالىقتارىمەن جۇزدەسىپ, ەكى جاققا دا پايدالى ۇسىنىستار ورتاعا سالىندى. بۇگىندە وڭتۇستىك قازاقستان وبلىسىندا جۇمىس جاساۋعا نيەت بىلدىرگەن ينۆەستورلاردىڭ قاتارى كوبەيىپ كەلەدى. وڭتۇستىك – اگرارلى وبلىس. تابيعات جاعدايى از شىعىنمەن جاقسى تابىسقا جەتۋگە مۇمكىندىك بەرەدى. مۇنى وبلىسىمىزعا ارنايى ساپارمەن كەلگەن ەۋروپا مەملەكەتتەرىنىڭ وكىلدەرى دە ايتۋدا. قازىر قولداعى بار قارجىعا قاراپ, جۇمىس جاساۋ داعدارىس جاعدايىندا سەرپىندىلىك اكەلمەيدى. شەتەل ينۆەستورلارىمەن قاتار ءوزىمىزدىڭ ءىرى كاسىپكەرلەرىمىزدى قولداي وتىرىپ, جاڭا ءوندىرىس ورىندارىن كوبەيتۋ جاڭا جۇمىس ورىندارىن اشۋعا مۇمكىندىك بەرەدى. وڭتۇستىكتە وسى باعىتتا باعدارلامالار قابىلدانىپ, يندۋستريالدىق ايماقتار بويىنشا ەلباسىنىڭ تاپسىرمالارى ءتيىمدى ورىندالىپ جاتىر. مەملەكەت باسشىسى نەگىزدەگەن ۇلت جوسپارى جاڭا قازاقستاندىق ارمانعا جەتكىزەتىنىن حالقىمىز دا ءبىلىپ, ءبىراۋىزدان قولداپ كەلەدى. ساپاربەك تۇياقباەۆ, وڭتۇستىك قازاقستان وبلىسى اكىمىنىڭ ورىنباسارى. وڭتۇستىك قازاقستان وبلىسى.